HARRY KANE အား AIA ၏သံတမန်အဖြစ် တရားဝင်ခန့်အပ်ခြင်း

ရန်ကုန်၊ မြန်မာ၊ ဇန်နဝါရီလ ၅ ရက် ၂၀၂၃ ခုနှစ် _ AIA (“ကုမ္ပဏီ”၊ စတော့ကုဒ် - ၁၂၉၉ နှင့် ၎င်း၏လုပ်ငန်းခွဲများ၊ “AIA (သို့) Group) သည် အင်္ဂလန်အသင်း၏အသင်းခေါင်းဆောင်ဖြစ်သည့်အပြင် Tottenham Hotspur အသင်း၏ တိုက်စစ်မှူးဖြစ်သော Harry Kane အား AIA ၏သံတမန်အဖြစ် တရားဝင်ခန့်အပ်ကြောင်း ထုတ်ပြန်ကြေညာ လိုက်ပါသည်။ ဤသံတမန်ခန့်အပ်ခြင်းမှာ AIA နှင့် Tottenham Hotspur ၏ (၁၀)နှစ်ကြာ အတူတကွ လက်တွဲ ပူးပေါင်းခြင်းမှတဆင့် ဖြစ်တည်လာပါသည်။

AIA နှင့် Harry တို့သည် စိတ်ပိုင်းဆိုင်ရာကျန်းမာရေးနှင့် စိတ်ဓာတ်ကြံ့ခိုင်မှုတို့ကို ရှေးရှုရန်ဆန္ဒရှိပါသည်။ ဤမိတ်ဖက်ပူးပေါင်းမှု မှတစ်ဆင့် AIA သည် Harry Kane Foundation (HKF) နှင့်အတူ ကျန်းမာရေးနှင့် စိတ်ပိုင်း ဆိုင်ရာ သုခတို့၏အရေးပါမှုကို အားပေးမြှင့်တင်ဆောင်ရွက်သွားမည် ဖြစ်ပါသည်။ အကောင်းဘက်မှ တွေးခြင်း၊ မိမိကိုယ်ကို ယုံကြည်ခြင်းနှင့် အခြားသူများဆီမှ ပံ့ပိုးကူညီမှုရရှိခြင်းတို့၏  အရေးပါပုံ အကြောင်းကို အသိပညာမြှင့်တင် ပေးရန် ရည်ရွယ်၍  Harry Kane : Resilience ဟုအမည်ရသည့် Harry ကိုယ်တိုင် ထုတ်လုပ်ရိုက်ကူးထားသော animation ဗီဒီယိုဖြင့် ဤကမ်ပိန်းကို စတင်သွားမည် ဖြစ်သည်။

AIA ၏ Group Chief Marketing Officer ဖြစ်သူ Stuart A. Spencer က “အခုလို Harry Kane ကို AIA ရဲ့သံတမန်
အဖြစ် ကြိုဆိုရတဲ့အပြင် Tottenham Hotspur နဲ့ ကျွန်တော်တို့ရဲ့ မိတ်ဖက်ပူးပေါင်းမှုကို ပိုမိုနက်ရှိုင်းစေတဲ့ အတွက်လည်း အလွန်စိတ်လှုပ်ရှားမိပါတယ်။ AIA အနေနဲ့ ၂၀၃၀ ခုနှစ်မတိုင်မီ တစ်ဘီလီယံသောပြည်သူများ ပိုမိုကျန်းမာအသက်ရှည်ပြီး ကောင်းမွန်တဲ့ဘဝများ ရရှိနိုင်စေဖို့အတွက် အာရှတစ်ခွင်လုံးမှာ အရှိန်အဟုန်မြှင့် လုပ်ဆောင်သွားမယ်လို့ ကတိကဝတ်ပြုထားပါတယ်။ Harry ရဲ့  သြဇာတိက္ကမ ကြီးမားမှုက ဒေသတွင်းမှာရှိတဲ့ လူမှုအသိုက်အဝန်း ကို အသိပညာဖြန့်ဝေဖို့ အထောက်အကူပြုမှာပါ။ ” ဟု ပြောကြားခဲ့ပါသည်။

Harry Kane က “AIA ရဲ့ သံတမန်အဖြစ် ခန့်အပ်ခြင်းခံရတဲ့အတွက် အလွန်ပဲဝမ်းသာမိပါတယ်။  ကျွန်တော်က ကျန်းမာတဲ့လူနေမှုဘဝပုံစံရရှိအောင် ထိန်းသိမ်းရခြင်းရဲ့တန်ဖိုးကို ကောင်းကောင်းယုံကြည်တဲ့အပြင် ပြည်သူတွေရဲ့ စိတ်ဓာတ်ကြံ့ခိုင်မှုကို စောင့်ရှောက်ပေးဖို့အတွက် ခွန်အားပေးရာမှာ ကျွန်တော့်ရဲ့လက်ရှိအနေအထားကို အသုံးချဆောင်ရွက်ဖို့ အလွန်ကိုအရေးကြီးတယ်လို့ ခံစားမိပါတယ်။ AIA နဲ့ အနီးကပ်လက်တွဲပြီး ကုမ္ပဏီရဲ့ ကြိုးပမ်း အားထုတ်မှုဖြစ်တဲ့  အာရှတစ်လွှားက လူမှုအသိုင်းအဝိုင်းရဲ့ ကျန်းမာရေးကို  ပိုမိုတိုးတက်လာစေဖို့ကိုလဲ ပံ့ပိုးကူညီ ပေးသွားမှာဖြစ်ပါတယ်။

AIA သည် 2013 ခုနှစ်မှစ၍ Tottenham Hotspur ဘောလုံးအသင်း၏ Global Principal Partner အဖြစ်လက်တွဲခဲ့ပါသည်။ ဤမိတ်ဖက်ပူးပေါင်းမှုသည် ဒေသတွင်းရှိ AIA ဖြန့်ကျက်တည်ရှိရာ လူမှုအသိုက်အဝန်းကို နက်နဲစွာ အကျိုးသက်ရောက်မှုရှိစေသည့် အလွန်စွမ်းအားကြီးမားသောပူးပေါင်းမှုဖြစ်ပြီး ၎င်း၏ လူသိများသော football clinics ဘောလုံးအစီအစဥ်သည် ကလေး ၈၀,၀၀၀ ကျော်ကို အကျိုးပြုပေးနိုင်ခဲ့ပါသည်။

AIA Group အကြောင်း

AIA Group Limited နှင့် ကုမ္ပဏီခွဲများ (စုပေါင်းအားဖြင့် “AIA” သို့မဟုတ် “အဖွဲ့”) တွင် လွတ်လပ်သည့် အများနှင့်သက်ဆိုင်သောကုမ္ပဏီကြီးဖြစ်သော pan-Asian အသက်အာမခံအဖွဲ့ဖြင့် ဖွဲ့စည်းထားသည်။ အာရှ-ပစိဖိတ်ရှိ ဈေးကွက် ၁၈ ခုတွင် လုပ်ငန်းများဆောင်ရွက်လျက်သည်။ ဟောင်ကောင်၊ ထိုင်း၊ စင်္ကာပူ၊ မလေးရှား၊ တရုတ်ပြည်မ၊ ကိုရီးယား၊ ဖိလစ်ပိုင်၊ သြစတေးလျ၊ အင်ဒိုနီးရှား၊ တိုင်ဝမ်၊ ဗီယက်နမ်၊ နယူးဇီလန်၊ မက္ကာအို၊ ဘရူနိုင်း၊ ကမ္ဘောဒီးယား နှင့် မြန်မာတို့တွင် ရာနှုန်းပြည့်ပိုင်ဆိုင်သော ကုမ္ပဏီခွဲများရှိပြီး သီရီလင်္ကာတွင် ၉၇% ပိုင်ဆိုင်သော ကုမ္ပဏီခွဲ၊ အိန္ဒိယတွင် ၄၉% ဖြင့် အကျိုးတူပူးပေါင်းဆောင်ရွက်မှု တို့ရှိပါသည်။

AIA ၏ စီးပွားရေးလုပ်ငန်းကို ၁၉၁၉ ခုနှစ်၌ ရှန်ဟိုင်းတွင် စတင်တည်ထောင်ခဲ့ပြီး အသက်အာမခံ လုပ်ငန်းများအရ အာရှ-ပစိဖိတ် ဒေသတွင် ဈေးကွက်ဦးဆောင်သူ (ယခင်ဂျပန်နိုင်ငံ) ဖြစ်ပြီး ၎င်း၏ ဈေးကွက် အများစုတွင် ရှေ့ဆုံးမှ ဦးဆောင်လျက်ရှိသည်။ ၂၀၂၂ ခုနှစ်၊ ဇွန်လ ၃၀ ရက်နေ့မှစ၍ စုစုပေါင်းပိုင်ဆိုင်မှုမှာ အမေရိကန်ဒေါ်လာ ၃၀၂ ဘီလီလျံ ရှိသည်။

AIA သည် အသက်အာမခံ၊ မတော်တဆထိခိုက်မှုအန္တရာယ်နှင့် ကျန်းမာရေးအာမခံ၊ ငွေစုခြင်းများ အပါအဝင်  ပြည်သူတစ်ဦးချင်းစီအတွက် ရေရှည်ငွေစုခြင်းနှင့် လိုအပ်သည့်ကာကွယ်မှုများနှင့် ပတ်သက်သော အာမခံ အမျိုးအစားများနှင့် ဝန်ဆောင်မှုများကို  ဆောင်ရွက်ပေးလျက်ရှိသည်။ Group Office သည်လည်း ဝန်ထမ်းများ၏ အကျိုးအမြတ်များ၊  ချေးငွေအသက်အာမခံနှင့် ပင်စင်ဝန်ဆောင်မှုများကိုလည်း ထောက်ပံ့ ဆောင်ရွက်ပေးလျက် ရှိသည်။ AIA သည် အာရှ-ပစိဖိတ် တစ်ဝှမ်းတွင် အကျိုးဆောင် ကိုယ်စားလှယ်များ၊ လုပ်ငန်းတူ လုပ်ကိုင်သူများနှင့် ဝန်ထမ်းများပါဝင်သည့် ကျယ်ပြန့်သောကွန်ရက်ဖြင့် တစ်ဦးတစ်ယောက်ချင်းစီအာမခံ ပေါ်လစီပေါင်း သန်း ၄၀ ကျော်နှင့် စုပေါင်းအာမခံ ပေါ်လစီပေါင်း ၁၇ သန်းကျော်ကို ဆောင်ရွက် ပေးလျက်ရှိသည်။

AIA Group Limited သည် Stock Exchange ဈေးကွက်တွင် ကူးသန်းရောင်းဝယ်နေသော American Depositary Receipts (Level 1) (ticker symbol: “AAGIY”) နှင့်အတူ Stock Exchange Code “၁၂၉၉” ဖြင့် Hong Kong Limited Stock Exchange ၏ အဓိကစာရင်းဝင်ကုမ္ပဏီဖြစ်သည်။

Harry Kane Foundation (HKF) အကြောင်း

Harry သည် သူ၏ Harry Kane Foundation ကို မျိုးဆက်တစ်ခု၏ စိတ်ပိုင်းဆိုင်ရာကျန်းမာရေးနှင့်ပတ်သက်သည့် တွေးခေါ်မှုပုံစံများကို ပြောင်းလဲစေဖို့ ကူညီပေးရန် ရေရှည်ရည်မှန်းချက်တစ်ခုအနေဖြင့် ၂၀၂၂  ခုနှစ်၊ အောက်တိုဘာလ (၁၀) ရက်၊ စိတ်ပိုင်းဆိုင်ရာကျန်းမာရေးနေ့တွင် စတင်ဖွင့်လှစ်တည်ထောင်ခဲ့သည်။ ဤဖောင်ဒေးရှင်းသည် စိတ်ပိုင်းဆိုင်ရာကျန်းမာမှုကို ပံ့ပိုးပေးနိုင်သည့် ကောင်းမွန်သောအကျင့်များကိုမြှင့်တင်ပေးရန်၊ ခွဲခြားဆက်ဆံမှုများကို ကိုင်တွယ်ဖြေရှင်းနိုင်ရန်နှင့် လက်တွေ့ကျသော အကူအညီများပေးနိုင်ရန်တို့အတွက် ဘာသာရပ်ဆိုင်ရာကျွမ်းကျင် သူများ၊ ပရဟိတအဖွဲ့အစည်းများအပြင် လုပ်ငန်းမိတ်ဖက်များနှင့် ပူးပေါင်းဆောင်ရွက်လျက်ရှိရာ Harry အတွက်လည်း စိတ်ပိုင်းဆိုင်ရာ ကျန်းမာမှုကို ပိုမို၊လေ့လာသင်ယူခွင့်ရသည့်  ခရီးစဉ်အစ ဖြစ်ပါသည်။

HKF ၏ရည်ရွယ်ချက်မှာ စိတ်ကျန်းမာရေးနှင့်ပတ်သက်သောစကားပြောဆိုမှုများကို ပုံမှန်အတိုင်း ဆွေးနွေးပြောဆို လာနိုင်စေဖို့ ကူညီပေးရန်၊ စိတ်ဓာတ်ကြံ့ခိုင်မှုကို ပံ့ပိုးပေးသည့် အပြုသဘောဆောင်သည့် အကျင့်ကောင်းများကို မြှင့်တင်ပေးရန်နှင့် ခွဲခြားဆက်ဆံခံရမှုများကို ကိုင်တွယ်ဖြေရှင်းနိုင်စေရန် ဖြစ်ပါသည်။

HKF သည် Harry ၏ ကိုယ်ရေးကိုယ်တာအကြောင်းအရာများ၊ မဟာဗျူဟာမြောက်ပူးပေါင်းဆောင်ရွက်မှုများ၊ တစ်ဦးချင်းသီးသန့်လှူဒါန်းမှုများနှင့် ရန်ပုံငွေရှာဖွေရေး လှုပ်ရှားမှုများမှတဆင့် ရန်ပုံ‌ငွေကောက်ခံသွား မည်ဖြစ်သည်။

ပြည်သူများလှူဒါန်းသောငွေ ၁၀၀% လုံးကို စိတ်ကျန်းမာရေးနှင့်ပတ်သက်သည့် အလှူအတန်းများ၊ စိတ်ပိုင်းဆိုင်ရာ တိုးတက်ပြောင်းလဲမှုဆိုင်ရာ ပရောဂျက်များနှင့် HKF မှပံ့ပိုးပေးသော အရေးကြီးသည့် သုတေသနလုပ်ငန်းများကို တိုက်ရိုက် အကျိုးသက်ရောက်စေမည် ဖြစ်ပါသည်။

HKF သည် Prism The Gift Fund ပရဟိတနံပါတ် - ၁၀၉၉၆၈၂ အောက်တွင် တရားဝင်မှတ်ပုံတင်ထားခြင်း ဖြစ်ပါသည်။