AIA ၏ “Then Vs Now” Campaign တွင် ပါဝင်ခြင်းဖြင့် ပါဝင်သူများသည် ဤစည်းမျဉ်းသတ်မှတ်ချက်များကို ကိုယ်တိုင် ဖတ်ရှု၊ နားလည်ပြီးဖြစ်ကြောင်းနှင့် လိုက်နာရန်သဘောတူပြီးဖြစ်ကြောင်း မှတ်ယူသွားမည်ဖြစ်သည်။

Campaign ကာလ

Campaign ကာလသည် ၂၀၂၃ ခုနှစ်၊ စက်တင်ဘာလ (၁) ရက်မှ (၁၄) ရက်နေ့အထိဖြစ်ပါသည်။ (“Campaign ကာလ”)

ပါဝင်ယှဉ်ပြိုင်ရန် အဆင့်များ

1. ကမ်ပိန်းတွင်ပါဝင်မည့်သူများအနေဖြင့် ကမ်ပိန်းကာလအတွင်း Public setting ဖြင့် ၎င်းတို့ Facebook အကောင့်တွင် ၎င်းတို့ကိုယ်တိုင် ဓာတ်ပုံ (၂)ပုံ ပို့စ်တင်ရန် လိုအပ်ပါသည်။ ဓာတ်ပုံများသည် ပါဝင်သူ၏ ဘဝခရီးတွင် ဖြတ်သန်းခဲ့ရသည့် အပြောင်းအလဲများ (ဆိုလိုသည်မှာ၊ အသက်မွေးဝမ်း ကြောင်းဆိုင်ရာ ပန်းတိုင်တစ်ခုသို့ ရောက်ရှိခြင်း၊ ကိုယ့်ရဲ့ ဘဝမှတ်တိုင်တစ်ခု ပြီးမြောက်အောင်မြင်ခြင်း၊ ငွေကြေးဆိုင်ရာ ပန်းတိုင်သို့ရောက်ရှိခြင်း သို့မဟုတ် ရည်မှန်းချက်တစ်ခု အောင်မြင်ခြင်းစသည်) ကို ဖော်ညွှန်းပြသရမည် ဖြစ်ပါသည်။ ဓာတ်ပုံတစ်ပုံသည် ပါဝင်ယှဉ်ပြိုင်သူ၏ အတိတ်ကိုပြသရမည်ဖြစ်ပြီး အခြားဓာတ်ပုံတစ်ပုံသည် ဘဝခရီးလမ်းကိုလျှောက်လှမ်းလာရင်း ထိုအချိန်မှစ၍ “တိုးတက်ပြောင်းလဲလာ ခြင်း" သို့မဟုတ် "လုံးဝပြောင်းလဲမှု" ကိုပြသသည့် လက်ရှိပုံဖြစ်ရမည်။ ပြီးလျှင် ထိုတိုးတက်ပြောင်းလဲလာမှု ကို ရှင်းလင်းဖော်ပြသည့် အတိုချုံးဖော်ပြချက် လိုအပ်ပြီး #AIAUniversalLife #AIAMyanmar #ThenVsNow စသည့် Hashtags များ ပါဝင်ရမည်။
   
   
2. ပို့စ်ကို ဝေမျှပြီးသည်နှင့် တစ်ပြိုင်နက် မိမိတင်ထားသည့်ပိုစ့်ကို Screenshot ရိုက်ပြီး AIA Myanmar Facebook Page ၏ မူရင်း Announcement Post အောက်တွင် Photo Comment ပေးရမည်ဖြစ်သည်။ (ဤစည်းမျဥ်းစည်းကမ်းများ၏ ရည်ရွယ်ချက်အရ တင်ထားသောစခရင်ရှော့တစ်ခုစီကို “ပါဝင်ယှဉ်ပြိုင်မှု" အဖြစ်ရည်ညွှန်းရပါမည်။)
   
   
3. တစ်ယောက်လျှင်တစ်ကြိမ်သာ ပါဝင်ယှဉ်ပြိုင်ခွင့်ရမည်ဖြစ်ပါသည်။ တစ်ယောက်တည်းမှအကြိမ်ကြိမ် ယှဉ်ပြိုင်မှု (သို့မဟုတ်) တစ်ယောက်တည်းမှအကောင့်များစွာဖြင့်ပါဝင်ယှဉ်ပြိုင်မှုများကို ဆုရရှိသူ ရွေးချယ်သည့်အခါတွင် ပါဝင်ယှဉ်ပြိုင်မှုတစ်ကြိမ်အဖြစ်သာ သတ်မှတ်မည်ဖြစ်သည်။

ကံထူးသူရွေးချယ်ခြင်းနှင့် အကြောင်းကြားခြင်း

1. Campaign ကာလပြီးဆုံးချိန်တွင် AIA မှ ပါဝင်သူများအနက် ကံထူးသူ (၄) ဦးကို ကျပန်းစနစ်ဖြင့် ရွေးချယ် သွားမည်ဖြစ်ပြီး iPhone 14 Pro Max (၁) လုံး သို့မဟုတ် Apple Watch (၃) လုံးထဲမှ (၁) လုံးကို ဆုလက်ဆောင်အဖြစ် ပေးအပ်သွားမည်ဖြစ်ပါသည်။ ဆုလက်ဆောင်ကံထူးသူများကို Campaign ကာလပြီးဆုံးပြီး (၂) ပတ်အတွင်း Facebook Messenger မှတဆင့် ဆက်သွယ်အကြောင်းကြားမည်ဖြစ်သည်။
   
   
2. အကယ်၍ ဆုလက်ဆောင်ရရှိရန်အတွက် ကျပန်းစနစ်ဖြင့် ရွေးချယ်ခြင်းခံရသူကို ဆက်သွယ်၍မရရှိခဲ့ပါက (သို့) ဆုလက်ဆောင်ရရှိမည့်သူသည် AIA ၏ အကြောင်းကြားမှုကို (၇) ရက်အတွင်း တုံ့ပြန်ခြင်းမရှိခဲ့ပါက ဆုလက်ဆောင်များကို ကျပန်းရွေးချယ်ထားသော အခြားသူတစ်ယောက်ထံသို့ ဆက်လက်လွှဲပြောင်း ပေးအပ် သွားမည်ဖြစ်သည်။ ဆုလက်ဆောင်များကို လက်ခံရရှိမည့်သူသည် (နည်းပညာအခက်အခဲ ကြောင့်ဖြစ်စေ၊ Facebook အကောင့် ယာယီအပိတ်ခံထားရခြင်းကြောင့်ဖြစ်စေ၊ အနိုင်ရရှိသူနေထိုင်ရာ အရပ်ဒေသတွင် အင်တာနက်မရရှိခဲ့သောကြောင့်ဖြစ်စေ) AIA ထံမှ အကြောင်းကြားချက်ကိုမရရှိခဲ့ပါက (သို့) AIA ၏ အကြောင်းကြားမှုကို သတ်မှတ်ထားသောအချိန်အတွင်း မတုံ့ပြန်နိုင်ခဲ့ပါက AIA တွင် တာဝန်မရှိပါ။
   
   
3. ဤ Campaign တွင် ပေးအပ်သည့် ဆုများအား အနိုင်ရရှိသူ (သို့) ကံထူးသူမှ လက်ခံနိုင်ခွင့်သည် ပြည်ထောင်စုသမ္မတမြန်မာနိုင်ငံတော်အတွင်းရှိ တည်ဆဲဥပဒေများနှင့် စည်းမျဉ်းစည်းကမ်းများကို လိုက်နာမှုအပေါ် မူတည်ပါသည်။ တည်ဆဲဥပဒေများနှင့် စည်းမျဉ်းစည်းကမ်းများ (သို့) ဤ Campaign ၏ စည်းမျဉ်းစည်းကမ်းများကို အနိုင်ရရှိသူ (သို့) ကံထူးသူမှ ချိုးဖောက်ခဲ့ပါက ယင်းအနိုင်ရရှိသူ (သို့) ကံထူးသူကို (AIA ၏ တစ်ဦးတည်း ဆုံးဖြတ်ချက်အရ) ဆုလက်ဆောင်ရရှိသူအဖြစ်မှ ပယ်ဖျက်ခွင့်ရှိပြီး အနိုင်ရရှိသူ (သို့) ကံထူးသူ၏ အခွင့်အရေးများ အားလုံးကို ချက်ချင်းရပ်စဲသွားမည်ဖြစ်သည်။
   
   
4. ဆုလက်ဆောင်များကို ငွေကြေးဖြင့်သော်လည်းကောင်း၊ အခြားသောအစားထိုးပေးလျော်မှု တစ်ရပ်ရပ်ဖြင့် သော်လည်းကောင်း လဲလှယ်ခွင့်ပြုမည်မဟုတ်ပါ။ အကြောင်းအမျိုးမျိုးကြောင့် ကံထူးသူထံသို့ ၄င်းရသင့် ရထိုက်သည့် ဆုလက်ဆောင်များကို ပေးအပ်နိုင်ခြင်းမရှိခဲ့ပါက AIA သည် ယင်းဆုလက်ဆောင်အစား အခြားသောတန်ဖိုးတူညီသည့် ဆုလက်ဆောင်ပစ္စည်းတစ်ခုခုကို အစားထိုးပေးအပ်ပိုင်ခွင့်ရှိသည်။ 
   
   
5. အနိုင်ရသူ (သို့) ကံထူးသူရွေးချယ်ခြင်းနှင့် ပတ်သက်၍ AIA ၏ မည်သည့်ဆုံးဖြတ်ချက်ကိုမဆို ကန့်ကွက်မှု တစ်စုံတစ်ရာ မရှိစေရ။
   
   

နောက်ဆက်တွဲ စည်းမျဉ်းစည်းကမ်းသတ်မှတ်ချက်များ

1. ပါဝင်သူများသည် Screenshot များကို Facebook ပေါ်တွင် တင်ခြင်းဖြင့် AIA သည် ၎င်းတို့၏ Screenshot များကို စျေးကွက်ချဲ့ထွင်ခြင်း၊ သတင်းအချက်အလက်နှင့် ပညာရေးဆိုင်ရာ ရည်ရွယ်ချက်များအတွက် အခကြေးငွေပေးရန် မလိုအပ်ဘဲ အသုံးပြုခွင့်ပေးရန် နှင့် ဆုရရှိသူများ၏ Screenshot ဓာတ်ပုံများကို AIA အမှတ်တံဆိပ် ကပ်ပြီး အသုံးပြုခွင့်ပေးရန် သဘောတူပြီးဖြစ်သည်။
   
   
2. အထက်ဖော်ပြပါ အပိုဒ် (၁) တွင် မည်သို့ပင် ဆိုစေကာမူ AIA အနေဖြင့် အဆိုပါ Screenshot များ၏ တစ်စိတ်တစ်ပိုင်းတွင်ဖြစ်စေ၊ အားလုံးတွင်ဖြစ်စေ ပါဝင်သည့်အရာများနှင့် ၎င်း Screenshot များကို အသုံးပြုခြင်း (သို့) ဖြန့်ဝေခြင်း စသည်တို့မှ ဖြစ်ပေါ်လာနိုင်သည့် အငြင်းပွားမှု၊ ထိခိုက်နစ်နာမှုနှင့် ဆုံးရှုံးမှုများအတွက် AIA တွင် တာဝန်မရှိစေရ။
   
   
3. Screenshot များတွင် ကိုယ်ရေးကိုယ်တာဆိုင်ရာ၊ လူသိရှင်ကြားကြေညာခြင်းနှင့် ဉာဏပစ္စည်းဆိုင်ရာ မူပိုင်ခွင့်များအပါအဝင် အခြားသူ၏အခွင့်အရေးများကို ချိုးဖောက်သည့်အရာများ မပါဝင်ရပါ။ အထူးသဖြင့် ပါဝင်သူများသည် ခွင့်ပြုချက်မရှိဘဲ အမှတ်တံဆိပ်အမည်များ၊ ကုန်အမှတ်တံဆိပ်များ သို့မဟုတ် မူပိုင်ခွင့်ရထားသောပစ္စည်းများ (ဂီတသီချင်းများ၊ မူပိုင်ခွင့်ရှိသော ပရိုဂရမ်အတိုအထွာ များစသည်) တို့ကို အသုံးပြုခြင်းမှ ရှောင်ကြဉ်သင့်သည်။
   
   
4. ဤစည်းကမ်းသတ်မှတ်ချက်များကြောင့်သော်လည်းကောင်း၊ ဤကမ်ပိန်းတွင် ပါဝင်ခြင်းကြောင့် သော်လည်း ကောင်း၊ ဤကမ်ပိန်းအား ရပ်စဲခြင်း သို့မဟုတ် ဆိုင်းငံ့ခြင်းကြောင့်သော်လည်းကောင်း၊ သင့်အနေဖြင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ၊ ဖြစ်ပေါ်ခံစားရနိုင်သည့် ဆုံးရှုံးနစ်နာမှုများ၊ ကုန်ကျစရိတ်များ (သွယ်ဝိုက်၍ဖြစ်စေ၊ မတော်တဆ‌ကြောင့်ဖြစ်စေ၊ အထူးကန့်သတ်ချက်များကြောင့်ဖြစ်စေ၊ ပြစ်ဒဏ်ပေး ခံရခြင်း သို့မဟုတ် နောက်ဆက်တွဲတာဝန်ယူရခြင်းများ၊ စီးပွားရေးအရနစ်နာဆုံးရှုံးမှု၊ အကျိုးအမြတ်နှင့် အခွင့်အလမ်းများဆုံးရှုံးမှုများ စသည်တို့အပါအဝင်) အတွက် AIA (သို့မဟုတ်) ၎င်းတို့၏ သက်ဆိုင်ရာ တာဝန်ရှိသူများ၊ ဝန်ထမ်းများ၊ ဒါရိုက်တာများ၊ အေးဂျင့်များ၊ အကြံပေးများနှင့် ကန်ထရိုက်တာများမှ (ယင်းဖြစ်ရပ်များ ဖြစ်ပေါ်လာမှုအပေါ် AIA မှ ထိန်းချုပ်နိုင်သည်ဖြစ်စေ၊ မထိန်းချုပ်နိုင်သည်ဖြစ်စေ) ၎င်းတို့၏ တာဝန်ယူမှု တာဝန်ခံမှုကို ဥပဒေအရ ခွင့်ပြုထားသည့်အမြင့်ဆုံးအတိုင်းအတာအထိ ဖယ်ရှားထား သည်။
   
   
5. AIA သည် အခါအားလျော်စွာ ကြိုတင်အသိပေးအကြောင်းကြားစရာမလိုဘဲ ဤစည်းမျဥ်းစည်းကမ်းများကို ရပ်ဆိုင်းခြင်း၊ ပြင်ဆင်သတ်မှတ်ခြင်း၊ ဖြည့်စွက်ခြင်း သို့မဟုတ် ပြုပြင်ခြင်းတို့ကို လုပ်ဆောင်ပိုင်ခွင့်ရှိသည်။ ဤစည်းမျဥ်းစည်းကမ်းများနှင့်စပ်လျဉ်းသည့် သို့မဟုတ် ဤကမ်ပိန်းနှင့်ပတ်သက်သည့် မည်သည့်စည်းမျဉ်း စည်းကမ်းများ၊ မူဝါဒများနှင့် လုပ်ထုံးလုပ်နည်းများကိုမဆို ယင်းတို့နှင့် စပ်လျဉ်း၍ AIA ၏ ဆုံးဖြတ်ချက် သာအတည်ဖြစ်ပါသည်။
   
   
6. ဤစည်းမျဥ်းစည်းကမ်းများတွင် ဖော်ပြပါရှိသည့် ပြဋ္ဌာန်းချက်တစ်ရပ်ရပ်သည် ဥပဒေနှင့်ညီညွတ်မှုမရှိတော့ လျှင်ဖြစ်စေ၊ ပျက်ပြယ်သွားခြင်း သို့မဟုတ် အကျုံးမဝင်ခြင်းတို့ဖြစ်ခဲ့လျှင်ဖြစ်စေ၊ ယင်းပြဋ္ဌာန်းချက်ကို လိုအပ်သည့်အတိုင်းအတာအထိ ဤစည်းမျဥ်းစည်းကမ်းများမှ ဖြတ်တောက်ပြီး ကျန်ပြဋ္ဌာန်းချက်များကို မွမ်းမံပြင်ဆင်ခြင်းမရှိဘဲ ဆက်လက်အကျိုးသက်ရောက်မှုရှိစေရမည်။
   
   
7. ပါဝင်သူများအနေဖြင့် ဤ Campaign တွင်ပါဝင်ခြင်းကြောင့် ဖြစ်ပေါ်လာနိုင်သည့် အငြင်းပွားမှုများ၊ ကုန်ကျစရိတ်များ၊ ဆုံးရှုံးနစ်နာမှုများ၊ ထိခိုက်ဒဏ်ရာရရှိမှုများ နှင့် ပြင်ပအဖွဲ့အစည်း၊ လူပုဂ္ဂိုလ် တစ်ဦးတစ်ယောက်၏ ဉာဏပစ္စည်း မူပိုင်ခွင့်များကို ချိုးဖောက်မှုများအတွက် ၎င်းတို့ကိုယ်တိုင် အပြည့်အဝ တာဝန်ယူဆောင်ရွက်သွားရမည်ဖြစ်သည်။
   
   
8. ဤစည်းမျဉ်းသတ်မှတ်ချက်များနှင့် ဤ Campaign အတွက် အသုံးပြုခဲ့သည့် အခြားသောဖော်ပြချက်တို့ အကြားတွင် ကွဲလွဲမှုများရှိခဲ့လျှင် ဤစည်းမျဉ်းသတ်မှတ်ချက်များမှ လွှမ်းမိုးမှုရှိစေရမည်။ ဤစည်းမျဥ်း သတ်မှတ်ချက်များကို ပြည်ထောင်စုသမ္မတမြန်မာနိုင်ငံတော်၏ တည်ဆဲဥပဒေများမှ လွှမ်းမိုးမှုရှိမည် ဖြစ်သည်။ ဤစည်းမျဉ်းသတ်မှတ်ချက်များ၏ အဓိပ္ပာယ်ဖွင့်ဆိုချက်နှင့် ကျင့်သုံးမှုတို့သည် AIA ၏ တစ်ဦးတည်း ဆုံးဖြတ်ချက်အပေါ် မူတည်မည်ဖြစ်ပြီး ဤစည်းမျဉ်းသတ်မှတ်ချက်များနှင့် ပတ်သက်၍ ဖြစ်စေ၊ ဤ Campaign နှင့် ပတ်သက်သည့် မည်သည့်စည်းမျဉ်း စည်းကမ်းများ၊ မူဝါဒများနှင့် လုပ်ထုံးလုပ်နည်းများနှင့် စပ်လျဉ်း၍ဖြစ်စေ AIA ၏ ဆုံးဖြတ်ချက်သာ အတည်ဖြစ်သည်။