[ရန်ကုန်၊ မြန်မာ၊ ၂၀၁၉ ခုနှစ်၊ စက်တင်ဘာလ ၂ ရက်] – ဘောလုံးအားကစားကို အရူးအမူးနှစ်သက်သော ကလေးငယ်အယောက် ၂၄၀ သည် စက်တင်ဘာလ ၁ ရက်နေ့တွင် Yangon United Sports Complex (YUSC)၌ AIA Kick မှ အခမဲ့ပို့ချပေးသည့် ဘောလုံးအားကစားလေ့ကျင့်ရေးသင်တန်းကို တက်ရောက်ခဲ့ကြသည်။ အင်္ဂလန် ပရီးမီးယားလိဂ်မှ ထိပ်တန်း ကလပ်အသင်းတစ်သင်းဖြစ်သော Tottenham Hotspur မှ နည်းပြနှစ်ယောက်၏ လေ့ကျင့်သင်ကြားပေးသည့် ကြုံတောင်ကြုံခဲ အခွင့်အရေးကိုရရှိခဲ့ပြီး အရည်အချင်းများ ပိုမိုတိုးတက်လာကာ အတွေ့အကြုံကောင်းများရရှိခဲ့သည်။ ထိုကဲ့သို့ ရင်ခုန်စိတ်လှုပ်ရှားစရာကောင်းသည့် အစီအစဉ်ကို Market Capitalization အရ ကမ္ဘာ့နံပါတ် ၁ အသက်အမခံကုမ္ပဏီ ဖြစ်သည့် AIA မှ မြန်မာ ကလေးငယ်များ ပိုမိုကျန်းမာအသက်ရှည်ပြီး ပိုမိုကောင်းမွန်သည့်ဘဝများ ရရှိစေရန်အတွက် စီစဉ်ဆောင်ရွက်ပေးခြင်းဖြစ်သည်
တစ်နေ့တာကြာမြင့်သည့် အဆိုပါအစီအစဉ်တွင် အသက် ၇ နှစ်မှ ၁၄ နှစ် အတွင်းရှိသည့် ကလေးငယ်များသည် လေ့ကျင့်ရေးကွင်းများထဲတွင် Yangon United ဘောလုံးအသင်းမှ ပြည်တွင်းနည်းပြများ၏အကူအညီဖြင့် Tottenham Hotspur မှ နည်းပြများ လေ့ကျင့်သင်ကြားပေးသည့် အပြေးလေ့ကျင့်ခန်း၊ ကိုယ်လက်လှုပ်ရှား လေ့ကျင့်ခန်းများကို တက်တက်ကြွကြွဖြင့် ပါဝင်လုပ်ဆောင်ခဲ့ကြသည်။ အင်္ဂလန်နိုင်ငံ၏ရှေ့တန်းကစားသမား ဖြစ်သော Harry Kane နှင့် တောင်ကိုရီးယား တိုက်စစ်မှုးဖြစ်သော Son Heung-Min ကဲ့သို့ ကမ္ဘာကျော် ဘောလုံးအားကစားသမားများကို လေ့ကျင့်ပေးသည့် ဂုဏ်သရေရှိ နည်းပြများဖြစ်သော Mr. Anton Blackwood (International Development Manager) နှင့် Mr. Aaron Tilbrook (International Development Coach) တို့နှင့် လေ့ကျင့်သင်ကြားရမည့် စိတ်ကူးယဉ်အိပ်မက်များမှာ ကလေးငယ်များအတွက် အမှန်တကယ်ပြည့်ဝခဲ့ပြီ ဖြစ်သည်။ AIA သည် ထိုအစီအစဉ်အား စီစဉ်ကျင်းပပေးခြင်းမှာ ကလေးငယ်များ ဘောလုံးအားကစား နည်းစနစ်နှင့် အသင်းလိုက်ပူးပေါင်းဆောင်ရွက်မှုတွင် တိုးတက်လာအောင် လေ့ကျင့်ခြင်းအားဖြင့် ပိုမိုကျန်းမာ သည့် လူနေမှုပုံစံများရရှိရန်အတွက်ဖြစ်သည်။
AIA Kick သည် သင်တန်းအစီ်အစဉ်များအပြင် ကျန်းမာရေး စစ်ဆေးမှုများကိုလည်း တစ်ခါတည်း ဆောင်ရွက် ပေးခဲ့သည့်အတွက် ကလေးများနှင့် မိဘများသည် ကျန်းမာရေးဆိုင်ရာအတိုင်ပင်ခံဆွေးနွေးချက်များကို အခမဲ့ လာရောက် ဆွေးနွေးခဲ့ကြသည်။ ကလေးများ၏ အာဟာရနှင့် နေထိုင်မှုပုံစံနှင့် ပတ်သက်၍ မိဘများ၏ ကျန်းမာရေးအမြင် ပိုမိုကျယ်ပြန့်လာစေရန်အတွက် ကျန်းမာရေးပညာရှင်များမှ ကလေးများ၏ အသက်၊ အရပ်၊ ကိုယ်အလေးချိန်ပေါ် မူတည်၍ ကျန်းမာရေး အကြံဉာဏ်များပေးခဲ့သည်။
“မြန်မာနိုင်ငံမှာတဲ့ ကျန်းမာတဲ့ လူနေမှုဘဝတွေ တိုးတက်အောင်ဆောင်ရွက်ဖို့ AIA က အရမ်းကို စိတ်အား ထက်သန်နေပါတယ်။ ပြီးတော့ ကလေးတွေအတွက် AIA Kick ဘောလုံးသင်တန်းကို ပထမဆုံး အောင်အောင် မြင်မြင် ဆောင်ရွက်ပေးခဲ့နိုင်လို့ဝမ်းသာကျေနပ်မိပါတယ်။ ဒီအစီအစဉ်မှာ မျှော်မှန်းထားတာထက် ၅ ဆလောက် ရှိတဲ့ ကလေးတွေ ရာနဲ့ချီပြီးတော့ စိတ်ဝင်တစားနဲ့ လာရောက် စာရင်းပေးသွင်းတာကိုတွေ့ရပါတယ်။ အခုလို စိတ်ဝင်တစားနဲ့လာတက်ရောက်တဲ့အတွက် ကလေးတွေရော မိဘတွေကိုရော ကျေးဇူးတင်ပါတယ်။ Tottenham Hotspur က ထိပ်တန်းနည်းပြနှစ်ယောက်နဲ့ သင်ကြားခဲ့ရတဲ့ အတွေ့အကြုံကောင်းတွေကို အားလုံးက အားရကျေနပ်လိမ့်မယ်လို့မျှော်လင့်ပါတယ်။” ဟု AIA Myanmar ၏ CEO ဖြစ်သူ Mr. Nhon Ly (Luc) က ပြောကြားခဲ့သည်။ “မြန်မာ့လူ့အဖွဲ့အစည်းတွေနဲ့ ပထမဆုံး ဆောင်ရွက်ခဲ့တာဖြစ်ပြီး နောင်ကိုလည်း ပြည်သူတွေ ပိုမိုကျန်းမာအသက်ရှည်ပြီး ပိုမိုကောင်းမွန်တဲ့ဘဝတွေကို ရရှိခံစားနိုင်ဖို့ အဓိပ္ပါယ်ပြည့်ဝတဲ့ အစီအစဉ်တွေကို လည်း ဆောင်ရွက်ပေးနိုင်မယ်လို့ မျှော်လင့်ပါတယ်။” ဟု ၎င်းက ထပ်လောင်းပြောကြားခဲ့သည်။
Tottenham Hotspur အသင်း၏ International Development Coach ဖြစ်သူ Aaron Tilbrook က “ဘောလုံးအားကစားနည်းပြအနေနဲ့ လူငယ်တွေရဲ့ တိုးတက်မှုအတွက်၊ အထူးသဖြင့် အာရှက လူငယ်တွေရဲ့ တိုးတက်မှုအတွက် ကူညီဆောင်ရွက်ပေးရတာ ကျေနပ်ပျော်ရွင်စရာပါ။ ဒီလိုသင်တန်းမျိုးဟာ အသင်းလိုက် ပူးပေါင်းဆောင်ရွက်မှု၊ ကာယလှုပ်ရှားမှုကြောင့်ဖြစ်ပေါ်တဲ့ ဖျတ်လက်တွက်ကြွမှု စတဲ့ အဖိုးတန်တဲ့ အမြင်တွေကို လက်ဆင့်ကမ်းပေးရာမှာ အလွန်ထိရောက်ပါတယ်။ AIA Myanmar ရဲ့ ကျေးဇူးကြောင့် မြန်မာနိုင်ငံမှာ ပထမဆုံး လာရောက်ပြီးတော့ တောက်ပတဲ့အနာဂတ်ကောင်းတွေရှိတဲ့လူငယ်ပါရမီ အာကစားသမားတွေကို တိုက်ရိုက် လေ့ကျင့်သင်ကြားပေးရတဲ့အတွက် ကျွန်တော်တို့ရဲ့ နည်းပြအသင်းကိုယ်စား ကျေးဇူးတင်ကြောင်း ပြောကြား လိုပါတယ်။” ဟူ၍ ၎င်း၏ အတွေ့အကြုံကို ပြန်လည်ပြောပြခဲ့သည်။
AIA Myanmar သည် ညနေပိုင်းတွင် သင်တန်းကျင်းပရာနေရာ၌ ပရိသတ်များနှင့် တွေ့ဆုံနှုတ်ဆက်ပွဲကို ကျင်းပ ခဲ့သည်။ Tottenham Hotspur ၏ ပရိသတ် ၂၀၀ လောက်မှ အသင်း၏ နည်းပြနှစ်ယောက်ဖြင့် တွေ့ဆုံခဲ့ပြီး ပျော်ပွဲရွှင်ပွဲများတွင် ပါဝင်ဆင်နွှဲခဲ့ကြပြီး ကံစမ်းမဲအစီအစဉ်များကို ပါဝင်ခဲ့ကြသည်။ ထိုကံစမ်းမဲ အစီအစဉ်တွင် ၎င်းတို့နှစ်သက်သည့် Spur ဘောလုံးအသင်း၏ အားကစားအင်္ကျီများကို မဲဖောက်ပေးခဲ့သည်။
AIA Myanmar ကိုယ်စားလှယ်ရုံးခန်းကို ၂၀၁၃ ခုနှစ်တွင် စတင်တည်ထောင်ခဲ့သည်။ လွန်ခဲ့သည့် ၆ နှစ်တွင်းတွင် မြန်မာပြည်သူတို့၏ နေထိုင်မှုအဆင့်အတန်းကို မြှင့်တင်ပေးရုံသာမက အာမခံလုပ်ငန်းနှင့် စပ်လျဉ်း၍ customer များကိုလည်း အသိအမြင်များမြှင့်တင်ပေးသည့် လုပ်ငန်းများကို တက်တက်ကြွကြွဖြင့် ပါဝင်ဆောင်ရွက်ခဲ့သည်။ AIA သည် ၎င်း၏ကုမ္ပဏီခွဲကို မြန်မာနိုင်ငံတွင်ရာနှုန်းပြည့် လုပ်ကိုင်ခွင့်ရသော ကုမ္ပဏီအနေဖြင့် လုပ်ငန်း ဆောင်ရွက်ရန် လျှောက်ထားရာတွင် ၂၀၁၉ ခုနှစ် ဧပြီလ၌ ရွေ့းချယ်ခြင်းခံခဲ့ရသည်။ AIA ဟာ လိုင်စင် ရသည်နဲ့ တပြိုင်နက် မြန်မာနိုင်ငံတွင်အာမခံ လုပ်ငန်းများကို စတင်ဆောင်ရွက်တော့မည်ဖြစ်ပြီး မြန်မာပြည်သူများ ပိုမိုကျန်းမာ အသက်ရှည်၍ပိုမိုကောင်းမွန်သော ဘဝများရရှိစေမည့် လူမှုစီးပွားရေး ဖွံ့ဖြိုးတိုးတက်မှု လုပ်ငန်းများ ကိုလည်း ရေရှည်ဆက်လက်ဆောင်ရွက်သွားမည်ဖြစ်သည်။ ယင်းမှာ AIA မှ မြန်မာနိုင်ငံတွင် လုပ်ငန်းတိုးချဲ့ဆောင် ရွက်ရာတွင် အနာဂတ်လုပ်ငန်းများကို သိသိသာသာ ထင်ဟပ်စေမည်ဖြစ်သည်။
AIA Kick အကြောင်း သို့မဟုတ် AIA Myanmar ၏ ပျော်ရွင်စိတ်လှုပ်ရှားစရာကောင်းသည့် အခြား ဆောင်ရွက်မှုများအကြောင်းကို ပိုမိုသိရှိလိုပါက AIA Myanmar ၏ တရားဝင် Facebook စာမျက်နှာဖြစ်သည့် https://www.facebook.com/AIA.Myanmar.MM/ တွင် ဝင်ရောက်ကြည့်ရှုနိုင်ပါသည်။
