AIA Group အကြောင်း
AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်သည်။ ဟောင်ကောင်၊ ထိုင်း၊ စင်္ကာပူ၊ မလေးရှား၊ တရုတ်ပြည်မ၊ ကိုရီးယား၊ ဖိလစ်ပိုင်၊ သြစတေးလျ၊ အင်ဒိုနီးရှား၊ တိုင်ဝမ်၊ ဗီယက်နမ်၊ နယူးဇီလန်၊ မက္ကာအို၊ ဘရူနိုင်း၊ ကမ္ဘောဒီးယားတို့တွင် ရာနှုန်းပြည့်ပိုင်ဆိုင်သော ကုမ္ပဏီခွဲများရှိပြီး သီရီလင်္ကာတွင် ၉၇% ပိုင်ဆိုင်သော ကုမ္ပဏီခွဲ၊ အိန္ဒိယတွင် ၄၉% ဖြင့် အကျိုးတူပူးပေါင်းဆောင်ရွက်မှု တို့ရှိပါသည်။ AIA သည် မြန်မာနိုင်ငံတွင်လည်း ရာနှုန်းပြည့်လုပ်ကိုင်ခွင့်ရရှိသော ကုမ္ပဏီခွဲအဖြစ် ဆောင်ရွက်ရန် ၂၀၁၉ ခုနှစ်၊ ဧပြီလတွင် ရွေးချယ်ခံခဲ့ရသည်။
AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံ လုပ်ငန်းများအရ အာရှ-ပစိဖိတ် ဒေသတွင် ဈေးကွက်ဦးဆောင်သူ (ယခင်ဂျပန်နိုင်ငံ) ဖြစ်ပြီး ၎င်း၏ ဈေးကွက် အများစုတွင် ရှေ့ဆုံးမှ ဦးဆောင်လျက်ရှိသည်။ ၂၀၁၉ ခုနှစ်၊ ဇွန်လ ၃၀ ရက်နေ့မှစ၍ စုစုပေါင်းပိုင်ဆိုင်မှုမှာ အမေရိကန်ဒေါ်လာ ၂၅၆ ဘီလီလျံ ရှိသည်။
AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင် ပြည်သူတစ်ဦးချင်းစီအတွက် ရေရှည်ငွေစုခြင်းနှင့် လိုအပ်သည့် ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို ဆောင်ရွက်ပေးလျက်ရှိသည်။ Group Office သည်လည်း ဝန်ထမ်းများ၏ အကျိုးအမြတ်များ၊ ချေးငွေအသက်အာမခံနှင့် ပင်စင်ဝန်ဆောင်မှုများကိုလည်း ထောက်ပံ့ဆောင်
ရွက်ပေး လျက်ရှိသည်။ AIA သည် အာရှ-ပစိဖိတ် တစ်ဝှမ်းတွင် အကျိုးဆောင် ကိုယ်စားလှယ်များ၊ လုပ်ငန်းတူ လုပ်ကိုင်သူများနှင့် ဝန်ထမ်းများ ပါဝင်သည့် ကျယ်ပြန့်သော ကွန်ရက်ဖြင့် တစ်ဦးတစ်ယောက်ချင်းစီအာမခံ ပေါ်လစီပေါင်း ၃၄ သန်းကျော်နှင့် စုပေါင်းအာမခံ ပေါ်လစီပေါင်း ၁၆ သန်းကျော်ကို ဆောင်ရွက်ပေးလျက်ရှိသည်။
AIA Group Limited သည် Stock Exchange ဈေးကွက်တွင် ကူးသန်းရောင်းဝယ်နေသော American Depositary Receipts (Level 1) (ticker symbol: “AAGIY”) နှင့်အတူ Stock Exchange Code “၁၂၉၉” ဖြင့် Hong Kong Limited Stock Exchange ၏ အဓိကစာရင်းဝင်ကုမ္ပဏီဖြစ်သည်။
ဤကဲ့သို့ အာမခံ လုပ်ငန်းများ အပြည့်အဝ ဆောင်ရွက်လျက်ရှိသည့် AIA သည် မြန်မာနိုင်ငံသားများ ပိုမိုကျန်းမာ အသက်ရှည်ပြီး ပိုမိုကောင်းမွန်သောဘဝများ ရရှိရန်အတွက် လူမှု-စီးပွား ဖွံ့ဖြိုးတိုးတက်မှုကို ရေရှည်တိုးချဲ့ လုပ်ကိုင်ဆောင်ရွက်သွားမည်ဖြစ်သည်။
AYA Bank အကြောင်း
၂၀၁၀ခုနှစ် ဇူလိုင်လ (၂) ရက်တွင် မြန်မာနိုင်ငံတော်ဗဟိုဘဏ်က ဘဏ်လုပ်ငန်းလုပ်ပိုင်ခွင့်လိုင်စင်ကို ဧရာဝတီ ဘဏ်သို့ အပ်နှင်းခဲ့ပြီး၊ ၂၀၁၆ခုနှစ် ငွေရေးကြေးရေးအဖွဲ့အစည်းများဥပဒေအရ အပြည်ပြည်ဆိုင်ရာ ဘဏ်လုပ်ငန်းများအတိုင်း လိုင်စင်ကို သက်တမ်းတိုးပေးအပ်ခဲ့သည်။ ဧရာဝတီဘဏ်သည် စတင်တည်ထောင် ချိန်မှစ၍ (၇) နှစ်အတွင်းတွင်၊ မြန်မာနိုင်ငံတွင် ဒုတိယအကြီးဆုံးဘဏ်အဖြစ် လျင်မြန်စွာ တိုးတက်ကြီးထွား ခဲ့သည်။ ယခုအခါ ဘဏ်ခွဲပေါင်း (၂၅၈)ဘဏ်၊ သုံးစွဲသူပေါင်း (၁.၄) သန်း၊ အပ်နှံငွေမြန်မာကျပ် ငွေစုစုပေါင်း (၄.၇) ထရီလျံ နှင့် ၂၀၁၇ စက်တင်ဘာလအထိ အစုရှယ်ယာဝင်များ ၏ ထည့်ဝင်ငွေ (၁၅၀) ဘီလျံရှိထားသည်။ ထို့အပြင်ဘဏ်တွင် ငွေအများဆုံးအပ်နှံသူ (၁၀ဝ) ဦး၏ စုစုပေါင်းအပ် နှံငွေပမာဏသည် ဘဏ်တွင် အများပြည်သူ အပ်နှံငွေပေါင်း၏ (၆) ရာခိုင်နှုန်း သာရှိသဖြင့် ဘဏ်အပေါ်တွင် အများပြည်သူ၏ စိတ်ချယုံကြည်မှုများ အပြည့်အဝရရှိထားသည်။
United Nations Global Compact (UNGC) ၏ အဖွဲ့ဝင်ဖြစ်သည့်အလျောက် အဖွဲ့အစည်း၏ အုပ်ချုပ်ရေးကဏ္ဍ၊ စီမံခန့်ခွဲရေးကဏ္ဍ နှင့်ဘဏ်လုပ်ငန်း လည်ပတ်ရေးကဏ္ဍများတွင် အပြည်ပြည်ဆိုင်ရာ စံချိန်စံနှုန်းများနှင့်အညီ အကောင်းဆုံး လုပ်ထုံးလုပ်နည်းများကို လက်နာကျင့်သုံးလျက်ရှိသည်။ ထို့ကြောင့်ဧရာဝတီဘဏ်သည် ၂၀၁၄-၁၅ဘဏ္ဍာနှစ်မှ စတင်၍ အပြည်ပြည်ဆိုင်ရာ ဘဏ္ဍာရေး အစီရင်ခံခြင်း စံချိန်စံနှုန်း (ခေါ်) (IFRS) နှင့်ကိုက်ညီသော မြန်မာနိုင်ငံရှိ တခုတည်းသောဘဏ်ဖြစ်သည်။ ထို့အပြင် စာရင်းစစ်ခံခြင်း အဆင့်အတန်းသည်လည်း ကမ္ဘာအဝှမ်း နာမည်ကျော် စာရင်းစစ်အဖွဲ့ (၄) ဖွဲ့က စာရင်းစစ်ထား သည့် အပြည်ပြည်ဆိုင်ရာစာရင်းစစ်ခံခြင်း စံချိန်စံနှုန်း (ခေါ်) (ISA) နှင့် ကိုက်ညီမှုရှိသော ပြည်တွင်းရှိ တခုတည်းသောဘဏ်ဖြစ်သည်။ ဧရာဝတီဘဏ်သည် ပြည်တွင်း
တွင်သာမက ပြည်ပအတွေ့အကြုံများစွာရှိသော အရည်အချင်းပြည့်ဝသည့် ဝန်ထမ်းများကို တည်မြဲစွာ ခန့်အပ်ထားရှိနိုင်သည်။ ဧရာဝတီဘဏ်သည် ဝန်ဆောင်မှုပေးလျက်ရှိသော အများပြည်သူအကျိုး နှင့် ဘဏ်ရေရှည် တည်တံ့ခိုင်မြဲရေးတို့ အကျိုးကို ရှေးရှုလျက် လေ့ကျင့်သင်ကြားရေးနှင့် ဖွံ့ဖြိုးတိုးတက်ရေးကဏ္ဍတွင် သိသာထင်ရှားစွာ ရင်းနှီးမြှုပ်နှံ ထားသည်။
နောင်လာမည့်နှစ်များအတွက်လည်း မြန်မာပြည်တွင်းတွင် ဘဏ်ခွဲများကွန်ရက်ကို လက်ရှိတွင် ဆက်လက် တိုးချဲ့ ဖွင့်လှစ်နေလျက် သုံးစွဲသူ အမျိုးအစားအသီးသီးတို့အတွက် ကမ္ဘာ့အဆင့် ခေတ်မီနည်းပညာများကို အသုံးချ၍ နောက်ဆုံးပေါ် ပင်မဘဏ်လုပ်ငန်း၊ ဒစ်ဂျစ်တယ်ဘဏ်လုပ်ငန်းနှင့် ဘဏ္ဍာရေးနည်းပညာကဏ္ဍများတွင် အဓိက ထား၍ ရင်းနှီးမြှုပ်နှံလျက်ရှိသည်။ ဧရာဝတီဘဏ်သည် မိမိတို့၏ သုံးစွဲသူအများပြည်သူနှင့် ဆက်ဆံရေး ပိုမိုခိုင်မြဲစေရန်၊ အကောင်းဆုံးဝန်ဆောင်မှုများကို အစဉ်တစိုက်ပေးနိုင်ရန်၊ သုံးစွဲသူများ ပိုမိုများပြားလာစေရန် နည်းပညာသစ်များဖြင့် မွန်းမံထားသည်။ မျှတ၍ ရေရှည်တည်တံ့စွာ ဖွံ့ဖြိုးတိုးတက်ရေးကို ရှေးရှုလျက် ဘဏ်၏အုပ်ချုပ်ရေး၊ ဆုံရှုံးနိုင်ခြေနှင့် လက်နာကျင့်သုံးသော လုပ်ထုံး လုပ်နည်းစနစ်များကို ပိုမိုခိုင်မာတောင့်တင်း စေရန် ဆောင်ရွက်လျက်ရှိသည်။
မြန်မာနိုင်ငံဘောလုံးအဖွဲ့ချုပ်
မြန်မာနိုင်ငံ ဘောလုံးအဖွဲ့ချုပ်မှာ ၁၉၄၇ ခုနှစ်တွင် စတင်တည် ထောင်ခဲ့သည့် အဖွဲ့အစည်းကြီး ဖြစ်ပြီး မြန်မာနိုင်ငံ၏ ဘောလုံးအားကစားနှင့် ပတ်သက်၍ တာဝန်အရှိဆုံး ဦးစီးဦးဆောင် အဖွဲ့ကြီး ဖြစ်သည်။ မြန်မာနိုင်ငံ ဘောလုံးအဖွဲ့ချုပ်သည် အာဆီယံဘောလုံးအဖွဲ့ချုပ် (Asean Football Federation)၊ အာရှဘောလုံးအဖွဲ့ချုပ် (Asian Football Confederation)နှင့် ကမာ္ဘ့ဘောလုံး အဖွဲ့ချုပ် (Federation of International Football Association) အဖွဲ့ဝင် အဖွဲ့အစည်းတစ်ခုဖြစ်ပြီး ဖီဖာနှင့် AFC တို့မှ ချမှတ်ထားသည့် စည်းမျဉ်းစည်းကမ်းများနှင့် အညီ မြန်မာ့လက်ရွေးစင် အမျိုးသား အသင်း၊ အမျိုးသမီးအသင်းနှင့် လူငယ်အသင်းများကို ဖွဲ့စည်းကာ နိုင်ငံတကာ ပြိုင်ပွဲများ ဝင်ရောက် ယှဉ်ပြိုင်စေလျှက် ရှိသည်။ ဘောလုံးအားကစား ဖွံ့ဖြိုးတိုးတက်စေရန် အတွက် မြန်မာနေရှင်နယ်လိဂ် အမည်ဖြင့် ပရော်ဖက်ရှင်နယ် လိဂ်ပြိုင်ပွဲ တစ်ရပ်ကိုလည်း ကျင်းပပေးလျှက်ရှိသည်။
မြန်မာနေရှင်နယ်လိဂ်သည် မြန်မာ့ဘောလုံးအားကစားကို နိုင်ငံတကာနှင့်အညီ ယှဉ်ပြိုင်နိုင် စေရန်နှင့် နိုင်ငံတကာ တွင် ပိုမိုထိုးဖောက်အောင်မြင်မှုရရှိစေရန် ရည်ရွယ်ပြီး နိုင်ငံတကာ ပရော်ဖက်ရှင်နယ်လိဂ် ဘောလုံးစည်းမျဉ်း များနှင့်အညီ ၂၀၀၉ ခုနှစ်တွင် စတင်အကောင်အထည်ဖော် ဆောင်ရွက်ခဲ့သည့် မြန်မာနိုင်ငံ၏ အဆင့်မြင့်ဆုံး ပရော်ဖက်ရှင်နယ်ဘောလုံးလိဂ်ပြိုင်ပွဲကြီးဖြစ်ပါသည်။
မြန်မာနေရှင်နယ်လိဂ်ပြိုင်ပွဲကြီးတွင် MNL 1 နှင့် MNL 2 အတန်းနှစ်တန်းရှိပြီး ကလပ်အသင်းတိုင်းက စီနီယာ ကလပ်အသင်းများအပြင် သက်တန်းအလိုက် လူငယ်အသင်းများ ဖွဲ့စည်းကာ ဝင်ရောက်ယှဥ်ပြိုင်ရသည့် လူငယ် လိဂ်ပြိုင်ပွဲများလည်း ကျင်းပပြုလုပ်ပေးလျှက်ရှိပြီး ရှုံးထွက်ပြိုင်ပွဲကိုလည်း ပုံမှန်ကျင်းပပေးလျက် ရှိပါသည်။
မြန်မာနေရှင်နယ်လိဂ်ပြိုင်ပွဲကြီး (MNL 1) ပြိုင်ပွဲကြီးများကို Home & Away စနစ်ဖြင့် ရန်ကုန်၊ မန္တလေး၊ တောင်ကြီး၊ ပုသိမ်၊ မုံရွာ၊ ပဲခူး၊ မော်လမြိုင်၊ စစ်တွေမြို့ကြီးများတွင် အောင်မြင်စွာကျင်းပပြုလုပ်ခဲ့ပြီး နိုင်ငံလက်ရွေးစင်အသင်း အဆင့်ဆင့် အတွက် အားထားရသည့် မျိုးဆက်သစ် လူငယ် ဘောလုံးသမားကောင်း များစွာ မွေးထုတ်ပေး နိုင်ခဲ့ပါသည်။ မြန်မာနေရှင်နယ်လိဂ် ပြိုင်ပွဲကြီး ပေါ်ပေါက်လာခဲ့ပြီး နောက်တွင် အဓိက အောင်မြင်မှုအဖြစ် ၂၀၁၁ ခုနှစ်တွင် အင်ဒိုနီးရှား နိုင်ငံ၌ ကျင်းပသည့် ၂၆ ကြိမ် မြောက် ဆီးဂိမ်းတွင် တတိယဆု ရယူနိုင်ခဲ့ခြင်း၊ ၂၀၁၄ ခုနှစ်တွင် မြန်မာနေရှင်နယ်လိဂ် ကလပ်အသင်း အများစုမှ လူငယ် ကစားသမားများ ပါဝင်ဖွဲ့စည်းထားသည့် မြန်မာ့လက်ရွေးစင် ယူ−၁၉ အသင်း ယူ−၂၀ ကမာ္ဘ့ဖလား ဝင်ရောက် ယှဉ်ပြိုင်ခွင့် ရခဲ့ခြင်း၊ ၂၀၁၄ ခုနှစ် အတွင်းမှာပင် မြန်မာ့လက်ရွေးစင် အသင်း အနေဖြင့် ဖိလစ်ပိုင်နိုင်ငံမှ အိမ်ရှင်အဖြစ် လက်ခံကျင်းပခဲ့သည့် ဖိလစ်ပိုင် ငြိမ်းချမ်းရေးဖလား ပြိုင်ပွဲတွင် ဗိုလ်စွဲနိုင်ခဲ့ခြင်း၊ ၂၀၁၅ ခုနှစ်တွင် မြန်မာ့လက်ရွေးစင် ယူ−၂၃ အသင်း စင်ကာပူနိုင်ငံ၌ ကျင်းပသည့် ၂၈ ကြိမ်မြောက် အရှေ့တောင်အာရှ အားကစားပြိုင်ပွဲတွင် ဒုတိယဆု ရယူနိုင်ခဲ့ခြင်း၊ ၂၀၁၆ ခုနှစ်တွင် ကျင်းပခဲ့သည့် ဆူဇူကီးဖလား ပြိုင်ပွဲတွင် မြန်မာ့လက်ရွေးစင် အသင်းအနေဖြင့် ၁၀ စုနှစ်တစ်စုကြာ တက်ရောက်နိုင်ခဲ့ခြင်း မရှိသည့် ဆီမီးဖိုင်နယ် အဆင့်ကို တက်ရောက်နိုင်ခဲ့ခြင်း၊ ယခု ၂၀၁၉ ခုနှစ်တွင် ဖိလစ်ပိုင်နိုင်ငံ၌ ကျင်းပခဲ့သည့် အကြိမ် ၃၀ မြောက် ဆီးဂိမ်းတွင် မြန်မာ့လက်ရွေးစင် ယူ−၂၂ အသင်းအနေဖြင့် တတိယဆု ရယူနိုင်ခဲ့ခြင်း စသည့် အောင်မြင်မှုများ ရရှိခဲ့ပါသည်။
လက်ရှိတွင် မြန်မာနေရှင်နယ်လိဂ် ပြိုင်ပွဲဝင် ကလပ်အသင်းများ အနေဖြင့်လည်း အာရှဘောလုံးအဖွဲ့ချုပ်မှ ကြီးမှူးကျင်းပသည့် ပြိုင်ပွဲကြီးများ ဖြစ်သည့် AFC Champions League နှင့် AFC Cup ပြိုင်ပွဲများတွင် ဝင်ရောက်ယှဉ်ပြိုင်လျှက်ရှိပြီး ရန်ကုန်ယူနိုက်တက် အသင်းအနေဖြင့် ၂၀၁၈ ခုနှစ် AFC Cup ပြိုင်ပွဲတွင် Zonal Semi-final အဆင့်ထိ တက်ရောက်နိုင်ခဲ့ပါသည်။
