AIA Myanmar ၏ “Light Of Your Life!” Campaign သည် မိမိတို့ချစ်ရသူများအတွက် အသက်အာမခံ အကာအကွယ်ရရှိနိုင်စေရန် ဆောင်ရွက်ရာတွင် အထောက်အပံ့တစ်ခုအဖြစ် ၀န်ဆောင်မှုပေးနိုင်ရန်အလို့ငှာ မိတ်ဆက်သည့် သီတင်းကျွတ်ကာလ Campaign အစီအစဥ် တစ်ခု ဖြစ်ပါသည်။ 

ဤ Campaign တစ်စိတ်တစ်ပိုင်းအဖြစ် AIA ၏ တစ်သက်တာရွေးချယ်အသက်အာမခံအမျိုးအစားဝယ်ယူသည့် Customer များမှ ၎င်းတို့ ချစ်ခင်ရသူများအတွက် AIA ၏ One Health Solution – Individual (“OHS”) အာမခံအောက်ရှိ ကျန်းမာရေးအာမခံအကာအကွယ်များကို ရယူပေးနိုင်ရန်အတွက် AIA မှ ၎င်း၏ သီတင်းကျွတ်ကာလ လူမှုရေးလှုပ်ရှားမှုရန်ပုံငွေကိုအသုံးပြု၍ Customer များကို အထောက်အပံ့များပေးအပ် သွားမည်ဖြစ်ပါသည်။

ဤ Campaign တွင် တစ်သက်တာရွေးချယ်အသက်အာမခံအမျိုးအစားကို ဝယ်ယူသော Customer များမှ ပေးချေရသော ပုံမှန်ကာကွယ်မှုပရီမီယံ ၏ ၁၅% အား One Health Solution - Individual (OHS) အာမခံအတွက် ပရီမီယံအထောက်အပံ့အဖြစ် ထောက်ပံ့ပေးအပ်သွားမည်ဖြစ်ပါသည်။

၂၀၂၂ ခုနှစ် အောက်တိုဘာ ၁၁ ရက်မှ ၂၀၂၂ ခုနှစ် ဒီဇင်ဘာ ၃၁ ရက်အတွင်း ထုတ်ပေးသော တစ်သက်တာရွေးချယ်အသက်အာမခံများအားလုံး ဤ Campaign ‌အောက်တွင် အကျုံး၀င်မည်ဖြစ်သည်။

Campaign စည်းမျဉ်းသတ်မှတ်ချက်များ

1. ဤ Campaign သည် ၂၀၂၂ ခုနှစ် အောက်တိုဘာ ၁၁ ရက်မှ ၂၀၂၂ ခုနှစ် ဒီဇင်ဘာ ၃၁ ရက် (“Campaign ကာလ”) အတွင်း ထုတ်ပေးသော တစ်သက်တာရွေးချယ်အသက်အာမခံပေါ်လစီအသစ်များအားလုံး အကျုံး၀င်မည်ဖြစ်ပြီး OHS အာမခံပေါ်လစီများမှာလည်း ပရီမီယံထောက်ပံ့မှုအတွက်အကျုံးဝင်စေရန် Campaign ကာလအတွင်းထုတ်ပေးသော ပေါ်လစီများ ဖြစ်ရမည်။ 
   
   
2. OHS အာမခံအတွက် ပရီမီယံထောက်ပံ့မှုအနေဖြင့် တစ်သက်တာရွေးချယ်အသက်အာမခံရှိ ပုံမှန်ကာကွယ်မှုပရီမီယံ၏ ၁၅% ("ပရီမီယံထောက်ပံ့မှု") ကို AIA Myanmar ၏ သီတင်းကျွတ်ကာလလူမှုရေးလှုပ်ရှားမှု ရန်ပုံငွေမှ တစ်ဆင့် ထောက်ပံ့ခြင်းဖြစ်ပါသည်။
   
   
3. ဤ Campaign အောက်တွင် ပေးအပ်သွားမည့် ပရီမီယံထောက်ပံ့မှုအတွက် အာမခံထားရှိသူ (Life assured) တစ်ဦးလျှင် တစ်သက်တာရွေးချယ်အသက်အာမခံပေါ်လစီတစ်ခုသာ အကျုံးဝင်သည်။ 
   
   
4. ဤ Campaign တွင် အကျုံးဝင်နိုင်ရန်တွင် တစ်သက်တာရွေးချယ်အသက်အာမခံ၏ ပရီမီယံပေးချေမှုပုံစံမှာ နှစ်စဉ်ပရီမီယံပေးသွင်းမှုမျိုးဖြစ်ရမည်။
   
   
5. ပရီမီယံထောက်ပံ့မှုကို Campaign ကာလအတွင်းဝယ်ယူထားသည့် တစ်သက်တာရွေးချယ်အသက်အာမခံအတွက် Customer မှ ပေးချေထားသော ပုံမှန်ကာကွယ်မှု ပရီမီယံအပေါ်တွင် အခြေခံ၍ တွက်ချက်သွားမည်ဖြစ်ပါသည်။
   
   
6. အကယ်၍ ပရီမီယံထောက်ပံ့သူမှာ OHS အာမခံအပေါ်တွင် ပေးသွင်းရမည့် ပရီမီယံကြေးအားလုံးအတွက် လုံလောက်မှုမရှိပါက ကျန်ရှိသည့် ပရီမီယံပမာဏကို Customer မှ ပေးသွင်းရမည်ဖြစ်သည်။
   
   
7. Customer များအနေဖြင့် ပရီမီယံထောက်ပံ့မှုကို အသုံးပြုကာ OHS အာမခံ တစ်ခုထက်မက ဝယ်ယူနိုင်သည်။
   
   
8. ကျန်ရှိသည့် သို့မဟုတ် အသုံးပြုခြင်းမရှိသည့် ပရီမီယံထောက်ပံ့မှုပမာဏတို့ကို အဆုံးခံရမည်ဖြစ်ပြီး ယင်းပရီမီယံထောက်ပံ့မှုတို့ကို အခြားသူတစ်ဦးတစ်ယောက်ထံသို့ လွှဲပြောင်းပေးအပ်ခြင်း၊ ငွေသားအဖြစ်လဲလှယ်ခြင်း စသည်တို့ ပြုလုပ်၍ မရနိုင်ပါ။
   
   
9. ပရီမီယံထောက်ပံ့မှုမှာ ဤ Campaign အောက်တွင်ထုတ်ပေးခဲ့သည့် OHS အာမခံပေါ်လစီများ၏ ပထမနှစ်အတွက်ပေးသွင်းရမည့် ပရီမီယံအတွက်သာ အကျုံးဝင်မည်ဖြစ်သည်။
   
   
10. OHS အာမခံပေါ်လစီများနှင့် တစ်သက်တာရွေးချယ် အသက်အာမခံပေါ်လစီများအား လက်ခံခြင်းနှင့် ထုတ်ပေးခြင်းကို AIA Myanmar ၏ လမ်းညွှန်ချက်များနှင့်အညီ ဆောင်ရွက်သွားမည်ဖြစ်သည်။ AIA Myanmar သည် ၎င်း၏ တစ်ဦးတည်း ဆုံးဖြတ်ချက်ဖြင့် ဤ Campaign အောက်တွင် မည်သည့်ပေါ်လစီကိုမဆို ထုတ်ပေးရန် ငြင်းဆိုပိုင်ခွင့် ရှိသည်။
    
    
11. ဤ Campaign အောက်တွင်ထုတ်ပေးခဲ့သည့် OHS အာမခံပေါ်လစီကို ရပ်ဆိုင်းခဲ့သည်ရှိသော Customer အား ပြန်အမ်းမည့်ပရီမီယံတွင် ပရီမီယံထောက်ပံ့မှု ငွေပမာဏမပါဝင်ပါ။
    
    
12. AIA Myanmar သည် Customer အား ကြိုတင်အသိပေးအကြောင်းကြားခြင်းမရှိဘဲ ဤ Campaign ကို ဆက်လက်ဆောင်ရွက်မှုမပြုခြင်း သို့မဟုတ် ဤ Campaign ၏ စည်းကမ်းချက်များကို ပြင်ဆင်ခြင်းများ ပြုလုပ်ပိုင်ခွင့်ရှိသည်။ ဤ Campaign ၏ စည်းကမ်းချက်များ နှင့် ပတ်သက်၍ AIA Myanmar ဆုံးဖြတ်ချက်သည် အတည်ဖြစ်သည်။
    
    
13. ဤ "Light of Your Life!" Campaign အောက်ရှိ အကျိုးခံစားခွင့်များကို Customer များအနေဖြင့် အခြားမည်သည့် AIA Myanmar Customer Campaign နှင့်မှ ပူးတွဲ၍ တောင်းဆိုရယူပိုင်ခွင့်မရှိပါ။