AIA Regional Health Passport

AIA REGIONAL HEALTH PASSPORT အကြောင်း

Regional Health Passport ဆိုသည်မှာ ကျန်းမာရေးစောင့်ရှောက်မှုနဲ့ပတ်သက်ပြီး အချက်အချာကျသော နိုင်ငံများရှိ ဆေးရုံများနှင့်ကွန်ရက်ချိတ်ဆက်ပြီး အကောင်းဆုံးကျန်းမာရေးဆိုင်ရာ စောင့်ရှောက်မှုကို အဆင်ပြေချောမွေ့စွာ ငွေသားမလို ရယူနိုင်မယ့် AIA ရဲ့ သီးသန့်ထပ်တိုးဝန်ဆောင်မှုတစ်ခုဖြစ်ပါတယ်။

Regional Health Passport ၏ အဓိကဝန်ဆောင်မှုများ

နိုင်ငံရပ်ခြားတွင် ဆေးကုသမှုခံယူရန် ပိုမိုလွယ်ကူစွာ စီမံနိုင်ခြင်းနှင့် လိုအပ်သည့် ကုသမှုအလျောက် ညှိနှိုင်းဆောင်ရွက်နိုင်ခြင်း
နိုင်ငံရပ်ခြားတွင် ငွေသားမလို ဆေးကုသမှု ခံယူနိုင်ခြင်း
AIA Myanmar နှင့် ချိတ်ဆက်ထားသော နိုင်ငံရပ်ခြားဆေးရုံများမှ ကျန်းမာရေးဝန်ဆောင်မှု အကျိုးခံစားခွင့်ကို အကောင်းဆုံးနှုန်းထားနှင့် ရယူနိုင်ခြင်း

ဤဝန်ဆောင်မှုကို ကျန်းမာရေးအလုံးစုံအာမခံပေါ်လစီ (တစ်ဦးချင်းနှင့် အဖွဲ့လိုက်) ဝယ်ယူထားသော Member များသာ ရယူနိုင်ပါတယ်။ AIA Member များအနေနဲ့ သျှား ရဲ့ hotline နံပါတ် +959 944 705 440 သို့မဟုတ် sher@aia.com မှာ ဆက်သွယ်မေးမြန်းနိုင်ပါတယ်။

ကြိုတင်ခွင့်ပြုချက်ဖြင့် ငွေသားမလို ကျန်းမာရေးစောင့်ရှောက်မှုခံယူနိုင်သော နိုင်ငံများ

ဆေးကုသမှုစတင်ခံယူရန် ‌ရွေးချယ်ထားသောနေ့ရက်ကို အောက်ပါအတိုင်း သျှား ထံသို့ ကြိုတင်အကြောင်းကြားရန်လိုအပ်ပါတယ်။

ထိုင်း၊ စင်ကာပူ၊ မလေးရှား နှင့် ဟောင်ကောင်တွင် ဆေးကုသမှုခံယူလိုပါက (၇) ရက် ကြိုတင် အကြောင်းကြားရန်

အမေရိကန်၊ ကနေဒါ၊ ဥရောပ၊ တရုတ်ပြည်မကြီး၊ ဩစတြေးလျ နဲ့ နယူးဇီလန် တွင် ဆေးကုသမှုခံယူလိုပါက (၁၄) ရက် ကြိုတင်အကြောင်းကြားရန်

(အထက်ပါ နိုင်ငံ/ဒေသ ကို နှိပ်ပြီး တက်ရောက်နိုင်မဲ့ ဆေးရုံစာရင်းများကို ကြည့်ရှုနိုင်ပါတယ်။ အမေရိကန်ရှိ တက်ရောက်ကုသနိုင်မဲ့ ဆေးရုံစာရင်းများကို သျှား ရဲ့ hotline နံပါတ် +959 944 705 440 သို့မဟုတ် sher@aia.com မှာ ဆက်သွယ်မေးမြန်းနိုင်ပါတယ်။)

ပြင်ပလူနာဌာနတွင် ဆေးကုသရန် ရက်ချိန်းရယူပေး‌သောဝန်ဆောင်မှုကို အောက်ဖော်ပြပါ နိုင်ငံများတွင်သာ ရယူနိုင်မှာ ဖြစ်ပါတယ်။

ထိုင်း
မလေးရှား
စင်ကာပူ
ဟောင်ကောင်

AIA

Regional Health Passport ၏ လုပ်ဆောင်မှုအဆင့်ဆင့်

↓

Member မှ သျှားရဲ့ hotline နံပါတ် +95-9 944 705 440 သို့မဟုတ် sher@aia.com သို့ ဆက်သွယ်၍ အကျုံးဝင်မှု ရှိမရှိ မေးမြန်းခြင်း

↓

သျှား မှ အကျုံးဝင်မှုကို စစ်ဆေးပြီး Regional Health Passport လုပ်ငန်းစဉ်ကို Member များထံ ရှင်းပြခြင်း

↓

သျှား မှ Member ထံသို့ ကြိုတင်ခွင့်ပြုချက်လျှောက်လွှာ ၁ {Pre-Authorization Form 1 (PAF-1)} ဖောင်ဖြည့်သွင်းရန်နှင့် ဆေးကုသမှုမှတ်တမ်းများကို မျှဝေရန် အီးမေးလ်ပို့ခြင်း

→

Member မှ ဆေးကုသမှုမှတ်တမ်းများနှင့် လက်မှတ်ထိုးထားသော PAF-1 ဖောင်ကို MM.AIARegionalPassport@aia.com သို့ အီးမေးလ်ပို့ခြင်း

↓

AIA Myanmar က နိုင်ငံရပ်ခြားရှိ ဆေးရုံ၊ ပြင်ပလူနာ အထူးကုဌာနနှင့် ချိတ်ဆက်ပြီး Letter of Guarantee (OPD LOG) ကို Member အား ထုတ်ပေးခြင်း

↓

Member သည် ပြင်ပလူနာအဖြစ် ကုသမှု ရရှိခြင်း

↓

AIA Myanmar မှ နိုင်ငံရပ်ခြားတွင် ဆေးရုံတက်ရန် ကနဦးလိုအပ်သည့် Initial Letter of Guarantee (i-LOG) ကို ထုတ်ပေးခြင်း

Member သည် အတွင်းလူနာအဖြစ် ကုသမှု ရရှိခြင်း

ပေးဆောင်ရန် နှုန်းထားများ

ဆေးရုံဆင်းပါက အကျိုးခံစားခွင့်တွင် အကျုံးမဝင်သော ကုန်ကျစရိတ်များနှင့် အကျိုးခံစားခွင့် ပမာဏ ကန့်သတ်ချက်ထက်ကျော်လွန်သည့် ကုသစရိတ်ကို Member မှပေးချေရန် တာဝန်ရှိပါတယ်။
ထိုင်း၊ စင်ကာပူ၊ မလေးရှား သို့မဟုတ် ဟောင်ကောင်ရှိ AIA နှင့် ချိတ်ဆက်ထားသော ဆေးရုံများမှလွဲ၍ အခြားနိုင်ငံများတွင်ကုသမှုခံယူလိုပါက ဝန်ဆောင်မှုစရိတ် ထပ်ဆောင်းကျသင့်ငွေပေးချေရမှာဖြစ်ပါတယ်။ သျှားထံ ဆက်သွယ်ပြီး ငွေပေးချေမှုဆိုင်ရာ အသေးစိတ်ကို မေးမြန်းနိုင်ပါတယ်။
Letter of Guarantee (LOG) ထုတ်ထားပေးပြီးသော်လည်း ဆေးကုသမှုခံယူမည့် သက်ဆိုင်ရာဆေးရုံများ၏ မူဝါဒအရ ဆေးရုံမတက်ခင် Member ထံမှ ကြိုတင်စပေါ်ငွေတောင်းခံခြင်း ရှိနိုင်ပါတယ်။ စပေါ်ငွေကို အကျိုးခံစားခွင့်တွင် အကျုံးမဝင်သော ကုန်ကျစရိတ်များနှင့် မမျှော်လင့်ထားသော ကုန်ကျစရိတ်များရှိလာပါက ပေးချေရန် အသုံးပြုနိုင်ပါတယ်။ အဆိုပါ စပေါ်ငွေကို Member မှ ဆေးရုံသို့ပေးအပ်ရန် တာဝန်ရှိပါတယ်။

ဤဝန်ဆောင်မှုသည် ကျန်းမာရေးအလုံးစုံအာမခံပေါ်လစီ (တစ်ဦးချင်းဖြစ်စေ၊ အဖွဲ့လိုက်ဖြစ်စေ) ဝယ်ယူထားသောမန်ဘာများ (နောက်ပိုင်းတွင် “အကျုံးဝင်မန်ဘာ” ဟု သုံးနှုန်းသွားမည်) အတွက်သာ အကျုံးဝင်မည်ဖြစ်ပြီး ဤဝန်ဆောင်မှုကို သတ်မှတ်ထားသော ဆေးရုံ၊ ဆေးခန်းများ (နောက်ပိုင်းတွင် “သတ်မှတ်ဆေးရုံများ‌” ဟု သုံးနှုန်းသွားမည်) တွင်သာ ရယူနိုင်မည်ဖြစ်သည်။ အကယ်၍ လူကြီးမင်းသည် ဝန်ဆောင်မှုကိုရယူလိုသောအကျုံးဝင်မန်ဘာတစ်ဦးဖြစ်ပါက လူကြီးမင်းတက်ရောက်၍ ဆေးကုသမှုခံယူလိုသော ဆေးရုံ၊ ဆေးခန်း၊ အထူးကုဆရာဝန်များသည် ကျွန်ုပ်တို့မှ သတ်မှတ်ထားသည့် စာရင်းတွင် ပါဝင်ခြင်းရှိ၊ မရှိကို ဦးစွာမေးမြန်းစုံစမ်းရန် လေးစားစွာဖြင့် အကြံပြုလိုပါသည်။
ဤဝန်ဆောင်ကို AIA Shared Services Sdn. Bhd. ( နောက်ပိုင်းတွင် “Partner” ဟု သုံးနှုန်းသွားမည်) မှ သတ်မှတ်ဆေးရုံများနှင့် ပူးပေါင်းဆောင်ရွက်ကာ စီစဉ်ဆောင်ရွက်ပေးခြင်းဖြစ်သည်။ ဝန်ဆောင်မှုများကို ပေးအပ်ခြင်းသည် Partner ၏ တစ်ဦးတည်းတာဝန်သာဖြစ်ပြီး ထိုသို့ပေးအပ်ခြင်းသည် (တစ်ခုလုံးဖြစ်စေ၊ တစ်စိတ်တစ်ပိုင်းဖြစ်စေ) Partner ၏ သက်ဆိုင်ရာ စည်းမျဉ်းစည်းကမ်းများ နှင့် မူဝါဒများ အပေါ် မူတည်သွားမည်ဖြစ်သည်။
AIA Myanmar အနေဖြင့် အဆိုပါ ဝန်ဆောင်မှုများ၏ ရယူအသုံးပြုနိုင်မှု၊ အရည်အသွေး စသည်တို့နှင့် စပ်လျဉ်း၍ (တိုက်ရိုက်ဖြစ်စေ၊ သွယ်ဝိုက်၍ဖြစ်စေ) မည်သည့် အာမခံချက်တစ်စုံတစ်ရာကိုမျှ ပေးအပ် ထားခြင်းမရှိပါ။ လူကြီးမင်းအနေဖြင့် ဝန်ဆောင်မှုများကို ရယူရာတွင် လွယ်ကူအဆင်ပြေနိုင်စေရန်အတွက် AIA Myanmar မှ လူကြီးမင်းအား အကောင်းဆုံး ကူညီဆောင်ရွက်ပေးသွားမည်ဖြစ်သည်။ သို့သော် Partner မှပေးအပ်သော ဝန်ဆောင်မှုများနှင့်ပတ်သက်၍ တိုက်ရိုက်သော်လည်းကောင်း၊ သွယ်ဝိုက်၍ သော်လည်းကောင်း ဖြစ်ပေါ်လာသည့် မည်သည့် အငြင်းပွားမှု သို့မဟုတ် တောင်းဆိုမှုတစ်စုံတစ်ရာအတွက်ကိုမျှ AIA Myanmar တွင် တာဝန်မရှိပါ။
ဤဝန်ဆောင်မှုများသည် AIA Myanmar မှ မေတ္တာလက်ဆောင်အနေဖြင့် ထပ်ဆောင်းပေးအပ်‌‌သော ဝန်ဆောင်မှုများသာဖြစ်ပြီး ပဋိညာဉ်အရပေးအပ်သော အကျိုးခံစားခွင့်မျိုး မဟုတ်ပါ။ AIA Myanmar အနေဖြင့် ဤစည်းမျဉ်းသတ်မှတ်ချက်များကို ပြုပြင်ပြောင်းလဲခြင်း၊ ပြင်ဆင်သတ်မှတ်ခြင်း၊ ထပ်မံဖြည့်စွက်ခြင်း၊ ဤဝန်ဆောင်မှုကို ရပ်ဆိုင်းခြင်း စသည်တို့ကို လူကြီးမင်းအား ကြိုတင်အကြောင်း ကြားရန် မလိုအပ်ဘဲ အခါအားလျော်စွာ ပြုလုပ်နိုင်သည်။
ဤဝန်ဆောင်မှုနှင့် စပ်လျဉ်း၍ လူကြီးမင်းမှ AIA Myanmar (သို့မဟုတ် Partner) သို့ ပေးအပ်ဖော်ပြခဲ့သော ကိုယ်ရေးကိုယ်တာအချက်အလက်များကို AIA Myanmar (သို့မဟုတ် Partner) က AIA ၏ သတင်းအချက်အလက် လုံခြုံရေးမူဝါဒနှင့်အညီ စုဆောင်း၊ သိမ်းဆည်း၊ အသုံးပြုဆောင်ရွက်နိုင်ပြီး ယင်းကဲ့သို့ စုဆောင်း၊ သိမ်းဆည်း၊ အသုံးပြုဆောင်ရွက်ခြင်းတို့ကို လူကြီးမင်းအနေဖြင့် သဘောတူညီပြီးဖြစ်သည်ဟု မှတ်ယူသွားမည်ဖြစ်သည်။ လိုအပ်ပါက AIA Myanmar သည် လူကြီးမင်းထံမှ နောက်ထပ်အချက်အလက်များကို အခါအားလျော်စွာ တောင်းဆိုပိုင်ခွင့်ရှိသည်။
ဤဝန်ဆောင်မှုကို သတ်မှတ်ထားသောဆေးရုံများတွင် ကြိုတင်ရက်ချိန်းယူထားသောဆေးကုသမှုများအတွက်သာ အသုံးပြုနိုင်ပြီး အရေးပေါ်ဆေးရုံတင်ရခြင်းနှင့် အရေးပေါ်ဆေးကုသမှုခံယူရခြင်းများအတွက် အကျုံးဝင်မည် မဟုတ်ပါ။ လူကြီးမင်းအနေဖြင့် ထိုင်း၊ စင်ကာပူ၊ မလေးရှား သို့မဟုတ် ဟောင်ကောင်ရှိ သတ်မှတ်ဆေးရုံများတွင် ဆေးကုသမှုခံယူလိုပါက ဆေးကုသမှုရက်ချိန်းမတိုင်မီ အနည်းဆုံး အလုပ်ဖွင့်ရက် (၇) ရက် ကြိုတင်၍ AIA Myanmar SHER အဖွဲ့ (“SHER”) ၏ ဖုန်းနံပါတ် +၉၅၉ ၉၄၄၇၀၅၄၄၀ သို့မဟုတ် sher@aia.com ထံသို့ ဆက်သွယ်အကြောင်းကြားရန် လေးစားစွာ အကြံပြုအပ်ပါသည်။ လူကြီးမင်းအနေဖြင့် ဥရောပ၊ ဩစတြေးလျ၊ နယူးဇီလန်၊ အမေရိကန်၊ ကနေဒါနှင့် တရုတ်ပြည်မကြီးရှိ သတ်မှတ် ဆေးရုံများတွင် ဆေးကုသမှုခံယူလိုပါက SHER ထံသို့ အနည်းဆုံး အလုပ်ဖွင့်ရက် (၁၄) ရက် ကြိုတင်၍ ဆက်သွယ်အကြောင်းကြားစေလိုပါသည်။ ယင်းသို့ ဆက်သွယ်အကြောင်းကြားရန် ပျက်ကွက်ခဲ့ပါက လူကြီးမင်း၏ Partner ထံတွင် ဝန်ဆောင်မှုများကို ရယူနိုင်စွမ်းကို ထိခိုက်စေနိုင်ပါသည်။
ဝန်ဆောင်မှုများ၏ တစ်စိတ်တစ်ပိုင်းအနေဖြင့် အထူးကုဆရာဝန်နှင့်ပြသရန် ပြင်ပလူနာရက်ချိန်းရယူမှုများကို ထိုင်း၊ စင်ကာပူ၊ မလေးရှားနှင့် ဟောင်ကောင်ရှိ သတ်မှတ်ဆေးရုံများတွင်သာ စီစဉ်ဆောင်ရွက်ပေးနိုင်ပါသည်။ လူကြီးမင်းအနေဖြင့် လူကြီးမင်း၏ဆရာဝန်နှင့်သီးသန့်ရက်ချိန်းတစ်ခု ပြုလုပ်ပြီးဖြစ်ပါက ဝန်ဆောင်မှုများကို စီစဉ်ဆောင်ရွက်ပေးနိုင်ရန်အတွက် ဆရာဝန်ရက်ချိန်းအတည်ပြုကြောင်းစာစောင်ကို AIA Myanmar ထံသို့ ကျေးဇူးပြု၍ ပေးပို့ပေးပါ။
လူကြီးမင်းမှ လိုအပ်သော စာရွက်စာတမ်းများနှင့် ကြိုတင်ခွင့်ပြုချက်ဖောင် (၁) (Pre-Authorization Form 1) (PAF-1) ကို ပေးအပ်တင်ပြပြီးပါက AIA Myanmar ၏ Claims Team မှ ယင်းတင်ပြမှုကို စီစစ်အကဲဖြတ်ပြီး ဝန်ဆောင်မှုကိုရရှိရန် အကျုံးဝင်ခြင်းရှိမရှိကို လူကြီးမင်းထံ ပြန်လည်အကြောင်းကြားပေး မည်ဖြစ်သည်။
ဥရောပ၊ ဩစ‌တြေးလျ၊ နယူးဇီလန်၊ အမေရိကန်၊ ကနေဒါနှင့် တရုတ်ပြည်မကြီးရှိ သတ်မှတ်ဆေးရုံများတွင် ဆေးကုသမှုခံယူလိုသည့် အကျုံးဝင်မန်ဘာများသည် ထပ်ဆောင်းဝန်ဆောင်မှုစရိတ်ကျသင့်နိုင်သည်။ အဆိုပါ ထပ်ဆောင်းဝန်ဆောင်မှုစရိတ်များကို လူကြီးမင်း၏ အာမခံပေါ်လစီအောက်ရှိ ကာကွယ်မှု အကျိုးခံစားခွင့်များထဲမှ နုတ်ယူသွားမည်ဖြစ်သည်။ သို့သော် ထိုင်း၊ စင်ကာပူ၊ မလေးရှား သို့မဟုတ် ဟောင်ကောင်ရှိ သတ်မှတ်ဆေးရုံများတွင် ဆေးကုသမှုခံယူရန်အတွက် ထပ်ဆောင်းဝန်ဆောင်မှုစရိတ် ပေးချေရန် မလိုအပ်ပါ။
Letter of Guarantee (LOG) သည် ခရီးသွားစရိတ် သို့မဟုတ် နေထိုင်စရိတ်များ၊ ကျန်းမာရေးအလုံးစုံအာမခံပေါ်လစီ (တစ်ဦးချင်းဖြစ်စေ၊ အဖွဲ့လိုက်ဖြစ်စေ) ၏ အကျုံးမဝင်သောကိစ္စရပ်များဆိုင်ရာသတ်မှတ်ချက် (Exclusion Clause) အရ ကန့်သတ်ထားသည့် ကိစ္စရပ်များ၊ ဆေးကုသမှုများ နှင့် ဝန်‌ဆောင်မှုများအတွက် အကျုံးမဝင်ပါ။
LOG နှင့်အညီ ငွေပေးချေပြီးနောက် ကျန်ရှိသည့်ငွေပမာဏများအတွက်သော်လည်းကောင်း၊ အကျုံးမဝင်သည့် အသုံးစရိတ်များအတွက်သော်လည်း‌ကောင်း၊ သက်ဆိုင်ရာ ပေါ်လစီအောက်ရှိ လူကြီးမင်း၏ အကျိုးခံစားခွင့်ထက်ကျော်လွန်သည့် ပမာဏများအတွက်သော်လည်းကောင်း၊ သတ်မှတ်ဆေးရုံများထံသို့ ငွေပေးချေရန်သည် လူကြီးမင်း၏ တစ်ဦးတည်းတာဝန်သာဖြစ်သည်။
(ဝန်ဆောင်မှုတွင်အကျုံးဝင်မှုနှင့် ဝန်ဆောင်မှုအားအသုံးပြုနိုင်မှု စသည့်ကိစ္စရပ်များအပါအဝင်) ဤဝန်ဆောင်မှု သို့မဟုတ် စည်းမျဉ်းစည်းကမ်းများနှင့်စပ်လျဉ်း၍ AIA Myanmar ၏ ဆုံးဖြတ်ချက်သည် အတည်ဖြစ်သည်။

အာမခံအမျိုးအစားများ

တစ်သက်တာရွေးချယ်အသက်အာမခံ

ကျန်းမာရေး အလုံးစုံအာမခံ

AIA CRITICAL ILLNESS CARE

AIA Cancer Care

ပညာရေးအသက်အာမခံ

ကျန်းမာရေးအာမခံ

နှစ်တို ငွေပင်ငွေရင်း အသက်အာမခံ

အဖွဲ့လိုက်အာမခံ

ခံစားခွင့်များနှင့် ဝန်ဆောင်မှုများ

Member Propositions

AIA ကျန်းမာရေးအထူးစောင့်ရှောက်မှု (Powered by Teladoc HEALTH)

ငွေသားမလိုဝန်ဆောင်မှု

AIA Regional Health Passport

AIA RUBY Membership

ဘ၀ရေးရာ ကိစ္စရပ်များ

ကျန်းမာရေး

AIA အကြောင်း

မီဒီယာစင်တာ

အလုပ်အကိုင်များ

AIA Pioneer Agents

AIA ONE BILLION

AIA x Tottenham Hotspur Partnership

AIA MDRTs

အကူအညီ

ဆက်သွယ်ရန်စာမျက်နှာ

ကျွန်ပ်တို့၏လိပ်စာ

Eng

မြန်မာ

အီးမေးလ်ပို့ရန်