[ရန်ကုန်၊ မြန်မာ၊ ၂၀၂၀ ခုနှစ်၊ ဖေဖော်ဝါရီလ ၁၀ ရက်] – AIA Myanmar သည် “ဒို့ခေတ်” အမည်ရ ၎င်း၏ တရားဝင် theme song CD နှင့် music video ကို ယနေ့တွင် မိတ်ဆက်ခဲ့သည်။ အဆိုပါ စိတ်ခွန်အားပြည့်စေမည့် theme song ကို ပြည်သူများ ပိုမိုကျန်းမာ၊ အသက်ရှည်ပြီး ပိုမိုကောင်းမွန်သော ဘဝများပိုင်ဆိုင်နိုင်စေရန် အားပေးကူညီ ဆောင်ရွက်သွားနိုင်ရေးနှင့် ဘဝအောင်မြင်မှုအတွက် အခက်အခဲများကို ကျော်လွှား နိုင်စေရေး အတွက် စိတ်အားထက်သန် တက်ကြွလာစေရန် အားပေးနိုင်ရေးအတွက် AIA Myanmar မှ ရည်ရွယ်ပါသည်။
ရန်ကုန်မြို့ရှိ Pinlel Studio and Film Production တွင် ကျင်းပသည့် AIA Myanmar ၏ theme song တရားဝင်မိတ်ဆက်ပွဲ အခမ်းအနားတွင် AIA Myanmar ၏ CEO ဖြစ်သူ Mr. Nhon Ly (Luc) ၊ AIA Myanmar မှ တာဝန်ရှိသူများ၊ နိုင်ငံကျော် ဟစ်ဟော့သီချင်းရေးဆရာ၊ အဆိုတော် X-Boxin ၊ ထိပ်တန်းအဆိုတော် နီနီခင်ဇော်နှင့် AIA Myanmar မှ ဝန်ထမ်းများ တက်ရောက်ခဲ့ကြသည်။
“ဒို့ခေတ်” အမည်ရ AIA Myanmar ၏ theme song ကို နိုင်ငံကျော် ဟစ်ဟော့အဆိုတော် X-Boxin မှ ကိုယ်ပိုင်သံစဥ်ဖြင့် ရေးစပ်ထားပြီး ထိပ်တန်းအဆိုတော် နီနီခင်ဇော်မှ featuring အဖြစ်ပါဝင်အားဖြည့် သီဆိုထားသည်။ ၎င်းအဆိုတော် နှစ်ဦး၏ခေတ်မီပြီး အသံပါဝါအားကောင်းကောင်းဖြင့် သီဆိုဟန်တို့ကို ပေါင်းစပ် ထားသည့်အလျောက် အဆိုပါ theme song သည် လူအများကြိုက်နှစ်သက်ကြသော ဂီတနှင့် အနုပညာ တို့မှတဆင့် မြန်မာပြည်သူ၊ ပြည်သားများ ပိုမိုကျန်းမာသော ဘဝနေထိုင်မှုပုံစံကို ပိုင်ဆိုင်ရရှိနိုင်ကြစေရန် AIA မှ ကူညီပံ့ပိုးပေးလိုကြောင်းကို အသိပေးလိုက်ခြင်းဖြစ်သည်။
AIA Myanmar ၏ အမှုဆောင်အရာရှိချုပ် Mr. Nhon Ly (Luc) က “မြန်မာပြည်သူ၊ ပြည်သားများ ပိုမိုကျန်းမာသော ဘဝနေထိုင်မှုကို အားပေးဖို့ AIA Myanmar theme song ဖြစ်တဲ့ “ဒို့ခေတ်”ကို မိတ်ဆက်ပေးခွင့်ရတဲ့အတွက် အရမ်းပဲ စိတ်လှုပ်ရှားမိပါတယ်။ နာမည်ကြီး အဆိုတော် နှစ်ဦးဖြစ်တဲ့ X-Boxin နဲ့ နီနီခင်ဇော်တို့ ဖန်တီးပုံဖော် သီဆိုထားတဲ့ ခွန်အားဖြစ်စေမယ့် ဒီသီချင်းကနေတဆင့် AIA Myanmar နဲ့ မြန်မာပြည်သူများအကြား ယုံကြည်မှု ပိုမိုခိုင်မာအောင် တည်ဆောက်နိုင်မယ်လို့ ကျွန်တော်တို့ ယုံကြည်ပါတယ်။ AIA အနေနဲ့ အနုပညာနဲ့ ယဥ်ကျေးမှုကို အမြဲတန်ဖိုးထားခဲ့တဲ့အလျောက် ဂီတသံစဥ်ဟာ မြန်မာပြည်သူတွေရဲ့ နှလုံးသားတွေဆီ အရောက် ပို့ပေးနိုင်မယ့် ကြားခံနယ်ဖြစ်တယ်လို့ ကျွန်တော်တို့ ယုံကြည်ပါတယ်” ဟု ပြောကြားခဲ့သည်။
ဟစ်ဟော့အဆိုတော်၊ သီချင်းရေးဆရာ X-Boxin မှ “ကျွန်တော့်အနေနဲ့ AIA ရဲ့ အဓိပ္ပာယ်ပြည့်ဝပြီး ခွန်အားဖြစ်စေမယ့် ဒီ theme song ကို ရေးစပ်သီကုံးပြီး ထိပ်တန်းအဆိုတော် မနီနီခင်ဇော်နဲ့ တွဲဖက်သီဆို ဖန်တီးခွင့်ရတဲ့အတွက် ဂုဏ်ယူဝမ်းမြောက်မိပါတယ်။ ဒီတေးသီချင်းလေးက ကိုယ်ယုံကြည်ရာကို အောင်မြင်တဲ့ အထိ ဆက်လက်ဆောင်ရွက်သွားဖို့နဲ့ ဘယ်လိုအခက်အခဲတွေပဲရှိရှိ ရင်ဆိုင်ကျော်ဖြတ်သွားဖို့ကို အားပေး တိုက်တွန်းတဲ့အကြောင်း ပုံဖော်ပေးထားပါတယ်။ ကျွန်တော့်ရဲ့ ပရိသတ်တွေရော မြန်မာပြည်သူ၊ ပြည်သား တွေရော ဒီသီချင်းလေးကို ကြိုက်နှစ်သက်လိမ့်မယ်လို့ မျှော်လင့်ပါတယ်” ဟု ၎င်း၏ ဝမ်းသာပီတိကို ထုတ်ဖော် ပြောကြားခဲ့သည်။
AIA Myanmar theme song ကို ကြိုက်နှစ်သက်၍ ရယူလိုသူများအနေဖြင့် bit.ly/JOOXMMIOS (iOS), bit.ly/JOOXMMAndroid (Android), www.joox.com/mm/download (Desktop app), နှင့် www.joox.com/mm (JOOX Website) တို့မှတဆင့် ဒေါင်းလုတ်လုပ်ကာ ရယူနိုင်ပါသည်။
လတ်တလောတွင် မြန်မာနိုင်ငံ၌ တရားဝင် လုပ်ငန်းစတင် ဝန်ဆောင်မှုပေးခြင်း အခမ်းအနား ကျင်းပ ပြုလုပ်ထားသည့် AIA Myanmar သည် မြန်မာနိုင်ငံ၏လူမှု အသိုင်းအဝိုင်းကို အကျိုးပြုသွားရန် ရည်ရွယ်ထားပြီး အနာဂတ်တွင် ပိုမိုထူးခြားသည့် လှုပ်ရှားမှုများလည်း ပါဝင်ဆောင်ရွက်သွားမည် ဖြစ်သည်။ လွန်ခဲ့သည့် လများကလည်း ရပ်ရွာအကျိုးပြု ဆောင်ရွက်ချက်များကို လုပ်ဆောင်ခဲ့ပြီး မကြာသေးမီက AIA သည် လူမှုပတ်ဝန်းကျင်ပိုမိုကျန်းမာရေးကို အားပေးကူညီသော အားဖြင့် ၃၃ လမ်းနှင့် ၃၄ အထက်ရှိ နောက်ဖေး လမ်းကြားကို ထူးခြားဆန်းသစ်ပြီး Healthier, Longer, Better Lives အမည်ရှိ လူအများသွားလာ အပန်းဖြေနိုင်သည့် နေရာတစ်ခုအဖြစ် Yangon Walls နှင့် ပူးပေါင်းဖန်တီးခဲ့သည်။ AIA သည် English Premier League club ဖြစ်သော Tottenham Hotspur မှ နည်းပြများကို ခေါ်ယူ၍ ရန်ကုန်မြို့ရှိ ကလေးများကို ဘောလုံးအားကစားလေ့ကျင့်ပေးသည့် လှုပ်ရှားမှုဖြစ်သော “AIA KICK!” ကိုလည်း စီစဉ် ဆောင်ရွက်နိုင်ခဲ့သည်။ AIA သည် နှစ်တစ်ရာပြည့် အထိမ်းအမှတ်ကို ကျင်းပသည့် အနေဖြင့် “AIA GO! FOR LIGHT” အမည်ရ 5K အပြေးပြိုင်ပွဲကို ကျင်းပခဲ့ပြီး ပုဂံရှိ လျှပ်စစ်မီးမရရှိသေးသော အိမ်ခြေ ၁၀၀ ကိုလည်း ဆိုလာပြားများ လှူဒါန်းနိုင်ခဲ့သည်။
AIA Myanmar ၏ theme song “ဒို့ခေတ်” နှင့် အခြား စိတ်လှုပ်ရှားဖွယ်ကောင်းသော အစီအစဉ်များအကြောင်း ပိုမို သိရှိလိုပါက AIA Myanmar ၏ တရားဝင် Facebook စာမျက်နှာဖြစ်သော https://www.facebook.com/AIA.Myanmar.MM/ တွင် ဝင်ရောက် ကြည့်ရှု လေ့လာနိုင်ပါသည်။
