AIA One Billion က မိတ်ဖက်ပူးပေါင်းမှုများ၊ ဆောင်ရွက်လှုပ်ရှားမှုများ၊ လူမှုအကျိုးပြုအစီအစဥ်များ နှင့် ကမ်ပိန်းများမှတစ်ဆင့် customer များ၊ agent များ၊ မိတ်ဖက်များ၊ လူမှုအသိုက်အဝန်းများစသည်တို့နှင့် ချိတ်ဆက်ဆောင်ရွက်မှုကို လွှမ်းခြုံ၍ လူတစ်ဦးချင်းစီက ပိုမိုကျန်းမာသော ဘဝနေထိုင်မှုပုံစံများကို ယုံကြည် လက်ခံလာစေရန် ကူညီပေးဖို့ ရည်ရွယ်ပါတယ်။ ဒေသတစ်ဝန်းရှိ AIA Ambassadors များမှလည်း ဤအစီအစဥ်တွင်ပါဝင်ကာ လူမှုအသိုက်အဝန်းကို အသိပညာပေးပြီး ကျန်းမာရေး ရလဒ်ကောင်းတွေဆောင်ကြဥ်းပေးနိုင်ရန် ပံ့ပိုးသွားမည်ဖြစ်ပါတယ်။
ထိုသို့ ပံ့ပိုးပေးသွားရာတွင် ကျွန်တော်တို့ AIA ရဲ့ ရည်မှန်းချက်ကို customer တွေဆီသာမကဘဲ များပြားလှတဲ့ လူထုဆီကို ရောက်ရှိစေဖို့ ချဲ့ထွင်ဆောင်ရွက်သွားမှာဖြစ်ပြီး ကိုယ်စိတ်နှလုံးကျန်းမာချမ်းသာရေးနဲ့ သဘာဝပတ်ဝန်းကျင် သာယာဝပြောရေးတို့ ပိုမိုတိုးတက်ဖြစ်ထွန်းစေဖို့နှင့် လူထုအားလုံးပါဝင်နိုင်တဲ့ ငွေရေးကြေးရေး ကဏ္ဍတစ်ရပ် ထူထောင်ပေးနိုင်ဖို့ အာရှတစ်ခွင်က လူမှုအသိုက်အဝန်း တွေကို ချိတ်ဆက် ပညာပေးစေ့ဆော်ပေးသွားမှာဖြစ်ပါတယ်။
AIA အနေဖြင့် သဘာဝပတ်ဝန်းကျင်၊ လူမှုရေးနှင့် စီမံအုပ်ချုပ်ရေးပိုင်း (ESG) ဆိုင်ရာတွင် ကမ္ဘာ့ဦးဆောင်သူတစ်ဦးဖြစ်ရန် ရည်မှန်းထားရာ AIA One Billion က အဆိုပါရည်မှန်းချက်နှင့် တစ်သားတည်းဖြစ်သည့် ရှင်းလင်းပြတ်သားသည့် ပန်းတိုင်များချမှတ်ရေးနှင့် လူမှုအသိုက်အဝန်းများ ရေရှည်ဖွံ့ဖြိုးတိုးတက်မှုအတွက် များစွာအကျိုးဖြစ်ထွန်းစေရန် ရည်ရွယ်သည့် ကျွန်ုပ်တို့၏ ရေရှည်နည်းဗျူဟာအပေါ် အခြေပြုထားပါတယ်။ AIA ၏ ESG အစီရင်ခံစာ တစ်စိတ်တစ်ဒေသအဖြစ် ၂၀၃၀ ခုနှစ်အမီ ပြည်သူ တစ် ဘီလီယံ ပိုမိုကျန်းမာအသက်ရှည်ပြီး ပိုမိုကောင်းမွန်သော ဘဝတွေရရှိစေနိုင်မည့် ပန်းတိုင်ဆီသို့ ခရီးလမ်းတစ်လျှောက် တိုးတက်မှု အနေအထားကိုလည်း မှတ်သားတိုင်းတာ အစီရင်ခံသွားမည်ဖြစ်ပြီး လာမည့် မတ်လ ၂၀၂၃ တွင် ပထမဦးဆုံးသော အစီရင်ခံစာကို ထုတ်ဝေသွားမည်ဖြစ်ပါတယ်။
မကြာသေးမီ အာရှဒေသအတွင်း နေထိုင်သော လူဦးရေ၏ချမ်းသာကြွယ်ဝမှု တိုးပွားလာခဲ့သလို တစ်ဖက်မှာလည်း နေ့စဉ်နေထိုင်မှုဘဝနှင့် ဆက်စပ်လျက်ရှိတဲ့ ရောဂါပိုးမွှားတွေများပြားလာတာကိုလည်း တွေ့မြင်နေရပါတယ်။ ဒေသအတွင်း သေဆုံးမှုစုစုပေါင်း၏ ၇၀ ရာခိုင်နှုန်းမှာ ထိုရောဂါပိုးမွှားတွေ ကနေတစ်ဆင့် ဖြစ်တာကိုလည်း သိရှိရပါတယ်(1)။ ကိုယ်လက်လှုပ်ရှားမှုမရှိခြင်း၊ အစာအာဟာရချို့တဲ့ခြင်း၊ ဆေးလိပ်သောက်သုံးခြင်း နဲ့ အရက်အလွန်အကျွန်သောက်သုံးခြင်းတို့ကနေတစ်ဆင့် ကင်ဆာရောဂါဝေဒနာ၊ အဝလွန်ခြင်း၊ အသက်ရှုလမ်းကြောင်းဆိုင်ရောဂါဘယများ နှင့် နှလုံးရောဂါ အပြင် စိတ်ပိုင်းဆိုင်ရာ ချို့ယွင်းထိခိုက်မှုတွေကို ဖြစ်ပေါ်စေတာကိုတွေ့ရှိရပါတယ်(2)။
တစ်ချိန်တည်းမှာပင် ရာသီဥတုပြောင်းလဲမှုက အထူးသဖြင့် အာရှဒေသတွင် ရောဂါဖြစ်ပွားမှုနှုန်းနှင့် သေဆုံးမှုနှုန်းကို မြင့်တက်စေမည် ဖြစ်ကြောင်း ကမ္ဘာ့ကျန်းမာရေးအဖွဲ့က လည်း သတိပေးထားပြီးဖြစ်ပါတယ်(3)။
ကျွန်ုပ်တို့၏ လူမှုအသိုက်အဝန်းတို့ကို ဤပြဿနာများ ကူညီဖြေရှင်းပေးရာတွင် ရှေ့တန်းက ဦးဆောင်ပါဝင်နိုင်ရန်မှာ AIA အတွက် များစွာအရေးပါ လှပါတယ်။ လူတန်းစားမရွေး ပိုမိုကျန်းမာသော ဘဝနေထိုင်မှုပုံစံများကို ရရှိခံစားနိုင်စေဖို့ အားပေးကူညီရန်နှင့် ပိုမိုကျန်းမာသန်စွမ်းသည့် ကမ္ဘာတစ်ခုကို ပေးစွမ်းနိုင်ရန်ဟူသည့် ကျွန်ုပ်တို့၏ ကတိကဝတ်ကို AIA One Billion က ကိုယ်စားပြုလျက်ရှိပါတယ်။
