AIA Myanmar သည် အရင်ဦးဆုံးအာမခံပေါ်လစီကိုစတင်ရောင်းချသည့် ပထမဦးဆုံးနိုင်ငံခြားအသက်အာမခံကုမ္ပဏီ ဖြစ်လာ

AIA Myanmar ၏ CEO ဖြစ်သူ Mr. Nhon Ly (Luc) က “မြန်မာနိုင်ငံက မိဘပြည်သူများကို အသက်အာမခံပေါ်လစီများ စတင်ဝန်ဆောင်မှုပေးနိုင်ရန် စီမံကိန်းနှင့်ဘဏ္ဍာရေးဝန်ကြီးဌာနမှ ခွင့်ပြုချက် ရထားပြီဆိုတဲ့အကြောင်းကို မြန်မာပြည်သူများကို ကျွန်တော်တို့ AIA Myanmar က စိတ်လှုပ်ရှားစွာနဲ့ပဲ သတင်းကောင်းပေးပါရစေ။ အခုအချိန်ကာလကတော့ မြန်မာနိုင်ငံမှာရှိတဲ့ အာမခံလုပ်ငန်းနယ်ပယ်အတွက် အမှန်တကယ် အရာရောက်ပြီး လေးနက်တဲ့ ကာလပါပဲ။ ကျွန်တော်တို့အနေနဲ့ မြန်မာနိုင်ငံအနှံ့ဝန်ဆောင်မှုများ ပေးဆောင်နိုင်ရန် ဆက်လက် ဆောင်ရွက်သွား မှာဖြစ်တဲ့အလျောက် ပြည်သူများပိုမိုကျန်းမာအသက်ရှည်ပြီး ပိုမိုကောင်းမွန်တဲ့ဘဝများ ပိုင်ဆိုင်နိုင်စေဖို့ဆိုတဲ့ ကျွန်တော်တို့ပေးထားတဲ့ကတိကို ပုံဖော်ဆောင်ရွက်ရန် အတွက် AIA ရဲ့ နှစ်တစ်ရာရှိပြီဖြစ်တဲ့ အတွေ့အကြုံတွေနဲ့ ပြည်တွင်းအာမခံလုပ်ငန်း ဖွံ့ဖြိုးစေရန် ပါဝင်ဆောင်ရွက်သွားဖို့ ရည်ရွယ်ထားပါတယ်” ဟု ပြောကြားခဲ့သည်။

မြန်မာနိုင်ငံတော်အစိုးရထံမှ လုပ်ကိုင်ခွင့်လိုင်စင်ရရပြီးချင်းတွင် AIA ၏ ပထမဆုံး ကျန်းမာရေး အာမခံပေါ်လစီကို လက်မှတ်ရေးထိုးခဲ့သူများမှာ - Max Myanmar လုပ်ငန်းစု၏ ဥက္ကဌဖြစ်သူ ဦးဇော်ဇော်၊ မြန်မာနိုင်ငံ၏ ဖွံ့ဖြိုးတိုးတက်မှုအတွက် စီးပွားရေးအဖွဲ့အစည်း၏ တာဝန်ယူမှုနှင့် အခန်းကဏ္ဍကို မြှင့်တင်ပေးသည့်နေရာတွင် အားတက်သရော ပါဝင်ဆောင်ရွက်ပေးနေသည့် စွန့်ဦးတီထွင်သူအဖြစ် လည်းကောင်း၊ ဈေးကွက်ရေးရာ ကျွမ်းကျင်သူအဖြစ်လည်းကောင်း၊ အတွေ့အကြုံနှင့် ပညာရပ်များ မျှဝေပေးနေလည်းဖြစ်သည့် ဦးအောင်ချစ်ခင်၊ Associate Professor ဦးဇော်ဇော်အောင် ၊ အပြင် ပရိတ်သတ်အချစ်တော် အနုပညာရှင်များဖြစ်ကြသည့် နိုင်ငံကျော်အဆိုတော် ကိုထူးအယ်လင်းနှင့် နာမည်ကြီးသရုပ်ဆောင် ကိုထူးခြားတို့ ဖြစ်သည်။

AIA Myanmar ၏ပထမဦးဆုံး customer ဖြစ်သော ဦးဇော်ဇော်မှ AIA Myanmar ၏ အသက်အာမခံပေါ်လစီလက်ခံရရှိမှုအပေါ် ဝမ်းမြောက်ကြောင်းနှင့် “AIA မြန်မာနိုင်ငံအတွင်း ဝင်ရောက် လာမှုကို ကြိုဆိုကြောင်းနဲ့ လုပ်ငန်းဆောင်ရွက်ခွင့် လိုင်စင်ရရှိတဲ့အတွက် ဂုဏ်ယူဝမ်းမြောက် ကြောင်းကို AIA Myanmar ရဲ့ ပထမဦးဆုံး customers များရဲ့ကိုယ်စား ပြောကြားလိုပါတယ်။ လာမယ့် စိတ်လှုပ်ရှားစရာကောင်းတဲ့ နှစ်တွေမှာလည်း AIA Myanmar အနေနဲ့ အသက်အာမခံလုပ်ငန်းအား အရှိန်အဟုန်ဖြင့် စဥ်ဆက်မပြတ် တိုးတက်လာအောင် လုပ်ဆောင်နိုင်ပါစေ လို့လည်း ဆုမွန်ကောင်း တောင်းပေးလိုက်ပါတယ်။”

AIA Myanmar ၏ ရုံးချုပ်ကို ဗိုလ်ချုပ်အောင်ဆန်းလမ်းနှင့် ရွှေတိဂုံဘုရားလမ်းထောင့်ရှိ ရန်ကုန်မြို့၏ စီးပွားရေးအချက်အချာနေရာဖြစ်သည့် Junction City ၏ Office Tower တွင် ဖွင့်လှစ်ထားသည်။

AIA Myanmar ၏ တစ်ဟုန်ထိုးတိုးတက်နေသော အဖွဲ့သားများနှင့်အတူ မြန်မာနိုင်ငံအနှံ့ ဝန်ဆောင်မှုများကို ပေးစွမ်းနိုင်ရန်နှင့် မြန်မာပြည်သူများ ပိုမိုကျန်းမာအသက်ရှည်ပြီး ပိုမိုကောင်းမွန်သောဘဝများ ပိုင်ဆိုင်နိုင်စေရန် ရွှေနိုင်ငံ၏လူမှုစီးပွားရေရှည်ဖွံ့ဖြိုးတိုးတက်ရေးအတွက် AIA Myanmar သည် အဓိက အခန်းကဏ္ဍမှ ပါဝင်ကာ ဆောင်ရွက်လျက်ရှိသည်။

AIA Myanmar ၏ အသက်အာမခံပေါ်လစီများနှင့် မှတ်ပုံတင်ရန် အကြောင်းအရာများကို ပိုမိုသိရှိလိုပါက AIACare.MM@aia.com သို့ ဆက်သွယ်နိုင်ပါသည်။ သို့မဟုတ် AIA Myanmar ၏ တရားဝင် Facebook Page ဖြစ်သော https://www.facebook.com/AIA.Myanmar.MM/ တွင်လည်း ဝင်ရောက် ကြည့်ရှုနိုင်ပါသည်။

AIA Myanmar   အကြောင်း

AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်သည်။ ဟောင်ကောင်၊ ထိုင်း၊ စင်္ကာပူ၊ မလေးရှား၊ တရုတ်ပြည်မ၊ ကိုရီးယား၊ ဖိလစ်ပိုင်၊ သြစတေးလျ၊ အင်ဒိုးနီးရှား၊ ထိုင်ဝမ်၊ ဗီယက်နမ်၊ နယူးဇီလန်၊ မက္ကာအို၊ ဘရုနိုင်း၊ ကမ္ဘောဒီးယားတို့တွင် အပြည့်အဝပိုင်ဆိုင်သော ကုမ္ပဏီခွဲများရှိပြီး သီရီလင်္ကာတွင် ၉၇% ပိုင်ဆိုင်သော ကုမ္ပဏီခွဲ၊ အန္ဒိယတွင် ၄၉% ဖြင့် အကျိုးတူပူးပေါင်းဆောင်ရွက်မှု တို့ရှိပါသည်။ AIA သည် မြန်မာနိုင်ငံတွင်လည်း ရာနှုန်းပြည့်လုပ်ကိုင်ခွင့်ရရှိသော ကုမ္ပဏီခွဲအဖြစ် ဆောင်ရွက်ရန် ၂၀၁၉ ခုနှစ်၊ ဧပြီလတွင် ရွေးချယ်ခံခဲ့ရသည်။

AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံ လုပ်ငန်းများအရ အာရှ-ပစိဖိတ် ဒေသတွင် ဈေးကွက်ဦးဆောင်သူ (ယခင်ဂျပန်နိုင်ငံ) ဖြစ်ပြီး ၎င်း၏ ဈေးကွက် အများစုတွင် ရှေ့ဆုံးမှ ဦးဆောင်လျက်ရှိသည်။ ၂၀၁၉ ခုနှစ်၊ ဇွန်လ ၃၀ ရက်နေ့မှစ၍ စုစုပေါင်းပိုင်ဆိုင်မှုမှာ အမေရိကန်ဒေါ်လာ ၂၅၆ ဘီလီလျံ ရှိသည်။

AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင်  ပြည်သူတစ်ဦးချင်းစီအတွက် ရေရှည်ငွေစုခြင်းနှင့် လိုအပ်သည့် ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို  ဆောင်ရွက်ပေးလျက်ရှိသည်။ Group Office သည်လည်း ဝန်ထမ်းများ ၏ အကျိုးအမြတ်များ၊  ချေးငွေအသက်အာမခံနှင့် ပင်စင်ဝန်ဆောင်မှုများကိုလည်း ထောက်ပံ့  ဆောင်ရွက်ပေး လျက်ရှိသည်။ AIA သည် အာရှ-ပစိဖိတ် တစ်ဝှမ်းတွင် အကျိုးဆောင် ကိုယ်စားလှယ်များ၊ လုပ်ငန်းတူ လုပ်ကိုင်သူများနှင့် ဝန်ထမ်းများ ပါဝင်သည့် ကျယ်ပြန့်သော ကွန်ရက်ဖြင့် တစ်ဦးတစ်ယောက်ချင်းစီ အာမခံ ပေါ်လစီပေါင်း ၃၄ သန်းကျော်နှင့် စုပေါင်းအာမခံပေါ်လစီပေါင်း ၁၆ သန်းကျော်ကို ဆောင်ရွက်ပေးလျက် ရှိသည်။

AIA Group Limited သည် Stock Exchange ဈေးကွက်တွင် ကူးသန်းရောင်းဝယ်နေသော American Depositary Receipts (Level 1) (ticker symbol: “AAGIY”) နှင့်အတူ Stock Exchange Code “၁၂၉၉” ဖြင့် Hong Kong Limited Stock Exchange ၏ အဓိကစာရင်းဝင်ကုမ္ပဏီဖြစ်သည်။

ဤကဲ့သို့ အာမခံ လုပ်ငန်းများ အပြည့်အဝ ဆောင်ရွက်လျက်ရှိသည့် AIA သည် မြန်မာနိုင်ငံသားများ ပိုမိုကျန်းမာ အသက်ရှည်၍ ပိုမိုကောင်းမွန်သောဘဝများ ရရှိရန်အတွက် လူမှု-စီးပွား ဖွံ့ဖြိုးတိုးတက်မှုကို ရေရှည်တိုးချဲ့ လုပ်ကိုင်ဆောင်ရွက်သွားမည်ဖြစ်သည်။