AIA Myanmar က မြန်မာနိုင်ငံအတွက် ပထမဦးဆုံးသော International Finance ဆုများကို ရရှိ

[ရန်ကုန်၊ မြန်မာ။ ၂၀၂၀ ခုနှစ်၊ ဒီဇင်ဘာလ ၂၉ ရက်] ။         ။ AIA Myanmar သည် စီးပွားရေးနှင့် ဘဏ္ဍာရေးဆိုင်ရာ မဂ္ဂဇင်း တစ်ခုဖြစ်သည့် International Finance Magazine (IFM) ၏ အာမခံကဏ္ဍအတွက်ပေးအပ်သော “Most Innovative Marketing Campaign – Insurance” ဆု နှင့် “The Best Green Initiative” ဆုတို့ကို ရရှိခဲ့ပြီး အာမခံဈေးကွက်ချဲ့ထွင်ရာတွင်ဆန်းသစ်၍ သဘာဝပတ်ဝန်းကျင်နှင့် ကိုက်ညီသော နည်းလမ်းများဖြင့် အကောင်းဆုံး ထိုးဖောက်နိုင်ခဲ့သည့် အာမခံလုပ်ငန်းတစ်ခုအဖြစ် မြန်မာနိုင်ငံအတွက် ပထမဆုံးအကြိမ် အသိအမှတ်ပြု ခံရသည့် အာမခံလုပ်ငန်းဖြစ်လာသည်။

အကဲဖြတ်အဖွဲ့၏ အသိအမှတ်ပြုခြင်းခံခဲ့ရသော ထင်ရှားသည့် လှုပ်ရှားမှုများတွင် မြန်မာ့ ယဉ်ကျေးမှုနှင့် ရောစပ်၍ အနုပညာလက်ရာမြောက်စွာ ဒီဇိုင်းဖန်တီးထားသော အခန်း (၅) ခန်းပါဝင်ပြီး ဧည့်သည်ပေါင်း ၂,၀၀၀ ခန့်ကို ဆွဲဆောင်နိုင်ခဲ့သော AIA Myanmar ၏ ထူးခြားဆန်းသစ်သည့် ဖွင့်ပွဲအခမ်းအနား “UN”၊ ရန်ကုန်၏ နှလုံးသားတည်ရာ မြို့လယ်ခေါင်တွင် တည်ရှိ၍ လေ့လာသင်ယူမှု၊ လူမှုအသိုက်အဝန်း၊ မတူကွဲပြားမှုနှင့် အနုပညာတို့ကို မြေတောင်မြှောက်အားပေး လျက်ရှိသော အနုပညာလက်ရာမြောက်စွာ ဖန်တီးထားသည့် AIA Khit Member Center ၊ ဒေသတွင်း NGO အဖွဲ့အစည်းတစ်ခု နှင့် မြန်မာ ပန်းချီအနုပညာရှင်တို့နှင့် ပေါင်းစည်းကာ AIA မှ ဖန်တီးထားသော ပြည်သူများ ကျန်းမာရေးနှင့် ညီညွတ်သည့် လှုပ်ရှားမှုများကို ဆောင်ရွက်နိုင်စေမည့် Healthier, Longer, Better Lives နောက်ဖေးလမ်းကြားဥယျာဥ်၊ မြန်မာနိုင်ငံ၏ ယဉ်ကျေးမှု အမွေအနှစ် ဗဟိုချက်ဖြစ်သည့် ပုဂံဒေသ၏ တုရင်တောင်ခြေတွင် အိမ်ခြေ ၁၀၀ ကို ဆိုလာပြား ၁၀၀ လှူဒါန်းနိုင်ခဲ့ပြီး ပြိုင်ပွဲဝင် ၂၀၀ ကျော် ပါဝင်ခဲ့သည့် AIA GO FOR LIGHT! 5KM ပြေးပွဲ၊ ပလတ်စတစ် အသုံးပြုမှု လျှော့ချရေးကို ရေရှည် လုပ်ဆောင်နိုင်ရန် ရည်ရွယ်သည့် ရန်ကုန်မြို့ပတ်ရထားပေါ်တွင် ပြုလုပ်ခဲ့သော လူထုအကျိုးပြု လှုပ်ရှားမှု တစ်ခုဖြစ်သည့် အဝတ်အိတ် လှူဒါန်းမှု စသည်တို့ ပါဝင်သည်။ ​

ယူကေ အခြေစိုက် ထိပ်တန်း စီးပွားရေးနှင့် ဘဏ္ဍာရေးဆိုင်ရာ ထုတ်ဝေမှု ဖြစ်သည့် IFM သည် ၂၀၁၃ ခုနှစ်မှ စတင်၍ အရှေ့အလယ်ပိုင်း၊ အာရှ၊ ဥရောပနှင့် အာဖရိကတို့မှ အာမခံ လုပ်ငန်းများအတွက် ဘဏ္ဍာရေး၊ ဘဏ်လုပ်ငန်း၊ စီးပွားစီမံခန့်ခွဲခြင်းနှင့် အာမခံ စသည့် နယ်ပယ် အသီးသီးအတွက် ဆုများကို နှစ်စဉ် ပေးအပ်လျက်ရှိသည်။

“ကျွန်တော်တို့ ဆောင်ရွက်ခဲ့သမျှ လှုပ်ရှားမှုတွေထဲမှာ မြန်မာနိုင်ငံရဲ့ ထူးခြားတဲ့ အနုသုခုမ လက်ရာတွေ၊ ယဉ်ကျေးမှုတွေနဲ့ လူထုတို့ ပေါင်းစည်း ပါဝင်ခြင်းရဲ့ ပြယုဂ်အဖြစ် ဒီဆုတွေကို လက်ခံရတာ အင်မတန် ဂုဏ်ယူရပါတယ်။ ကျွန်တော်တို့ရဲ့ အောင်မြင်မှုတွေဟာ မြန်မာပြည်သူတွေ‌ကြောင့်ရရှိခဲ့တဲ့ အောင်မြင်မှုပါပဲ။” ဟု AIA Myanmar ၏ CEO ဖြစ်သူ Mr. Luc Ly က ဆိုသည်။ “ကျွန်တော်တို့ရဲ့  “ပိုမိုကျန်းမာအသက်ရှည်ပြီး ပိုမိုကောင်းမွန်သော ဘဝများကို ပိုင်ဆိုင်နိုင်ရန်” ဆိုတဲ့ ရည်မှန်းချက်ကို မျှဝေဖို့ ကျွန်တော်တို့ဟာ မြန်မာြပည်သူအများနဲ့ စိမ်းနေသေးတဲ့ အသက်အာမခံရဲ့ အကျိုးကျေးဇူးတွေအကြောင်းကို  ပြည်သူလူထုကို မျှဝေမိတ်ဆက်ပေးခဲ့ပါတယ်။ ဒီလို မိတ်ဆက်ပေးတဲ့နေရာမှာ ပိုပြီး ကျယ်ကျယ်ပြန့်ပြန့်နဲ့ အကျိုးရှိစေဖို့ ထူးခြားလှပတဲ့ မြန်မာ့ အနုပညာလက်ရာတွေ၊ မြန့်မာ့ ယဉ်ကျေးမှုတွေကို အခြေတည်ကာ ပြည်သူလူထုနဲ့ အပြန်အလှန်ထိတွေ့ဆက်ဆံနိုင်မယ့် မြောက်များလှစွာသော ပွဲအခမ်းအနားတွေ၊ လှုပ်ရှားမှုတွေမှာ ပေါင်းစပ်ထည့်သွင်းခဲ့ပါတယ်။” ဟုလည်း ၎င်းက ဆိုသည်။ 

AIA Group အကြောင်း 

 AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်သည်။ ဟောင်ကောင်၊ ထိုင်း၊ စင်္ကာပူ၊ မလေးရှား၊ တရုတ်ပြည်မ၊ ကိုရီးယား၊ ဖိလစ်ပိုင်၊ သြစတေးလျ၊ အင်ဒိုနီးရှား၊ တိုင်ဝမ်၊ ဗီယက်နမ်၊ နယူးဇီလန်၊ မက္ကာအို၊ ဘရူနိုင်း၊ ကမ္ဘောဒီးယားတို့တွင် ရာနှုန်းပြည့်ပိုင်ဆိုင်သော ကုမ္ပဏီခွဲများရှိပြီး သီရီလင်္ကာတွင် ၉၇% ပိုင်ဆိုင်သော ကုမ္ပဏီခွဲ၊ အိန္ဒိယတွင် ၄၉% ဖြင့် အကျိုးတူပူးပေါင်းဆောင်ရွက်မှု တို့ရှိပါသည်။ AIA သည် မြန်မာနိုင်ငံတွင်လည်း ရာနှုန်းပြည့်လုပ်ကိုင်ခွင့်ရရှိသော ကုမ္ပဏီခွဲအဖြစ် ဆောင်ရွက်ရန် ၂၀၁၉ ခုနှစ်၊ ဧပြီလတွင် ရွေးချယ်ခံခဲ့ရသည်။ 

AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံ လုပ်ငန်းများအရ အာရှ-ပစိဖိတ် ဒေသတွင် ဈေးကွက်ဦးဆောင်သူ (ယခင်ဂျပန်နိုင်ငံ) ဖြစ်ပြီး ၎င်း၏ ဈေးကွက် အများစုတွင် ရှေ့ဆုံးမှ ဦးဆောင်လျက်ရှိသည်။ ၂၀၁၉ ခုနှစ်၊ ဇွန်လ ၃၀ ရက်နေ့မှစ၍ စုစုပေါင်းပိုင်ဆိုင်မှုမှာ အမေရိကန်ဒေါ်လာ ၂၅၆ ဘီလီလျံ ရှိသည်။  

AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင်  ပြည်သူတစ်ဦးချင်းစီအတွက် ရေရှည်ငွေစုခြင်းနှင့် လိုအပ်သည့် ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို  ဆောင်ရွက်ပေးလျက်ရှိသည်။ Group Office သည်လည်း ဝန်ထမ်းများ၏ အကျိုးအမြတ်များ၊  ချေးငွေအသက်အာမခံနှင့် ပင်စင်ဝန်ဆောင်မှုများကိုလည်း ထောက်ပံ့ ဆောင်ရွက်ပေးလျက်ရှိသည်။ AIA သည် အာရှ-ပစိဖိတ် တစ်ဝှမ်းတွင် အကျိုးဆောင် ကိုယ်စားလှယ်များ၊ လုပ်ငန်းတူ လုပ်ကိုင်သူများနှင့် ဝန်ထမ်းများ ပါဝင်သည့် ကျယ်ပြန့်သော ကွန်ရက်ဖြင့် တစ်ဦးတစ်ယောက် ချင်းစီအာမခံ ပေါ်လစီပေါင်း ၃၄ သန်းကျော်နှင့် စုပေါင်းအာမခံ ပေါ်လစီပေါင်း ၁၆ သန်းကျော်ကို ဆောင်ရွက် ပေးလျက်ရှိသည်။ 

AIA Group Limited သည် Stock Exchange ဈေးကွက်တွင် ကူးသန်းရောင်းဝယ်နေသော American Depositary Receipts (Level 1) (ticker symbol: “AAGIY”) နှင့်အတူ Stock Exchange Code “၁၂၉၉” ဖြင့် Hong Kong Limited Stock Exchange ၏ အဓိကစာရင်းဝင်ကုမ္ပဏီဖြစ်သည်။  

ဤကဲ့သို့ အာမခံ လုပ်ငန်းများ အပြည့်အဝ ဆောင်ရွက်လျက်ရှိသည့် AIA သည် မြန်မာနိုင်ငံသားများ ပိုမိုကျန်းမာ အသက်ရှည်ပြီး ပိုမိုကောင်းမွန်သောဘဝများ ရရှိရန်အတွက် လူမှု-စီးပွား ဖွံ့ဖြိုးတိုးတက်မှုကို ရေရှည်တိုးချဲ့ လုပ်ကိုင်ဆောင်ရွက်သွားမည်ဖြစ်သည်။

မီဒီယာများဆက်သွယ်ရန်