ကင်ဆာရောဂါဟာ ဝေဒနာခံစားနေရသူများနှင့် မိသားစုဝင်များရဲ့  ရုပ်ပိုင်းဆိုင်ရာသာမက စိတ်ပိုင်းဆိုင်ရာနှင့် ငွေကြေးပိုင်းဆိုင်ရာတို့ကိုပါ သက်ရောက်စေကြောင်း လက်ခံနားလည်ထားကြပါတယ်။ ဒါကြောင့် AIA Myanmar ရဲ့ ရည်မှန်းချက် တစ်စိတ်တစ်ပိုင်းဖြစ်တဲ့ မြန်မာနိုင်ငံသူနိုင်ငံသားများ သက်ရှည်ကျန်းမာပြီး ပိုမိုကောင်းမွန်သောဘဝများ ပိုင်ဆိုင်စေရန်ဆိုတဲ့ ဆောင်ပုဒ်နဲ့အညီ "Cancer Support CSR" အစီအစဉ်တစ်ခုကို ဆောင်ရွက်နေပြီး၊ ကင်ဆာရောဂါကြောင့် ဖြစ်ပေါ်လာတဲ့ အခက်အခဲများကို လျှော့ချပေးစေနိုင်ရန် ရည်ရွယ်ပြုလုပ်သွားမှာဖြစ်ပါတယ်။ ဤအစီအစဉ်မှတစ်ဆင့် ကင်ဆာရောဂါဆိုင်ရာ ကျန်းမာရေးအသိပညာမြှင့်တင်ပေးခြင်း၊ လိုအပ်တဲ့ အထောက်အပံ့ပေးခြင်းနှင့် စိတ်ခွန်အား မြှင့်တင်ပေးခြင်းတို့ကို ပံ့ပိုးကူညီသွားမှာဖြစ်ပါတယ်။

ပွဲအစီအစဉ် အကျဉ်းချုပ်

ယခု CSR အစီအစဉ်မှာ အကူအညီလိုအပ်နေသော ကင်ဆာရောဂါဝေဒနာရှင်များနှင့် မိသားစုဝင်များအတွက် ဆေးဝါနှင့် အာဟာရဆိုင်ရာ လိုအပ်ချက်များ၊ စိတ်ခွန်အားဆိုင်ရာ လိုအပ်ချက်များကိုပါ ပံ့ပိုးကူညီသွားမှာဖြစ်ပါတယ်။

ပွဲအတွင်း ကျန်းမာရေးဆိုင်ရာ၊ စိတ်ပိုင်းဆိုင်ရာနှင့် အာဟာရပိုင်းဆိုင်ရာ အကျိုးပြုသော အထောက်အပံ့များပါ ပေးအပ်သွားမှာဖြစ်သလို ကျန်းမာရေး ဗဟုသုတများအပြင်မျှဝေခြင်း၊ စိတ်ပိုင်းဆိုင်ရာ အားပေးခြင်းနှင့် ကင်ဆာရောဂါကို တိုက်ဖျက်ရာတွင် အထောက်အကူဖြစ်စေမည့် အာဟာရဆိုင်ရာ အချက်အလက်များကို ဝေမျှပေးသွားမှာ ဖြစ်ပါတယ်။

ကျွန်တော်တို့နှင့်အတူတကွ မြန်မာနိုင်ငံရှိ ကင်ဆာဝေဒနာရှင်များ ကင်ဆာရောဂါကို ရင်ဆိုင်ကျော်လွှားကြဖို့ နွေးထွေးစွာ ဖိတ်ခေါ်လိုက်ပါရစေ။ သင် (သို့မဟုတ်) အသိမိတ်ဆွေ တစ်ဦးတစ်ယောက်က ကင်ဆာရောဂါခံစားနေရပါဆိုပါကလည်း AIA Myanmar အနေဖြင့် အားပေးကူညီဖို့ အစဉ်အမြဲ အသင့်ရှိနေတာမို့ ယခုပြုလုပ်မယ့် ပွဲအခမ်းအနားကို https://forms.office.com/r/Uq9GFrwKhFတွင် စာရင်းပေးသွင်းပြီး တက်ရောက်နိုင်ပါတယ်။

အရေးကြီးသော အချက်အလက်များ  

AIA Myanmar က ယခုအစီအစဉ်မှတစ်ဆင့် လူအများကို ကူညီပေးနိုင်မှာဖြစ်လို့ ဂုဏ်ယူဝမ်းမြောက်မိပါတယ်။ ယခုအစီအစဉ်တွင် ပါဝင်ခြင်းဟာ ပွဲနဲ့မဆိုင်တဲ့ အကြောင်းအရာများအတွက် AIA Myanmar (သို့မဟုတ်) စီးပွားမိတ်ဖက်များနှင့် ဥပဒေအရ ဆက်နွယ်ခြင်း ရှိမည်မဟုတ်ကြောင်း ကျေးဇူးပြု၍ သတိပြုပေးပါ။  

AIA Myanmar အနေဖြင့် ဤအစီအစဉ် သို့မဟုတ် အချက်အလက်များကို အချိန်မရွေး ပြင်ဆင်ခွင့်ရှိပြီး ပြင်ဆင်ချက်များကို ရှင်းလင်းစွာ အသိပေးသွားမှာဖြစ်ပါတယ်။ နောက်ဆုံးအနေနဲ့ AIA Myanmar ရဲ့ ဆုံးဖြတ်ချက်ကိုသာ အတည်ယူမှာ ဖြစ်ကြောင်း လေးစားစွာ အသိပေးအပ်ပါတယ်။ 

#AIAMyanmar #CancerSupportCSRProgram #RaiseYourRibbon #HealthierLongerBetterLives