Tottenham Hotspur အသင်းနည်းပြများကိုယ်တိုင် ကမ္ဘာ့အဆင့်မီ ဘောလုံးလေ့ကျင့်သင်ကြားပေးမည့် Score With Spurs အစီအစဉ်ကို AIA Myanmar က မြန်မာနိုင်ငံသို့ ယူဆောင်လာ

ရန်ကုန်၊ မြန်မာ၊ ၂၀၂၆ ခုနှစ်၊ မေလ ၂ ရက် - မြန်မာနိုင်ငံ၏ အသက်နှင့် ကျန်းမာရေးဆိုင်ရာ ထိပ်တန်း အာမခံကုမ္ပဏီတစ်ခုဖြစ်သော  AIA Myanmar က အင်္ဂလိပ်ပရီမီးယားလိဂ် ထိပ်တန်းအသင်းတစ်ခုဖြစ်သည့် Tottenham Hotspur ၏ နည်းပြများကိုယ်တိုင် မြန်မာနိုင်ငံ၏ ဘောလုံးမျိုးဆက်သစ်များကို အနီးကပ်ဘောလုံးလေ့ကျင့်ပေးသည့် Score With Spurs (AIA Coaching Clinic 2026) အစီအစဉ်ကို ယူဆောင်လာခဲ့ပါသည်။

AIA Myanmar ၏ RUBY Club Member များအတွက် Score With Spurs အစီအစဉ်ကို ၅ နှစ်တာအကြာတွင် ပြန်လည်ယူဆောင်ခဲ့ခြင်းဖြစ်ပြီး အသက် ၈ နှစ်မှ ၁၅ နှစ်အရွယ်က‌လေးများ ငယ်ရွယ်စဉ်ကတည်းက ကမ္ဘာ့အဆင့်မီ ဘောလုံးလေ့ကျင့်ရေးအတွေ့အကြုံများနှင့် ထိတွေ့မှုရှိစေပြီး ထိုမှတစ်ဆင့် ကျန်းမာ၊ သက်ရှည်ပြီး ပိုမိုကောင်းမွန်သောအနာဂတ်ကို လျှောက်လှမ်းနိုင်စေရန် ရည်ရွယ်ပါသည်။

AIA နှင့် Tottenham Hotspur ၏ ၁၃ နှစ်ကျော်ကြာ မိတ်ဖက်ပူးပေါင်းမှုတစ်လျှောက် AIA တည်ရှိရာ အာရှပစိဖိတ်နိုင်ငံများတွင် ကလေးများကို ဘောလုံးလေ့ကျင့်ရေးသင်တန်းများ ပို့ချပေးလျက်ရှိပြီး ယခုအခါ မြန်မာနိုင်ငံတွင် Score With Spurs အစီအစဉ်မှတစ်ဆင့် ကလေး ၃၀၀ ဝန်းကျင်ကို Tottenham Hotspur ဘောလုံးနည်းပြများကိုယ်တိုင် ရန်ကုန်မြို့ရှိ StarCity Sports Club တွင် မေလ ၂ ရက်နှင့် ၃ ရက်တို့တွင် သင်ကြားပြသပေးခဲ့ခြင်းဖြစ်သည်။

“‌ဘောလုံးအားကစားဟာ အသက်အရွယ်မရွေး၊ နေရာဒေသမရွေး နှစ်နှစ်ခြိုက်ခြိုက် ကစားကြတဲ့ မြန်မာနိုင်ငံရဲ့ အနှစ်သက်ဆုံး အားကစားတစ်ခုပါ။ အားကစားအနေနဲ့သာမက မျိုးဆက်သစ်ကလေးတွေ ကျန်းမာ၊ သန်စွမ်းပြီး စိတ်ဓာတ်ကြံ့ခိုင်မှုရှိစေဖို့ အထိရောက်ဆုံးလုပ်ဆောင်ပေးနိုင်တဲ့ ပညာသင်ကြားမှုရဲ့ အစိတ်အပိုင်းတစ်ခုလည်းဖြစ်တာကြောင့် Score With Spurs အစီအစဉ်ဟာ ဘောလုံးကွင်းထဲမှာသာမက ဘဝတစ်လျှောက်လုံးအတွက်ပါ ကောင်းမွန်တဲ့ အတွေ့အကြုံတွေ ယူဆောင်ပေးနိုင်မယ်လို့ ယုံကြည်ပါတယ်” ဟု AIA Myanmar ၏ Marketing Director ဖြစ်သူ မရှုမဝခင် က ပြောကြားခဲ့သည်။

Score With Spurs အစီအစဉ်၏ ထပ်ဆင့်ရွှေရောင်အခွင့်အရေးတစ်ခုအဖြစ် လေ့ကျင့်ရေးတွင် ခြေစွမ်းထူးချွန်သော ကလေးများကို ထပ်မံရွေးချယ်ခဲ့ပြီး AIA Myanmar ၏ စီစဉ်မှုနှင့်အတူ ထိုင်းနိုင်ငံ၊ Koh Samui ရှိ AIA–Spurs Football Camp သို့ ပို့ဆောင်မည်ဖြစ်ပြီး ၆ ရက်တာ လေ့ကျင့်၊ သင်ကြားပေးသွားမည် ဖြစ်ပါသည်။

အဆိုပါ အစီအစဉ်ကို AIA Myanmar ၏ RUBY Club Member များ အပါအဝင် AIA Myanmar မိသားစုဝင်များ၏ ကလေးများက ပါဝင်၊ လေ့ကျင့်ခဲ့ကြသည်။

Score With Spurs အစီအစဉ်အသေးစိတ်နှင့် ပတ်သက်၍ AIA Myanmar ဝက်ဘ်ဆိုက်ဒ် https://bit.ly/3MPx7br တွင် အသေးစိတ်လေ့လာနိုင်သလို AIA Myanmar ၏ တရားဝင် ဆိုရှယ်မီဒီယာ ပလက်ဖောင်းများတွင်လည်း ကြည့်ရှုနိုင်ပါသည်။

မြန်မာနိုင်ငံ၏ အသက်နှင့် ကျန်းမာရေးဆိုင်ရာ ထိပ်တန်း အာမခံကုမ္ပဏီတစ်ခုအဖြစ် AIA Myanmar သည် လူမှုအသိုင်းအဝိုင်းများ ကျန်းမာ၊ သက်ရှည်ပြီး ပိုမိုကောင်းမွန်သောဘဝများ ရရှိပိုင်ဆိုင်နိုင်စေရေး ကတိကဝတ်နှင့်အတူ ၂၀၁၉ ခုနှစ်ကတည်းက စတင်ကာ လုပ်ဆောင်လျက်ရှိပါသည်။

AIA Myanmar အကြောင်း

AIA Myanmar သည် ထိပ်တန်း အသက် နှင့် ကျန်းမာရေး အာမခံ ကုမ္ပဏီဖြစ်ပြီး တစ်ဦးချင်း၊ မိသားစုများနှင့် စီးပွားရေး လုပ်ငန်းများ၏ ငွေကြေးဆိုင်ရာအနာဂတ် လုံခြုံစေဖို့ ကူညီပေးရန် ကြိုးပမ်းဆောင်ရွက်လျက်ရှိပါသည်။ တစ်ဦးချင်းနှင့် ကော်ပိုရိတ်လုပ်ငန်းများအတွက် အာမခံအမျိုးအစား အများအပြားနှင့် အာမခံထားရှိသူများ၏ ကျန်းမာသုခကို အထူးအလေးထားသော AIA Myanmar သည် မြန်မာနိုင်ငံတစ်ဝန်းရှိ ပြည်သူများ အာမခံဝန်ဆောင်မှုများကို လက်လှမ်းမီနိုင်စေရန် ကြိုးပမ်းလျက်ရှိသည်။ AIA Myanmar သည် ၂၀၁၉ ခုနှစ်တွင် ရာနှုန်းပြည့် နိုင်ငံတကာ အသက် နှင့်ကျန်းမာရေးအာမခံလုပ်ငန်းအဖြစ် စတင်လည်ပတ်ခဲ့ပြီး လုပ်ငန်း စတင်ဆောင်ရွက်ချိန်မှစ၍ မြန်မာပြည်သူများ၏ အသက်နှင့်ကျန်းမာရေးအာမခံလိုအပ်ချက်များအလိုက် အာမခံထားသူများနှင့် အံဝင်ခွင်ကျဖြစ်သော ဆန်းသစ်သည့် အာမခံအမျိုးအစား အသစ်များ၊ အကျိုးခံစားခွင့်များ၊ နည်းပညာနှင့် ဝန်ဆောင်မှုများစွာဖြင့် ဖြည့်ဆည်းပေးလျက်ရှိပါသည်။

AIA Group အကြောင်း

AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်ရှိသည်။ AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံလုပ်ငန်းများအရ အာရှ-ပစိဖိတ် ဒေသတွင် ဦးဆောင်လျက်ရှိသည်။ AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင်  ပြည်သူတစ်ဦးချင်းစီအတွက် ငွေစုခြင်းနှင့် လိုအပ်သည့် ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို  ဆောင်ရွက်ပေးလျက်ရှိသည်။

မီဒီယာများ ဆက်သွယ်ရန်

မခင်ချမ်း‌မြေ့တိုး (AIA Myanmar)

KhinChanMyae.Toe@aia.com