တစ်သက်တာရွေးချယ်အသက်အာမခံ
တစ်သက်တာအကာအကွယ်နှင့် ငွေလည်းစုဆောင်းနိုင်မည့် လိုအပ်သလို ပြောင်းလဲနိုင်သည့် အာမခံ
{{title}}
{{label}}28/06/2019
ကျွန်ပ်တို့၏ကျန်းမာရေးကိုကောင်းမွန်စေရန်အစာအာဟာရနှင့်ကာယလေ့ကျင့်ခန်းစသည့်ရုပ်ပိုင်းဆိုင် ရာခန္ဓာကိုယ်နှင့်ပတ်သက်သည့်ကဏ္ဍများကိုသာအာရုံစိုက်လေ့ရှိကြသည်။ သို့သော်မိမိ၏ပတ်ဝန်းကျင် သည်မိမိ၏ခန္ဓာကိုယ်ကိုမည်သို့သက်ရောက်မှုရှိနိုင်မည်ကိုအလေးထားစဉ်းစားသည့်အချိန်နည်းပါးသည်။
ယနေ့အခါပတ်ဝန်းကျင်ထိန်းသိမ်းရေးကိစ္စကိုစိုးရိမ်မှုပိုမိုများလာသည်။သစ်တောဖြုန်းတီးမှု၊ လေထု ညစ် ညမ်းမှု၊မိုးသစ်တောပျက်သုဉ်းမှု၊တောရိုင်းတိရစ္ဆာန်မျိုးသုဉ်းမည့်အန္တရာယ်စသည်တို့ကို ကာကွယ် ရေးမှစ၍ ကာဗွန်လျော့ချရေးအတွက်လှုပ်ရှားမှုစတင်နေပြီဖြစ်သည်။ ဤလုပ်ဆောင်မှုများသည်ကျွန်ပ်တို့အပေါ်ကောင်းမွန်သောသက်ရောက်မှုရှိမည်ဟုယူဆနိုင်သည်။ ကျွန်ပ်တို့ သတိမမူလျစ် လျူရှုထား သည်မှာ ကျွန်ပ်တို့နေထိုင် သည့်ပတ်ဝန်းကျင် - ကျွန်ပ်တို့၏အိမ် များ သာဖြစ်သည်။
ကျွန်ပ်တို့သည်ကိုယ်ပိုင်အချိန်တော်တော်များများကိုအိမ်၌ကုန်စေသည်။ထို့ကြောင့်ကျွန်ပ်တို့နေထိုင် သည့်အိမ်များသည်ကျန်းမာရေး သာလွန်ကောင်းမွန်သောနေရာဖြစ်ရန်အရေးကြီးသည်။
အိမ်ရှိပြူတင်းပေါက်များကိုဖွင့်ထားခြင်းအားဖြင့်သဘာဝအလင်းရောင်နှင့်လေကောင်းလေသန့်ဝင်စေ မည်။ ပြူတင်းပေါက်များ ကိုတစ်နေ့လျှင်တစ်ကြိမ်သို့မဟုတ် နှစ်ကြိမ် ၁၀ - ၂၀ မိနစ်အထိဖွင့်ထား လျှင် အနံ့ဆိုးနှင့် မသန့်ရှင်းသောလေကိုဖယ်ရှားစေသည်သာမကသင် နှင့်သင့်အိမ်ကိုလန်းဆန်းစေ မည့် လေကောင်းလေသန့်ကိုရစေပါမည်။ ကောင်းမွန်သောလေဝင်လေထွက်ရှိခြင်းနှင့်သဘာဝနေရောင်ခြည်သည်နေအိမ်၏စိုထိုင်းဆများပြား နေခြင်း ကိုဖယ်ရှားရန်လိုအပ်သည့်အပြင် မှိုတက်ခြင်း၊ ကျန်းမာရေး အတွက် ဘေး အန္တရာယ်၊ နှင့် လိုအပ်သောလေကောင်း လေသန့် ကိုရရှိစေနိုင် ပါသည်။
(မိုးလုံလေလုံ) အိမ်တွင်း ၌စိုက်ပျိုးသောအပင်များသည်ကျွန်ပ်တို့၏ကိုယ်နှင့်စိတ်နှလုံးကိုကြီးမားသော အကျိုးဖြစ်ထွန်းစေပါသည်။“သဘာဝ၏အဆုတ်များ”ဟုလူသိများသောအပင်များသည်လေတွင်ပါသော အဆိပ်အတောက်ကိုဖယ်ရှားနိုင်သည်။ (မတည်ငြိမ်သောအော်ဂဲနစ်ဒြဗ်ပေါင်းများ volatile organic compounds (VOCs) ၏ ၈၇% ကို ၂၄ နာရီ တိုင်းတွင်ဖယ်ရှားပေး သည်ဟုနာဆာသုတေသနအဖွဲ. အစည်း NASA research မှသိရသည်။)။ ထို့ပြင်လေတွင်ပါဝင်သောဖုန်ကိုလျော့ချနိုင်ခြင်း၊ အောက်ဆီဂျင်ထုတ် ပေးခြင်း၊ စိုစွတ်စေခြင်း နှင့် စိတ်ဖိစီးမှုကိုလည်းလျော့ချပေးနိုင်သည်။
>အစိမ်းရောင်သည်အေးချမ်းပြီးငြိမ်သက်သောအရောင်ဖြစ်သည်။အိမ်တွင်း၌အပင်များရှိခြင်းသည်စိုး ရိမ်ပူပန်မှုကိုလျော့နည်းစေသည်။ စိတ်ခံစားမှုကိုမြှင့်တင်ပြီးသင့်ကိုလန်းဆန်းစေ၍အကျိုးဖြစ်ထွန်းစေသည်။ ထို့ပြင်ကျွန်ပ်တို့အားသဘာဝကိုသတိရစေခြင်းဖြင့် အာရုံတည်ငြိမ်ခြင်းနှင့်စိတ်နှင့်ကိုယ်ညီမျှခြင်း ဖြစ်ပေါ်စေသည်။ သင့်နေအိမ်သည်သန့်ရှင်းလန်းဆန်း၍ကြိုဆိုနေသည့် အသွင်ပေါ်သည်။ သင့်စိတ်ကြိုက် ကျန်းမာစေသည့်အစိမ်းပင်များနှင့်ဥယျာဉ်ဖန်တီးနိုင်သည်။
အိမ်တွင်း၌အပင်များရှိခြင်းသည်စိုးရိမ်ပူပန်မှုကိုလျော့နည်းစေသည်။စိတ်ခံစားမှုကိုမြှင့်တင်ပြီးသင့်ကိုလန်းဆန်းစေ၍အကျိုးဖြစ်ထွန်းစေသည်။
ကျွန်ပ်တို့နေ့စဉ်အသုံးပြုနေသောအိမ်သန့်ရှင်းရေးပစ္စည်းများတွင်အဆိပ်ဖြစ်စေသောဓါတုပစ္စည်းများပါဝင်သဖြင့် ဓါတ်မတည့်ခြင်းများ(allergies)ပန်းနာရင်ကြပ်ရောဂါနှင့်ကင်ဆာဖြစ်စေနိုင်ခြင်းစသည့် များပြား သော ကျန်းမာရေးပြဿနာများ နှင့်ဆက်စပ်နေသည်။ ထို့ကြောင့် ရှာလကာရည်(vinegar) မုန့်ဖုတ်ဆိုဒါ (baking soda) နှင့်သံပုရာသီး ကဲ့သို့သောသဘာဝအလျောက်ပြုလုပ်ထားသည့် သန့်ရှင်း ရေးပစ္စည်းများသို့မဟုတ် ရနံ့အဆီများ (essential-oils) နှင့် သစ်ပင်ပန်းပင်များကိုအခြေခံ၍ ထုတ် သည့်ပစ္စည်းများကိုရွေးချယ်သုံးစွဲရန်အကြံပြုပါသည်။
ပဲပိစပ်နို့ကိုပြောင်းလဲသုံးစွဲပါဟုသာကျွန်ပ်တို့ကြားဖူးသည်။ အဘယ်ကြောင့်ပဲပိစပ်ဖယောင်းတိုင်ကိုသုံး ရမည်နည်း? သာမန်ဖယောင်းတိုင်များကိုရေနံအခြေခံဖယောင်းနှင့်ပြုလုပ်ထား၍ကျွန်ပ်တို့ကျန်းမာရေး အတွက် အန္တရာယ်ဖြစ်စေနိုင်သည်။ ပဲပိစပ်ဖယောင်းတိုင်ကိုသဘာဝပဲပိစပ်ဆီမှရသည့်သဘာ၀ပဲပိစပ် ဖယောင်းမှပြုလုပ်ထားသဖြင့်တဖြည်းဖြည်းသာ လောင်ကျွမ်းပြီး ကျပ်ခိုး အထွက်နည်းပါးသည်။
အကယ်၍သင်ကျန်းမာရေးနှင့်ညီညွတ်သောအစားအစာသုံးဆောင်လိုပါကသင့်အစားအသောက်သို လှောင်ခန်းမှနှစ်လိုဖွယ်ကောင်းသောအချိုနှင့်ပြုလုပ်ထားသည့်အစားအစာများ၊ကိုလက်စထရောများသည့်အစာများကိုဖယ်ရှား လိုက်ပါ။ မိမိတို့၏နေအိမ်ရှိကောင်တာစားပွဲခုံများပေါ်တွင် အဆာပြေစားစရာ (သရေစာ) နှင့် ဆိုဒါ တင်ထားလေ့ရှိသူများသည် လတ်ဆတ်သော အသီးအနှံများသာထား တတ်သူများ ထက်ပို၍ကျန်း မာရေး ချို့တဲ့သည်ဟု အမေရိကန်နိုင်ငံ၊ New York မြို့ရှိ Cornell တက္ကသိုလ် ကပြု လုပ်ခဲ့ သည့် လေ့လာချက် (study) တစ်ခုတွင်ဖေါ်ပြထားသည်။
အစားအစာသိုလှောင်ခန်းကိုရှင်းလင်းခြင်းဖြင့်မလိုအပ်သော၊သက်တမ်းကုန်ဆုံးနေသော၊စားသောက်ရန်မေ့လျော့နေသော အစာများကို ဖယ်ရှားရှင်းပစ်နိုင်သည်။ သန့်ရှင်းသော၊ကောင်းမွန်စွာစီစဉ်ထားသော အစား အသောက်သိုလှောင်ခန်းသည် သင့်ကိုအစားပုံမှန်စားစေရန်အားပေးသဖြင့်ကျန်းမာစေသည့် အပြင် ဈေးဝယ်ခြင်းနှင့်ချက်ပြုတ်ခြင်းတို့ကိုလည်းပိုမိုကောင်း မွန်စေသည်။
မိမိတို့၏နေအိမ်ရှိကောင်တာစားပွဲခုံများပေါ်တွင်အဆာပြေစားစရာ(သရေစာ)နှင့်ဆိုဒါတင်ထားလေ့ရှိ သူများသည်လတ်ဆတ်သော အသီးအနှံများသာထားတတ်သူများထက်ကျန်းမာရေးပိုမိုချို့တဲ့သည်။
သင်သောက်သုံးသောရေသည်ညစ်ညမ်းမှုကင်းမဲ့စေရန်ရေကိုစစ်ပြီးမှသောက်သုံးရန်အကြံပြုပါသည်။ ညစ်ညမ်းမှုဖြစ်စေသောအရာများဖြစ်သည့်ခဲ(Lead)၊E.coliဘက်တီးရီးယား၊ပိုးသတ်ဆေးများနှင့်အခြားအဆိပ်အတောက် ရောဂါပိုးမွှားများသည်ကျွန်ပ်တို့၏ဗဟိုရေပေးဝေသည့်စနစ်အတွင်းသို့စိမ့်ဝင် လာ နိုင် သဖြင့် ကာလဝမ်းရောဂါ(cholera) ၊ အူရောင်ငန်းဖျားရောဂါ (typhoid)စသည့်ရောဂါဆိုးများအပြင် အလွန့်အလွန် ကျွန်ပ်တို့၏အသည်းကိုပါပျက်စီးစေနိုင်သည်အထိဥပဒ်ပေးနိုင် သည်။ စစ်ထားသောရေသည်ညစ်ညမ်းစေသောအရာဝတ္ထုများ၏အန္တရာယ်ကိုလျော့ချနိုင်ပြီး မျှတသော pH အဆင့် (AlKalinity နှင့် Acidity မျှတစွာပါဝင်ခြင်း) ကြောင့်ကျွန်ပ်တို့၏ကျန်းမာရေးကိုအဖက်ဖက် မှအကာအကွယ်ပေးပါသည်။
စားကြွင်းစားကျန်များကိုအဘယ်သို့ကိုင်တွယ်မည်နည်း။ဖန်ဘူး/ပုလင်းများတွင်သိမ်းဆည်းပါ။ပလပ်စတစ်ကိုမသုံးပါနှင့်။ ပလပ်စတစ်သည်ကျွန်ပ်တို့၏ပတ်ဝန်းကျင်ကိုပျက်စီးဆုံးရှုံးမှုများဖြစ်ပေါ်စေသည်မှာကျွန်ပ်တို့အသိ ပင်ဖြစ်သည်။ ဖန်သည်အစားအစာသိုလှောင်ရန်ပလပ်စတစ်ထက်ပို၍အန္တရာယ်ကင်းသည်။ ပလပ်စတစ်တွင် ပါဝင် သော ဓါတုပစ္စည်းများသည်အစားအစာအတွင်းကူးစက်နိုင်သည်။ ဖန်သည်ပိုမိုခိုင်ခန့်ပြီးအစားအစာ၏ အနံ့အသက်ကိုမစုပ်ယူပါ။ ဖန်ကိုပြန်လည်အသုံးပြုနိုင်သည်။
လိုအပ်သည့်အချိန်တွင်တစ်ဦးတည်းနားနိုင်ရန် ကိုယ်ပိုင်သီးသန့်အထူးနေရာလေးတစ်နေရာဖန်တီးပါ။
ကျွန်ပ်တို့၏အိမ်တွင် ကိုယ်ပိုင်သက်တောင့်သက်သာရှိသောထောင့်နေရာလေးများရှိကြသည်။
ထိုနေရာတွင် စာအုပ်ကောင်းတစ်အုပ်၊လက်ဖက်ရည် တစ်ခွက်နှင့်အပန်းဖြေနိုင်သည်။ စိတ်ကူးမှာထိုအထူးနေရာလေး ကိုကျန်းမာရေးဇုန်အဖြစ်ပြောင်းလဲပြီးသင်စိတ်ရော ကိုယ်ပါကျန်းမာ စေရန်ဖြစ်ပါသည်။ သင်လိုအပ်သည့်အချိန်တွင်သက်တောင့်သက်သာနှင့်အနားယူရန်ဖန်တီးထားသည့်အထူးနေရာလေးတွင်သင့်အကြိုက်ဆုံးဖြစ်သည့်မွှေးရနံ့ကြိုင်လှိုင်နေသည့်အပင်ငယ်များထည့်ထားသော ဖလား (potpourri) ၊ ရေမွှေး အဆီ များ (essential oils) ၊ ယောဂကျင့်ရန်ဖျာ (yoga mat)၊ ပဲပိစပ် - ဖယောင်းတိုင်( soy - candles)၊ ပန်းပင်၊ ပန်းပွင့်များ၊ သက်တောင့်သက်သာရှိသောဆိုဖာထိုင်ခုံ(cosy cushions)များဖြည့်စွက်ပါ။
ကောင်းမွန် သော ကျန်းမာရေးကိုထိန်းသိမ်းရန်မိမိနေထိုင်သည့်အိမ်သည်ချွင်းချက် မဟုတ်ပါ။ အိမ်ကိုပါ ဂရုစိုက်ရပါမည်။ အိမ်ရှိဖုန်များကိုလှည်းထုတ်ခြင်းဖြစ် စေ၊ အဆိပ် အတောက်များဖယ်ရှားခြင်းဖြစ်စေ၊ မိမိပတ်ဝန်းကျင်ကိုအာရုံစူးစိုက်ဂရုမူမှသာကျွန်ပ်တို့ရေ ရှည်ကျန်းမာရေးအတွက်နှင့်ကောင်းမွန်စွာ အသက်ရှင် နေထိုင်ရေးအတွက်မည်မျှအထောက်အကူပြုမည်ကိုစဉ်းစားလျှင်ကျွန်ပ်တို့အမှန်ဧကန် ပျော်ရွှင်မည်ဖြစ်ပါသည်။ အထက်ဖေါ်ပြပါဆောင်းပါးများသည်သတင်းအချက်အလက်အတွက်သာရည်ရွယ်ပါသည်။ ဆောင်းပါးများပါအကြောင်းအရာအချက်အလက်များကိုယုံကြည်စိတ်ချအားထားခြင်းကြောင့်ဆုံးရှုံးမှုတစ်စုံတရာဖြစ်ပေါ်လာပါက AIA ၏ တာဝန်မဟုတ်ပါကြောင်းကိုအသိပေးအပ်ပါသည်။
ရည်ညွှန်း။
https://www.ncbi.nlm.nih.gov/pmc/articles/PMC4587002/
https://ntrs.nasa.gov/archive/nasa/casi.ntrs.nasa.gov/19930073077.pdf
https://www.bioadvanced.com/articles/5-benefits-houseplants
https://www.livestrong.com/article/254322-what-are-the-benefits-of-soy-candles/
http://news.cornell.edu/stories/2015/10/whats-your-countertop-might-predict-your-weight
https://borgenproject.org/water-quality-in-malaysia/
https://healthy-cookware.com/why-glass-food-storage-containers-are-better-than-plastic/
The above articles are intended for informational purposes only. AIA accepts no responsibility for loss which may arise from reliance on information contained in the articles.