အောက်ဖော်ပြပါစည်းမျဉ်းစည်းကမ်းသတ်မှတ်ချက်များသည် SCORE WITH SPURS (AIA Coaching Clinic 2026) PROGRAMME (“အစီအစဉ်”) နှင့်သက်ဆိုင်သော စည်းမျဉ်းစည်းကမ်းသတ်မှတ်ချက်များဖြစ်ပါသည်။
ကျွန်ုပ်တို့၏ သားသမီးများ (“ပါဝင်သူကလေးများ”) ကို ဤအစီအစဉ်တွင်ပါဝင်နိုင်ရန်အတွက် စာရင်းပေးသွင်းခြင်းဖြင့် (ပါဝင်သူကလေးများ၏ မိဘ သို့မဟုတ် တရားဝင်အုပ်ထိန်းသူများဖြစ်ကြသည့်) ကျွန်တော်/ကျွန်မတို့ နှင့် ပါဝင်သူကလေးများသည် -
က) ဤတွင်ဖော်ပြပါရှိသည့် စည်းမျဉ်းစည်းကမ်းသတ်မှတ်ချက်များကို ကိုယ်တိုင် ဖတ်ရှု၊ နားလည်၊ သဘောတူပြီးဖြစ်ကြောင်းနှင့် ဤအစီအစဉ်နှင့် စပ်လျဉ်း၍ AIA Myanmar မှချမှတ်သည့် မည်သည့်ဆုံးဖြတ်ချက်ကိုမဆို လိုက်နာရန်သဘောတူပြီးဖြစ်ကြောင်း၊
ခ) ကျွန်တော်/ကျွန်မတို့၏ ကိုယ်ရေးအချက်အလက်နှင့် ပါဝင်သူကလေးများ၏ ကိုယ်ရေးအချက်အလက်များကို AIA Myanmar မှ ၎င်းတို့၏သတင်းအချက်အလက်လုံခြုံရေးဆိုင်ရာမူဝါဒများနှင့်အညီ စုဆောင်းခြင်းနှင့် (စီမံဆောင်ရွက်ခြင်းနှင့် စိစစ်ခြင်းစသည်တို့အပါအဝင်) အသုံးပြုခြင်းတို့ကို ပြုလုပ်ဆောင်ရွက်နိုင်ရန် သဘောတူခွင့်ပြုပါကြောင်းနှင့်၊
ဂ) AIA Myanmar မှ ဤအစီအစဉ်နှင့် စပ်လျဉ်း၍ အခါအားလျော်စွာ သတ်မှတ်၊ အတည်ပြု၊ ချမှတ်သည့် သို့မဟုတ် ပြင်ဆင်သတ်မှတ်လိုက်သည့် စည်းကမ်းချက်များ၊ စည်းမျဉ်းများ၊ မူဝါဒများ၊ လုပ်ထုံးလုပ်နည်းများနှင့် ပြင်ဆင်သတ်မှတ်ချက်များကို လိုက်နာရန် သဘောတူပြီးဖြစ်ကြောင်း မှတ်ယူသွားမည်ဖြစ်သည်။
ဤစည်းမျဉ်းသတ်မှတ်ချက်များအတွက် “AIA” သို့မဟုတ် “AIA Myanmar” ဟူသောစကားရပ်သည် AIA MYANMAR LIFE INSURANCE COMPANY LIMITED နှင့် ၎င်း၏ ဆက်စပ်လုပ်ငန်းများနှင့် လုပ်ငန်းခွဲများအားလုံးကိုဆိုလိုသည်။
စည်းမျဉ်းစည်းကမ်းသတ်မှတ်ချက်များ
အစီအစဉ်အသေးစိတ်
၁) ယခုအစီအစဉ်ကို ရန်ကုန်တိုင်းဒေသကြီးတွင် ၂ ရက်ခွဲ၍ ကျင်းပပြုလုပ်သွားမည်ဖြစ်ပါသည်။
(က) ပထမရက်ကို ၂၀၂၆ ခုနှစ်၊ မေလ ၂ ရက်တွင် အသက် ၈ နှစ်မှ ၁၁ နှစ်အရွယ်ကလေးများအတွက်သော်လည်းကောင်း၊
(ခ) ဒုတိယရက်ကို ၂၀၂၆ ခုနှစ်၊ မေလ ၃ ရက်တွင် အသက် ၁၂ နှစ်မှ ၁၅ နှစ်အရွယ်ကလေးများအတွက်လည်းကောင်း ပြုလုပ်ကျင်းပ သွားမည်ဖြစ်ပါသည်။
အကျုံးဝင်ပုံ
၁) အစီအစဉ်၏ သတ်မှတ်ထားသော စံနှုန်းများနှင့်ကိုက်ညီပြီး SCORE WITH SPURS (AIA Coaching Clinic 2026) အစီအစဉ်၏ ပွဲအစီအစဉ်လက်မှတ်ကိုလက်ဝယ်ရရှိထားသော အသက် ၈ နှစ်မှ ၁၅ နှစ်အတွင်း ကလေးများအနေဖြင့် ယခုအစီအစဉ်တွင် ဝင်ရောက်ပါဝင်ရန် အကျုံးဝင်ပါသည်။ ပွဲအစီအစဉ်လက်မှတ်ကို အခြားသူထံသို့လွှဲပြောင်းပေးအပ်နိုင်ပါသည်။ သို့သော် ထိုသို့လွှဲပြောင်းပေးအပ်ခြင်းကို အတည်ပြုရန်အတွက် AIA Myanmar က အချိန်မရွေးဆက်သွယ်နိုင်ပါသည်။ ပွဲအစီအစဥ်လက်မှတ် လက်ဝယ်ရရှိသူအနေဖြင့် ပွဲအစီအစဉ်သို့ မလာရောက်နိုင်ပါက ၂၀၂၆ ခုနှစ်၊ ဧပြီလ ၂၀ ရက်နောက်ဆုံးထားပြီး AIA Myanmar ကို အကြောင်းကြားပေးရမည်။
၂) သင့်အနေဖြင့် ဤအစီအစဉ်တွင်ပါဝင်ခွင့်ကိုသော်လည်းကောင်း၊ ဤအစီအစဉ်အောက်တွင်ရရှိသည့် အခြားအခွင့်အရေးတစ်စုံတစ်ရာ ကိုသော် လည်းကောင်း ငွေကြေး သို့မဟုတ် အခြားသော ကုစားမှုတစ်ရပ်ရပ်ဖြင့် လည်း လဲလှယ်ခြင်း၊ ပြောင်းလဲရယူခြင်းများပြုလုပ်၍ မရပါ။
၃) ပါဝင်သူကလေးများအတွက် စာရင်းပေးသွင်းခြင်းကို ၎င်းတို့၏ မိဘ သို့မဟုတ် တရားဝင်အုပ်ထိန်းသူများမှ ပြုလုပ်ဆောင်ရွက်ပေးရမည်ဖြစ်သည်။
သတင်းအချက်အလက်များရယူခြင်းနှင့် အသုံးပြုခြင်း
၁) ပါဝင်သူကလေးများနှင့် ၎င်းတို့၏ မိဘ သို့မဟုတ် တရားဝင်အုပ်ထိန်းသူများမှ ပေးအပ်သည့် ကိုယ်ရေးအချက်အလက်များကို AIA Myanmar မှ ၎င်းတို့၏ သတင်းအချက်အလက်လုံခြုံရေးဆိုင်ရာမူဝါဒများနှင့်အညီ ရယူစုဆောင်း၊ အသုံးပြုပိုင်ခွင့်ရှိသည်။ ပါဝင်သူကလေးများနှင့်၎င်းတို့၏ မိဘ သို့မဟုတ် တရားဝင်အုပ်ထိန်းသူများအနေဖြင့် ဤအစီအစဉ်နှင့်စပ်လျဉ်း၍ ၎င်းတို့မှ ပေးအပ်ခဲ့သောကိုယ်ရေးအချက်အလက်များကို မိမိတို့၏ကိုယ်ပိုင်လွတ်လပ်သောသဘောဆန္ဒဖြင့် ပေးအပ်ခဲ့သည်ဖြစ်ကြောင်းကို သဘောတူဝန်ခံအပ်ပါသည်။
၂) AIA Myanmar (နှင့် ၎င်း၏ဆက်စပ်အဖွဲ့အစည်းများ၊ လုပ်ငန်းများနှင့်တွဲဖက်အဖွဲ့အစည်းများ) မှသင်၏ကိုယ်ရေးအချက်အလက်များကို အသုံးပြုခြင်းနှင့် ထုတ်ဖော်ပြသခြင်းဖြင့် AIA Myanmar ၏ အာမခံနှင့် ဝန်ဆောင်မှုအသစ်များအပါအဝင်အခြားသော စိတ်ဝင်စားဖွယ် အကြောင်းအရာများကို သင့်ထံသို့ဆက်သွယ်အကြောင်းကြားလာနိုင်ပါသည်။
၃) AIA Myanmar မှ ဤအစီအစဉ်ကာလအတွင်း၌ ပါဝင်သူကလေးများ၏ ဓါတ်ပုံနှင့် ဗီဒီယိုများကိုရိုက်ကူးပြီး ဤအစီအစဉ်နှင့် စပ်လျဉ်း၍ ဖြစ်စေ၊ အခြားအစီအစဉ်များနှင့်စပ်လျဉ်း၍ဖြစ်စေ၊ ပြုလုပ်သည့် ၎င်းတို့၏ ကြော်ငြာနှင့် ဈေးကွက်ဆွဲဆောင်မှုလုပ်ငန်းများတွင် ပြန်လည်အသုံး ပြုပိုင် ခွင့်ရှိသည်။
တာဝန်ရှိခြင်း
၁) ဤအစီအစဉ်တွင်ပါဝင်ခြင်းဖြင့် သင့်အပေါ်တွင် ဤစည်းမျဉ်းသတ်မှတ်ချက်များ အကျိုးသက်ရောက်မှုရှိစေခြင်းမှလွဲ၍ သင်နှင့် AIA Myanmar တို့ကြားတွင်သော်လည်းကောင်း၊ ၎င်း၏အကျိုးတူပူးပေါင်းဆောင်ရွက်သူတို့နှင့် အခြားတွင်သော်လည်းကောင်း၊ အခြားမည်သည့် ဥပဒေကြောင်းအရ စည်းနှောင်အားရှိသည့် ဆက်ဆံမှုမျိုး ပေါ်ပေါက်လာမည်မဟုတ်ပါ။
၂) သင့်အနေဖြင့် ဤအစီအစဉ်တွင်ပါဝင်ခြင်းကြောင့် ဖြစ်ပေါ်လာနိုင်သည့် အငြင်းပွားမှုများ၊ ကုန်ကျစရိတ်များ၊ ဆုံးရှုံးနစ်နာမှုများ၊ ထိခိုက်ဒဏ်ရာရရှိမှုများ နှင့် ပြင်ပအဖွဲ့အစည်း၊ လူပုဂ္ဂိုလ်တစ်ဦးတစ်ယောက်၏ ဉာဏပစ္စည်းမူပိုင်ခွင့်များကို ချိုးဖောက်မှုများအတွက် သင်ကိုယ်တိုင်သာ အပြည့်အဝတာဝန်ယူ ဆောင်ရွက်သွားရမည်ဖြစ်သည်။
၃) ဤစည်းမျဉ်းစည်းကမ်းသတ်မှတ်ချက်များကြောင့်သော်လည်းကောင်း၊ ဤအစီအစဉ်တွင် ပါဝင်ခြင်းကြောင့်သော်လည်းကောင်း၊ ဤအစီအစဉ်အား ရပ်စဲခြင်း သို့မဟုတ် ဆိုင်းငံ့ခြင်းကြောင့်သော်လည်းကောင်း၊ သင့်အနေဖြင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ၊ ဖြစ်ပေါ် ခံစားရနိုင်သည့် ဆုံးရှုံး နစ်နာမှုများ၊ ကုန်ကျစရိတ်များအတွက် AIA Myanmar နှင့် ၎င်း၏အကျိုးတူပူးပေါင်းဆောင်ရွက်သူများ၊ ၎င်းတို့၏ သက်ဆိုင်ရာ တာဝန်ရှိသူများ၊ ဝန်ထမ်းများ၊ ဒါရိုက်တာများ၊ ငွေကြေးအတိုင်ပင်ခံများနှင့်/သို့မဟုတ် ကန်ထရိုက်တာများမှ (ယင်းဖြစ်ရပ်များဖြစ်ပေါ်လာမှုအပေါ် AIA Myanmar မှ ထိန်းချုပ်နိုင်မှု ရှိသည်ဖြစ်စေ၊ မရှိသည်ဖြစ်စေ) ဥပဒေအရ ခွင့်ပြုထားသည့် အမြင့်ဆုံးအတိုင်းအတာအထိ တာဝန်မရှိစေရ။
အထွေထွေ
၁) ပါဝင်သူကလေးများအနေဖြင့် ဤအစီအစဉ်တွင်ပါဝင်သည့် အားကစားလှုပ်ရှားမှုများတွင် ပါဝင်ဆောင်ရွက်နိုင်ရန်အတွက် လုံလောက်သည့် ကိုယ်ခန္ဓာကြံ့ခိုင်သန်စွမ်းမှုရှိ/မရှိကို ပါဝင်သူကလေးများနှင့်၎င်းတို့၏မိဘ သို့မဟုတ် တရားဝင်အုပ်ထိန်းသူများကိုယ်တိုင် သေချာအောင် ပြုလုပ်ဆောင်ရွက်ရမည်။ ပါဝင်သူကလေးများ နှင့် ၎င်းတို့၏ မိဘ သို့မဟုတ် တရားဝင်အုပ်ထိန်းသူများအနေဖြင့် ဤအားကစားလှုပ်ရှားမှုများကြောင့် အရာဝတ္ထုပစ္စည်းများနှင့် ကိုယ်အင်္ဂါအစိတ်အပိုင်းများကို ထိခိုက် ပျက်စီးစေမှု၊ သို့မဟုတ် သေဆုံးမှု စသည့်ကြီးမားသော အန္တရာယ်များ အတိုင်းအတာ တစ်ခုအထိဖြစ်ပေါ်လာနိုင်သည်ကို ရှင်းရှင်းလင်းလင်းသိရှိပြီးဖြစ်ကြောင်း သဘောတူအပ်ပါသည်။ ထိုကဲ့သို့သော အားကစားလှုပ်ရှားမှုများနှင့် စပ်လျဉ်း၍ ဖြစ်ပေါ်လာနိုင်သော ဘေးအန္တရာယ်များကိုလည်း(အဆိုပါဘေးအန္တရာယ်များ၏ တစ်စိတ်တစ်ပိုင်း သို့မဟုတ် အားလုံးမှာ AIA Myanmar သို့မဟုတ် ၎င်းတို့၏အကျိုးတူပူးပေါင်းဆောင်ရွက်သူများအပါအဝင် အခြားအဖွဲ့အစည်း၊ လူပုဂ္ဂိုလ် တစ်ဦးတစ်ယောက်၏ ပြုလုပ်မှု၊ ပြုလုပ်ရန်ပျက်ကွက်မှု၊ ပေါ့ဆမှုများကြောင့်ဖြစ်ပေါ်လာစေကာမူ) ပါဝင်သူကလေးများသည် ၎င်းတို့၏ ကိုယ်ပိုင်လွတ်လပ်သောသဘောဆန္ဒဖြင့် လက်ခံလုပ်ဆောင်သည်ဖြစ်ကြောင်းကို သဘောတူလက်ခံအပ်ပါသည်။
၂) ပါဝင်သူကလေးများမှ ဤအစီအစဉ်တွင်ပါဝင်နိုင်ရန်အတွက် ၎င်းတို့၏သက်ဆိုင်ရာကျောင်းများသို့ ခွင့်တိုင်ရန် သို့မဟုတ် ပျက်ကွက်မှုအတွက် တင်ပြရန် စသည်ဖြင့် ခွင့်ပြုချက် သို့မဟုတ် ထောက်ခံချက်တစ်စုံတစ်ရာရယူရန် လိုအပ်ခဲ့လျှင် AIA Myanmar မှ ယင်းကိစ္စရပ်များအတွက် ကူညီဆောင်ရွက်ပေးရန်တာဝန်မရှိပါ။
၃) AIA Myanmar သည် အခါအားလျော်စွာ ကြိုတင်အသိပေးအကြောင်းကြားရန်မလိုဘဲ ဤအစီအစဉ်အား ရပ်ဆိုင်းခြင်း၊ ဤစည်းမျဥ်း စည်းကမ်းသတ်မှတ်ချက်များကို ပြင်ဆင်သက်မှတ်ခြင်း၊ ဖြည့်စွက်ခြင်း သို့မဟုတ် ပြုပြင်ခြင်းများ ပြုလုပ်ဆောင်ရွက်ပိုင်ခွင့်ရှိသည်။ ဤစည်းမျဥ်းစည်းကမ်းသတ် မှတ်ချက်များနှင့် ပက်သတ်၍သော်လည်းကောင်း၊ ဤအစီအစဉ်နှင့်ပတ်သတ်သည့် စည်းမျဉ်းစည်းကမ်းများ၊ မူဝါဒများနှင့် လုပ်ထုံးလုပ်နည်း များကိုသော်လည်းကောင်း၊ ယင်းတို့အားလုံးနှင့်စပ်လျဉ်းပြီး AIA Myanmar ၏ဆုံးဖြတ်ချက် သည်သာအတည်ဖြစ်ပါသည်။
၄) ကြိုတင်မသိမြင်နိုင်သော အခြေအနေအရပ်ရပ်များကြောင့် နည်းပြများ နှင့်/သို့မဟုတ် အစီအစဉ်အချိန်ဇယားများ၊ ဆောင်ရွက်မှုများ၊ ဒီဇိုင်းများ အပြောင်းအလဲရှိခြင်း သို့မဟုတ် အစီအစဉ်ပယ်ဖျက်ခြင်းကြောင့် ဖြစ်ပေါ်လာသော မည်သည့်ဆုံးရှုံးမှုများ (အခွင့်အလမ်းများအပါအဝင်)၊ ပျက်စီးဆုံးရှုံးမှုများ၊ လျော်ကြေးများအတွက် AIA Myanmar တွင် တာဝန်မရှိပါ။
၅) ဤစည်းမျဥ်းစည်းကမ်းသတ်မှတ်ချက်များအတွက်ပါဝင်သည့် ပြဋ္ဌာန်းချက်တစ်ရပ်ရပ်သည် ဥပဒေနှင့်ညီညွတ်မှုမရှိတော့လျှင်ဖြစ်စေ၊ ပျက်ပြယ် သွားခြင်း သို့မဟုတ် အကျုံးမဝင်ခြင်းတို့ဖြစ်ခဲ့လျှင်ဖြစ်စေ၊ ယင်းပြဋ္ဌာန်းချက်ကို လိုအပ်သည့်အတိုင်းအတာအထိ ဤစည်းမျဥ်းစည်းကမ်းသတ် မှတ်ချက်များထဲမှ ဖြတ်တောက်ပြီး ကျန်ပြဋ္ဌာန်းချက်များကို မွမ်းမံပြင်ဆင်ခြင်းမရှိဘဲ ဆက်လက်အကျိုးသက်ရောက်မှုရှိစေရမည်။
