ရန်ကုန်၊ ၂၀၂၂ ခုနှစ်၊ ဖေဖော်ဝါရီလ ၂၂ – ၂၀၃၀ ခုနှစ်အမီ ၁ ဘီလီယံသော ပြည်သူများ ပိုမိုကျန်းမာအသက်ရှည်ပြီး ပိုမိုကောင်းမွန်တဲ့ ဘဝတွေကို ရရှိပိုင်ဆိုင်စေရန် ဆောင်ရွက်သွားမည့် ရဲရင့်သော ရည်မှန်းချက်ဖြစ်သည့် “AIA One Billion” ကို AIA Group Limited က ယနေ့မှာ ကြေညာခဲ့ပါသည်။ အာရှတွင် အကြီးဆုံး အသက်နှင့်ကျန်းမာရေး အာမခံကုမ္ပဏီဖြစ်သော AIA သည် တစ်ဦးချင်း ကျန်းမာသုခ တိုးတက်စေမည့် လှုပ်ရှားမှုတစ်ခုကို စတင်ခြင်းဖြင့် အာရှတိုက်တွင် ပိုမိုရေရှည်တည်တံ့ခိုင်မြဲမည့် အနာဂတ်တစ်ခုကို ပုံဖော်ပေးနိုင်ရန် ရည်ရွယ်ပါသည်။
AIA Group ၏ Chief Marketing Officer ဖြစ်သူ Stuart A. Spencer က “ရာစုနှစ်တစ်စုကျော် ကြာအောင် AIA က customer တွေနဲ့ လူမှုအသိုက်အဝန်းအတွက် အကျိုးဖြစ်ထွန်းမှုကောင်းတွေအများကြီး ဆောင်ကြဥ်းနိုင်ဖို့ ကြိုးပမ်းလာခဲ့ပါတယ်။ AIA One Billion ကို မိတ်ဆက်ခြင်းကနေတစ်ဆင့် ပြည်သူများ ပိုမိုကျန်းမာအသက်ရှည် ပြီး ပိုမိုကောင်းမွန်တဲ့ ဘဝတွေကို ရရှိပိုင်ဆိုင်နိုင်စေဖို့ ကူညီပေးရန်ဆိုတဲ့ ကျွန်တော်တို့ AIA ရဲ့ ရည်မှန်းချက်ကို customer တွေဆီသာမကဘဲ များပြားလှတဲ့ လူထုဆီကို ရောက်ရှိစေဖို့ ချဲ့ထွင်ဆောင်ရွက်သွားမှာဖြစ်ပါတယ်။ ကိုယ်စိတ်နှလုံးကျန်းမာချမ်းသာရေးနဲ့ သဘာဝပတ်ဝန်းကျင် သာယာဝပြောရေးတို့ ပိုမိုတိုးတက်ဖြစ်ထွန်းစေဖို့နဲ့ လူထုအားလုံးပါဝင်နိုင်တဲ့ ငွေရေးကြေးရေး ကဏ္ဍတစ်ရပ် ထူထောင်ပေးနိုင်ဖို့ အာရှတစ်ခွင်က လူမှုအသိုက်အဝန်း တွေကို ချိတ်ဆက် ပညာပေးစေ့ဆော်ပေးမယ့် AIA ရဲ့ ကတိကဝတ်ကို AIA One Billion က မီးမောင်းထိုးပြ နေပါတယ်။” ဟု ပြောကြားခဲ့ပါသည်။
ကိုရိုနာဗိုင်းရပ်စ်ရောဂါပိုးဖြစ်ပွားမှုကြောင့် ကျန်းမာသုခရဲ့ အရေးပါမှုအကြောင်းကို ပြည်သူများ ပိုမိုသိရှိလာသော်ငြားတစ်ဖက်တွင် အာရှရှိ လူဦးရေအများအပြားသည် လူနေမှုပုံစံပေါ်အခြေတည်သော ရောဂါဖြစ်ပွားမှုနှုန်းမြင့်တက်လာသည်ကိုတွေ့ရပြီး သေဆုံးမှုစုစုပေါင်း၏ ၇၀ ရာခိုင်နှုန်းမှာ ယခုကဲ့သို့ရောဂါမျိုးကြောင့်ဖြစ်သည်။1 ရာသီဥတုပြောင်းလဲမှုက အထူးသဖြင့် အာရှဒေသတွင် ရောဂါဖြစ်ပွားမှုနှုန်းနှင့် သေဆုံးမှုနှုန်းကို မြင့်တက်စေမည် ဖြစ်ကြောင်း ကမ္ဘာ့ကျန်းမာရေးအဖွဲ့က လည်း သတိပေးထားသည်။2 ကျွန်ုပ်တို့၏ လူမှုအသိုက်အဝန်းတို့ကို ဤပြဿနာများ ကူညီဖြေရှင်းပေးရာတွင် ရှေ့တန်းက ဦးဆောင်ပါဝင်နိုင်ရန်မှာ AIA အတွက် များစွာအရေးပါလှပါသည်။ လူတန်းစားမရွေး ပိုမိုကျန်းမာသော ဘဝနေထိုင်မှုပုံစံများကို ရရှိခံစားနိုင်စေဖို့ အားပေးကူညီရန်နှင့် ပိုမိုကျန်းမာသန်စွမ်းသည့် ကမ္ဘာတစ်ခုကို ပေးစွမ်းနိုင်ရန်ဟူသည့် ကျွန်ုပ်တို့၏ ကတိကဝတ်ကို AIA One Billion က ကိုယ်စားပြုလျက်ရှိပါသည်။
AIA One Billion က မိတ်ဖက်ပူးပေါင်းမှုများ၊ ဆောင်ရွက်လှုပ်ရှားမှုများ၊ လူမှုအကျိုးပြုအစီအစဥ်များ နှင့် ကမ်ပိန်းများမှတစ်ဆင့် customer များ၊ agent များ၊ မိတ်ဖက်များ၊ လူမှုအသိုက်အဝန်းများစသည်တို့နှင့် ချိတ်ဆက်ဆောင်ရွက်မှုကို လွှမ်းခြုံ၍ လူတစ်ဦးချင်းစီက ပိုမိုကျန်းမာသော ဘဝနေထိုင်မှုပုံစံများကို ယုံကြည် လက်ခံလာစေရန် ကူညီပေးဖို့ ရည်ရွယ်ပါသည်။ AIA One Billion ကို စတင်သည့် ကနဦးခြေလှမ်းအနေဖြင့် “Join the Journey” ဆိုသည့် ဆိုရှယ်မီဒီယာကမ်ပိန်းကို စတင်လိုက်ပြီး ပိုမိုကျန်းမာအသက်ရှည်ပြီး ပိုမိုကောင်းမွန်သည့် ဘဝတွေဆီသို့ ခြေလှမ်း လှမ်းကြရာတွင် ပါဝင်ရန် ပြည်သူတွေကို ဖိတ်ခေါ်ထားပါသည်။ ဒေသတစ်ဝန်းရှိ AIA Ambassadors များမှလည်း ဤအစီအစဥ်တွင်ပါဝင်ကာ လူမှုအသိုက်အဝန်းကို အသိပညာပေးပြီး ကျန်းမာရေး ရလဒ်ကောင်းတွေဆောင်ကြဥ်းပေးနိုင်ရန် ပံ့ပိုးသွားမည်ဖြစ်ပါသည်။
AIA က သဘာဝပတ်ဝန်းကျင်၊ လူမှုရေးနှင့် စီမံအုပ်ချုပ်ရေးပိုင်း (ESG) ဆိုင်ရာတွင် ကမ္ဘာ့ဦးဆောင်သူတစ်ဦးဖြစ်ရန် ရည်မှန်းထားရာ AIA One Billion က အဆိုပါရည်မှန်းချက်နှင့် တစ်သားတည်းဖြစ်သည့် ရှင်းလင်းပြတ်သားသည့် ပန်းတိုင်များချမှတ်ရေးနှင့် လူမှုအသိုက်အဝန်းများ ရေရှည်ဖွံ့ဖြိုးတိုးတက်မှုအတွက် များစွာအကျိုးဖြစ်ထွန်းစေရန် ရည်ရွယ်သည့် ကျွန်ုပ်တို့၏ ရေရှည်နည်းဗျူဟာအပေါ် အခြေပြုထားပါသည်။ AIA ၏ ESG အစီရင်ခံစာ တစ်စိတ်တစ်ဒေသအဖြစ် ၂၀၃၀ ခုနှစ်အမီ ပြည်သူ တစ် ဘီလီယံ ပိုမိုကျန်းမာအသက်ရှည်ပြီး ပိုမိုကောင်းမွန်သော ဘဝတွေရရှိစေနိုင်မည့် ပန်းတိုင်ဆီသို့ ခရီးလမ်းတစ်လျှောက် တိုးတက်မှု အနေအထားကိုလည်း မှတ်သားတိုင်းတာ အစီရင်ခံသွားမည်ဖြစ်ပါသည်။
AIA One Billion နှင့်ပတ်သက်ပြီး ပိုမိုသိရှိလိုပါက https://www.aia.com.mm/mm/about-aia/aia-one-billion.htmlတွင် ဝင်ရောက်လေ့လာနိုင်ပါသည်။
AIA ၏ “Join the Journey” တွင် ပါဝင်ရန် AIA ၏ဆိုရှယ်မီဒီယာများသို့ သွားရောက်ကြည့်ရှုနိုင်ပါသည်။
Visit AIA’s social media channels to ‘Join the Journey’:
LinkedIn: [https://www.linkedin.com/company/aia-myanmar]
Facebook: [https://www.facebook.com/AIA.Myanmar.MM]
Instagram: [https://www.instagram.com/aia_myanmar_official/]
