မြန်မာပြည်သူတို့၏ဘဝများအား အကျိုးပြုနိုင်ရန်အတွက် AIA နှင့် AYA Financial Group, MAX Myanmar Group တို့ ပူးပေါင်းဆောင်ရွက်

 [ရန်ကုန်၊ မြန်မာ၊ ၂၀၁၉ ခုနှစ်၊ ဒီဇင်ဘာလ ၅ ရက်] – AIA Myanmar သည် အသက်၊ ကျန်းမာရေးနှင့် ကောင်းမွန်သော ရှင်သန်နေထိုင်မှုအစီအစဉ်များပေးစွမ်းနိုင်ရန် AYA Financial Group, Max Myanmar Group (AFG-MAX) ၏ ခိုင်မာသော customer base နှင့် သဟဇာတဖြစ်သော စီးပွားရေး လုပ်ဖော် ကိုင်ဖက်စနစ်ကို ယုံကြည်စွာဖြင့် ဒီဇင်ဘာလ ၅ ရက်နေ့မှစတင်၍အကျိုးတူပူးပေါင်းမှု ပြုလုပ်သွားမည်ဖြစ်ကြောင်း AIA Myanmar မှ ဝမ်းသာကျေနပ်စွာဖြင့် ထုတ်ပြန်ကြေငြာသည်။

ဤကဲ့သို့ AIA နှင့် AFG-MAX ပူးပေါင်းမှုသည် အာမခံကုမ္ပဏီများ လိုင်စင်ရရှိပြီးနောက် အာမခံကုမ္ပဏီနှင့် ဘဏ်အကြား ပထမဆုံးအကျိုးတူပူးပေါင်းမှုဖြစ်ပြီး ယခုပူးပေါင်းမှုသည် ရည်ရွယ်ချက်ကောင်းများကို အခြေခံ သော ရည်ရှည်အတွက် မဟာဗျူဟာကျသည့် ပူးပေါင်းမှု၏အစဖြစ်သည်။ အာရှပစိဖိတ် ဒေသတစ်လျောက် AIA ၏ အတွေ့အကြုံကောင်းများနှင့် AFG-MAX ၏ နိုင်ငံတွင်း ကျွမ်းကျင်မှုတို့ ပေါင်းစည်းခြင်းအားဖြင့် မြန်မာပြည်သူလူထုအား အာမခံဆိုင်ရာ ဝန်ဆောင်မှုများကို ပံ့ပိုးပေးလျက်ထိရောက်သည့် လူမှုအကျိုးပြု ဆောင်ရွက်ချက်များကို အဓိကထားအာရုံစိုက်ကာ လုပ်ဆောင်သွားမည်ဖြစ်သည်။ ဤပူးပေါင်းမှတဆင့် နိုင်ငံအတွင်း လိုအပ်နေသည့် အသက်အာမခံနှင့် ကျန်းမာရေး အာမခံအကြောင်းကို သတိပြုမိလာစေရေး အတွက် မြှင့်တင်သွားကာ မြန်မာပြည်သူလူထု  တစ်ရပ်လုံး  ပိုမိုကျန်းမာ အသက်ရှည်ပြီး ပိုမိုကောင်းမွန်သော ဘဝများ ပိုင်ဆိုင်နိုင်စေဖို့ ရည်ရွယ်ထားသည်။

မြန်မာနိုင်ငံတွင် AIA ၏အာမခံလုပ်ငန်းခွဲတစ်ခုအဖြစ် ရာနှုန်းပြည့် အသက်အာမခံ လုပ်ကိုင်ခွင့်လိုင်စင်ကို ပြီးခဲ့သည့် နိုဝင်ဘာလ ၂၈ ရက်နေ့တွင် ပြည်ထောင်စုမြန်မာနိုင်ငံတော်၏ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနမှ AIA Myanmar အား  တရားဝင်ပေးအပ်ခဲ့သည်။

AIA Myanmar ၏ CEO ဖြစ်သူ Nhon (Luc) Ly က “အခုလို AFG-MAX Group နဲ့ မဟာဗျူဟာမြောက် ရေရှည်ပူးပေါင်း ဆောင်ရွက်ခွင့်ရတဲ့အတွက် အထူးစိတ်လှုပ်ရှားမိပါတယ်။   ရည်ရွယ်ချက်တူတဲ့ AFG-MAX နဲ့အတူ မြန်မာနိုင်ငံရဲ့ ကြွယ်ဝလှတဲ့ ယဉ်ကျေးမှုကို ဂုဏ်ပြုရင်း တိုးတက်လာတဲ့ ဈေးကွက်အတွင်းမှာ ခေတ်မှီလုံခြုံတဲ့ နေထိုင်မှုပုံစတွေ ဆောင်ယူ လာပေးဖို့နဲ့ လူမှုရေး၊ စီးပွားရေးဖွံ့ဖြိုးတိုးတက်ရေးတို့အတွက် အထောက်အကူပြုစေဖို့ ရည်မှန်းချက်ထားရှိပါတယ်။ ပိုမိုကျန်းမာ အသက်ရှည်ပြီး ပိုမိုကောင်းမွန်တဲ့ ဘဝတွေ ပိုင်ဆိုင်နိုင်ရမယ်ဆိုတဲ့ ကျွန်တော်တို့ AIA ရဲ့ ကတိ အတိုင်း မြန်မာပြည်သူလူထုအတွက် ဒီပူးပေါင်းမှုဟာ အထောက်အပံ့ ဖြစ်ပါလိမ့်မယ်။” ဟု ပြောကြားခဲ့သည်။

AYA Financial Group နှင့် Max Myanmar Group တို့၏ ဥက္ကဌဖြစ်သူ ဦးဇော်ဇော် က “ကျွန်တော်တို့အနေနဲ့ ကမ္ဘာ့အကြီးဆုံးအသက်အာမခံအဖွဲ့တွေထဲကတစ်ခုဖြစ်တဲ့ AIA နဲ့ အကျိုးတူ ပူးပေါင်းခွင့် ရတဲ့အတွက် ဝမ်းသာမိပါတယ်။ AIA နဲ့ AFG-MAX ပူးပေါင်းမှုဟာကျွန်တော်တို့လိုအပ်နေတဲ့ပူးပေါင်းမှုမျိုးဖြစ်ပြီး သိသိ သာသာ ပံ့ပိုးကူညီသွားနိုင်မဲ့ ညှိနှိုင်းဆောင်ရွက်မှု ဖြစ်လိမ့်မယ်လို့ ကျွန်တော်တို့ အခိုင်အမာ ယုံကြည်ပါတယ်။” ဟု ပြောကြားခဲ့သည်။

ထို့အပြင်ဝန်ဆောင်မှုအပိုင်းသာမကမြန်မာနိုင်ငံတွင်း လူမှုရေးဆိုင်ရာ အကျိုးသက်ရောက်မှုများ ရရှိစေရန် ရည်ရွယ်ချက်၏အစိတ်အပိုင်းတစ်ခုအနေဖြင့် AIA Myanmar နှင့် AFG-MAX တို့သည် “မြန်မာပြည်သူများ၏ ဘဝများကို ထွန်းလင်းရန်” ဟူသည့် လူမှုအကျိုးပြုရည်မှန်းချက် တစ်ခုကိုလည်း ကြေညာခဲ့သည်။

ယင်းရည်မှန်းချက်မှာကျေးရွာနေ ပြည်သူများ၏ အနာဂတ်ကို သိသိသာသာ အကျိုးသက်ရောက်စေမည့် မျှော်လင့်ချက်နှင့်အတူ ချို့တဲ့နွမ်းပါးသော မိသားစုများအား လျှပ်စစ်ဓာတ်အားပံ့ပိုးပေးခြင်းဖြင့် ၎င်းတို့၏ ကလေးများ ပညာသင်ကြားရေးကိုအထောက်အကူပြုစေရန်ရည်ရွယ်ပြီး AIA Myanmar နှင့် AFG-MAX မြန်မာနိုင်ငံရှိ ကျေးရွာများသို့ နေစွမ်းအင်သုံး ဆိုလာပြားများ လှူဒါန်းသွားမည် ဖြစ်သည်။

AIA  အကြောင်း

AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်သည်။ ဟောင်ကောင်၊ ထိုင်း၊ စင်္ကာပူ၊ မလေးရှား၊ တရုတ်ပြည်မ၊ ကိုရီးယား၊ ဖိလစ်ပိုင်၊ သြစတေးလျ၊ အင်ဒိုးနီးရှား၊ ထိုင်ဝမ်၊ ဗီယက်နမ်၊ နယူးဇီလန်၊ မက္ကာအို၊ ဘရုနိုင်း၊ ကမ္ဘောဒီးယား တို့တွင် ရာနှုန်းပြည့်ပိုင်ဆိုင်သော ကုမ္ပဏီခွဲများရှိပြီး သီရီလင်္ကာတွင် ၉၇% ပိုင်ဆိုင်သော ကုမ္ပဏီခွဲ၊ အန္ဒိယတွင် ၄၉% ဖြင့် အကျိုးတူပူးပေါင်းဆောင်ရွက်မှု တို့ရှိပါသည်။ AIA သည် မြန်မာနိုင်ငံတွင်လည်း ရာနှုန်းပြည့်လုပ်ကိုင်ခွင့်ရရှိသော ကုမ္ပဏီခွဲအဖြစ် ဆောင်ရွက်ရန် ၂၀၁၉ ခုနှစ်၊ ဧပြီလတွင် ရွေးချယ်ခံခဲ့ရသည်။

AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံ လုပ်ငန်းများအရ အာရှ-ပစိဖိတ် ဒေသတွင် ဈေးကွက်ဦးဆောင်သူ (ယခင်ဂျပန်နိုင်ငံ) ဖြစ်ပြီး ၎င်း၏ ဈေးကွက် အများစုတွင် ရှေ့ဆုံးမှ ဦးဆောင်လျက်ရှိသည်။ ၂၀၁၉ ခုနှစ်၊ ဇွန်လ ၃၀ ရက်နေ့မှစ၍ စုစုပေါင်းပိုင်ဆိုင်မှုမှာ အမေရိကန်ဒေါ်လာ ၂၅၆ ဘီလီလျံ ရှိသည်။

AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင်  ပြည်သူတစ်ဦးချင်းစီအတွက် ရေရှည်ငွေစုခြင်းနှင့် လိုအပ်သည့် ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို  ဆောင်ရွက်ပေးလျက်ရှိသည်။ Group Office သည်လည်း ဝန်ထမ်းများ ၏ အကျိုးအမြတ်များ၊  ချေးငွေအသက်အာမခံနှင့် ပင်စင်ဝန်ဆောင်မှုများကိုလည်း ထောက်ပံ့  ဆောင်ရွက်ပေး လျက်ရှိသည်။ AIA သည် အာရှ-ပစိဖိတ် တစ်ဝှမ်းတွင် အကျိုးဆောင် ကိုယ်စားလှယ်များ၊ လုပ်ငန်းတူ လုပ်ကိုင်သူများနှင့် ဝန်ထမ်းများ ပါဝင်သည့် ကျယ်ပြန့်သော ကွန်ရက်ဖြင့် တစ်ဦးတစ်ယောက်ချင်းစီ အာမခံ ပေါ်လစီပေါင်း ၃၄ သန်းကျော်နှင့် စုပေါင်းအာမခံပေါ်လစီပေါင်း ၁၆ သန်းကျော်ကို ဆောင်ရွက်ပေးလျက် ရှိသည်။

AIA Group Limited သည် Stock Exchange ဈေးကွက်တွင် ကူးသန်းရောင်းဝယ်နေသော American Depositary Receipts (Level 1) (ticker symbol: “AAGIY”) နှင့်အတူ Stock Exchange Code “၁၂၉၉” ဖြင့် Hong Kong Limited Stock Exchange ၏ အဓိကစာရင်းဝင်ကုမ္ပဏီဖြစ်သည်။

ဤကဲ့သို့ အာမခံ လုပ်ငန်းများ အပြည့်အဝ ဆောင်ရွက်လျက်ရှိသည့် AIA သည် မြန်မာနိုင်ငံသားများ ပိုမိုကျန်းမာ အသက်ရှည်ပြီး ပိုမိုကောင်းမွန်သောဘဝများ ရရှိရန်အတွက် လူမှု-စီးပွား ဖွံ့ဖြိုးတိုးတက်မှုကို ရေရှည်တိုးချဲ့ လုပ်ကိုင်ဆောင်ရွက်သွားမည်ဖြစ်သည်။ 

For media enquiries, please contact: