AIA Myanmar မှ နှစ်တစ်ရာပြည့်အထိမ်းအမှတ်အဖြစ် “AIA GO! FOR LIGHT” အမည်ရ ၅ ကီလိုမီတာရှိ ပရဟိတအပြေး ပြိုင်ပွဲကို ပုဂံတွင် ကျင်းပ

နှစ်တစ်ရာပြည့် အခမ်းအနားနှင့် ပိုမိုကျန်းမာအသက်ရှည်ပြီး ပိုမိုကောင်းမွန်သောဘဝများပိုင်ဆိုင်နိုင်စေရန် “AIA GO! FOR LIGHT” ဟူသည့် အပြေးပြိုင်ပွဲ တစ်ခုကိုကျင်းပခဲ့သည်။ ပြိုင်ပွဲတွင် ရှေးဟောင်းမြို့တော်ဖြစ်သည့် ပုဂံမြို့၏ ရှုခင်းအလှအပများကို ကြည့်ရှုရင်း ရှေးဟောင်းပုဂံဘုရားများအကြားတွင် ၅ ကီလိုမီတာရှိ  တာတို အပြေး၌ ပြိုင်ပွဲဝင်နေကြသော တက်ကြွလှုပ်ရှားသည့် ပြိုင်ပွဲဝင် အယောက် ၂၀၀ ကို တွေ့ခဲ့ရမည် ဖြစ်သည်။ ပြိုင်ပွဲကိုတနင်္ဂနွေနေ့ နံနက်စောစောတွင်  အထင်ကရအထွတ်အမြတ်ဘုရား တစ်ဆူဖြစ်သည့် ထီးလိုမင်းလို ဘုရားဝင်းထဲတွင် စတင်ခဲ့ပြီး ထိုနေရာတွင်ပင် ပြီးဆုံးခဲ့သည်။ ထို့နောက်တွင် လျှပ်စစ်မီး မရရှိသော ပုဂံတူရွင်းတိုင်ရွာရှိ အိမ်ခြေ ၁၀၀ ကို နေစွမ်းအင်သုံးဆိုလာပြား ၁၀၀ လှူဒါန်းသည့် အစီအစဉ်လည်း ပါဝင်ခဲ့သည်။

အခမ်းအနားသို့ ကျေးရွာမှ တာဝန်ရှိသူများ၊ AIA မှ အာရှ-ပစိဖိတ်‌‌ဒေသဆိုင်ရာ CEO ဖြစ်သူ Mr. Tan Hak Leh ၊ AIA Myanmar ၏ CEO ဖြစ်သူ Mr. Nhon Ly (Luc)၊ AIA Myanmar မှ တာဝန်ရှိသူများနှင့် ဝန်ထမ်းများတက်ရောက်ခဲ့ကြသည်။ အပြေးပြိုင်ပွဲ ကျင်းပပြီးနောက် တူရွင်းတိုင်ကျေးရွာမှ တာဝန်ရှိသူများကို နေစွမ်းအင်သုံးဆိုလာပြားများ လှူဒါန်းပြီး အိမ်ခြေ ၁၀၀ တွင်လည်း သွားရောက် တပ်ဆင်ပေးခဲ့သည်။

AIA Myanmar ၏ CEO ဖြစ်သူ Mr. Nhon Ly (Luc) က “AIA group အနေနဲ့ နှစ်တစ်ရာပြည့်အခမ်းအနား တွေကို အာရှပစိဖိတ်ဒေသတွေ မှာ တမူထူးခြားတဲ့ပုံစံနဲ့ ကျင်းပခဲ့ပြီးဖြစ်ပါတယ်။ မြန်မာနိုင်ငံမှာလည်းထူးခြားတဲ့ အရာတစ်ခုခုကို ပြည်သူလူထုဆီပြန်လည်ပေးအပ်ချင်ပါတယ်။ ကျွန်တော်တို့တွေက ပထမဦးဆုံး ပရဟိတ အပြေးပြိုင်ပွဲဖြစ်တဲ့ “AIA GO! FOR LIGHT” အမည်ရ ၅ ကီလိုမီတာရှိတဲ့ အပြေးပြိုင်ပွဲတစ်ခုကို ကျင်းပခဲ့ပြီး လျပ်စစ်မီးလိုအပ်နေတဲ့ ကျေးရွာတွေကိုလည်း နေစွမ်းအင်သုံးဆိုလာပြား ၁၀၀ ကို ပေးအပ်လှူဒါန်း တပ်ဆင်ပေးခဲ့ပါတယ်။ အခုလိုရာပြည့်အခမ်းအနားကို ပုဂံမှာရွေးချယ်ပြီးပြုလုပ် ရတဲ့ အကြောင်းအရင်းကတော့ ပုဂံဟာမြန်မာနိုင်ငံရဲ့ မြတ်နိုးစရာကောင်းတဲ့နေရာတွေထဲကနေရာတစ်ခု ဖြစ်ပြီးတော့ မြန်မာနိုင်ငံသားတွေရဲ့ နှလုံးသားနဲ့ အနီးစပ်ဆုံးဖြစ်တဲ့ သမိုင်းဝင်နေရာတစ်ခုဖြစ်လို့ပါပဲ။”

“ဒီနေ့မှာအခုလို အားတက်သရောပါဝင်ပေးကြတဲ့ပြိုင်ပွဲဝင်များ၊ ဒေသခံခေါင်းဆောင်များ နဲ့ ကျွန်တော်တို့ရဲ့ လုပ်ဖော်ကိုင်ဖက်များကို လည်းအထူးကျေးဇူးတင်ပါတယ်။ AIA ဟာ ပိုမိုကျန်းမာ အသက်ရှည်ပြီး ပိုမိုကောင်းမွန်စွာ နေထိုင်ရန်ဆိုတဲ့ ကတိစကားကို နောင်လာမယ့် နှစ်တစ်ရာမက တည်မြဲစေမှာဖြစ်ပြီး ဒီကတိစကားကို မြန်မာနိုင်ငံရဲ့ ပြောင်းလဲလာတဲ့ လိုအပ်ချက်တွေနဲ့ ကိုက်ညီအောင် အထူးအလေးပေး ဆောင်ရွက်သွားမှာ ဖြစ်ပါတယ်။” ဟု Mr. Nhon Ly (Luc) မှ ဖြည့်စွက်ပြောကြားခဲ့သည်။

ပြိုင်ပွဲပြီးနောက်တွင် AIA Myanmar သည် အနိုင်ရရှိသည့် အပြေးပြိုင်ပွဲဝင်(၆)ဦးကို ဆုများ ချီးမြင့်ပေးအပ်ခဲ့သည်။ နှစ်တစ်ရာပြည့်် အခမ်းအနား အစီအစဥ်အရ နောက်ဆုံးတွင်ပြုလုပ်မည့် အခမ်းအနား ဖြစ်သော ဟောင်ကောင်တွင်ကျင်းပမည့် ပွဲမတိုင်မီ ရှေ့ပြေးအဖြစ် မြန်မာနိုင်ငံတွင် ကျင်းပခဲ့ခြင်းဖြစ်သည်။ အဆိုပါ အခမ်းအနားတွင်ပါဝင်သော အစီအစဉ်တစ်ခုဖြစ်သည့် မိုးပျံပူဖောင်း လွှင့်တင်ရာတွင်လည်း ကံထူးသူ (၃)ဦးကို ရွေးချယ်၍ လိုက်ပါစီးနင်းခွင့်ပြုခဲ့သည်။

AIA ၏ အာရှပစိဖိတ်ဒေသဆိုင်ရာ CEO Mr. Tan Hak Leh က “AIA နှစ်တစ်ရာ ပြည့်မြောက်ခြင်းဟာ အခမ်းအနားကျင်းပဖို့ အခွင့်အရေးတစ်ခုသာ မဟုတ်ဘဲ AIA နှစ်ပေါင်းများစွာ ဖွံ့ဖြိုးတိုးတက်လာဖို့နဲ့ အောင်မြင်မှု ရရှိဖို့ ပါဝင်ဆောင်ရွက်ခဲ့သူတွေ အားလုံးကို ကျေးဇူးတင်နိုင်မယ့် အခွင့်အရေး တစ်ခုလည်း ဖြစ်ပါတယ်။ AIA အပေါ် သစ္စာရှိမှုနဲ့ယုံကြည်မှုတွေအတွက်သာမက AIA နဲ့အတူ ပါဝင်ပြီး ကျွန်တော်တို့ရဲ့ ဒေသခံ ရပ်ရွာလူထုကို ထောက်ပံ့ပေးနေမှုကြောင့်လည်း ကျွန်တော်တို့ရဲ့ customers တွေကို ကျေးဇူးအထူးတင်ရှိပါတယ်။” ဟု ပြောကြားခဲ့သည်။

AIA သည် ၎င်း၏ နှစ်တစ်ရာပြည့် အခမ်းအနားကို ပြည်သူများ ပိုမိုကျန်းမာအသက်ရှည်ပြီး ပိုမိုကောင်းမွန်သော ဘဝများပိုင်ဆိုင်နိုင်စေရန်၊ အသက်မွေးဝမ်းကြောင်းဆိုင်ရာ အလုပ်အကိုင်များကို ပရော်ဖက်ရှင်နယ် အတွက် သာမက ပုဂ္ဂိုလ်ရေးဖွံ့ဖြိုးတိုးတက်မှုများအတွက် ရေရှည်အခွင့်အရေးများ ပေးစွမ်းနိုင်ရန် စသည့် အချက်အများကို ကတိပြု ကျင်းပခဲ့ခြင်းဖြစ်သည်။

နှစ်တစ်ရာပြည့် အထိမ်းအမှတ်အနေဖြင့် AIA သည် ၎င်း၏ သမိုင်းကြောင်း၊ အောင်မြင်မှု မှတ်တိုင်များနှင့် အနာဂတ်ကို ဂုဏ်ပြုသောအားဖြင့် မတူညီသော အားကစားလှုပ်ရှားမှုပေါင်း ၁၀၀ ကို တစ်နှစ်တာအတွက် ရည်ရွယ်ကျင်းပ ပြုလုပ်ခဲ့သည်။အဆိုပါ ဂုဏ်ပြုပွဲများကို ၎င်းတို့၏ ဈေးကွက်များအတွင်း ကျင်းပပြုလုပ်ခဲ့ပြီး နှစ်တစ်ရာ ခရီးကို ကိုယ်စားပြုရန်၊ လူမှုအသိုင်းအဝိုင်းကို ထောက်ပံ့ရန်နှင့် အရေးအကြီးဆုံး အကြောင်းရင်း ဖြစ်သည့် AIA ၏ ပြည်သူလူထုကို ပိုမိုကျန်းမာအသက်ရှည်ပြီး ပိုမိုကောင်းမွန်စွာ နေထိုင်နိုင်ရန် ဟူသည့် ကတိစကားကို တည်မြဲနိုင်စေရန် အတူတကွ လက်တွဲဆောင်ရွက်သွားကြမည် ဖြစ်သည်။ အဆိုပါ လှုပ်ရှား မှုများတွင် တောင်တက်ခြင်း၊ လမ်းလျှောက်ခြင်းနှင့် ပြေးခြင်း စသည်တို့ ပါဝင်ပြီး လှုပ်ရှားမှု တစ်ခုချင်းစီကလည်း ဒေသခံ လူမှုအသိုင်းအဝိုင်းများကို ပရဟိတအနေဖြင့်သော်လည်းကောင်း အထူးအစီအစဉ်အဖြစ်သော် လည်းကောင်း ပံ့ပိုးကူညီသွားမည် ဖြစ်သည်။

AIA ၏ မြန်မာကိုယ်စားပြုရုံးကို ၂၀၁၃ ခုနှစ်တွင် စတင်ဖွင့်လှစ်ခဲ့ရာ လွန်ခဲ့သော (၆) နှစ်တာကာလအတွင်း မြန်မာပြည်သူများ၏ နေထိုင်မှုအဆင့်အတန်းမြင့်မားလာစေရန်နှင့် အသက်အာမခံလုပ်ငန်းနှင့်ပတ်သက်သော အသိပညာဗဟုသုတများ ပိုမိုတိုးတက်လာစေရန်အတွက် အမျိုးမျိုးသော အစီအစဉ်များတွင် တက်တက်ကြွကြွ ပါဝင်လုပ်ဆောင်ခဲ့သည်။ ၂၀၁၉ ခုနှစ်၊ ဧပြီလတွင် မြန်မာနိုင်ငံ၌ရာနှုန်းပြည့်လုပ်ကိုင်ခွင့်ရသော ကုမ္ပဏီ အဖြစ် စီမံကိန်းနှင့် ဘဏ္ဍာရေးဝန်ကြီးဌာန၏ ရွေးချယ်မှုကို ခံရပြီး မကြာမီတွင် အာမခံထုတ်ကုန်များကို မိတ်ဆက်မည်ဖြစ်ကာ ရေရှည်လူမှုစီးပွားရေးဖွံ့ဖြိုးမှုအတွက်သာမက ပြည်သူလူထုအတွက် ပိုမိုကျန်းမာ အသက်ရှည်ပြီး ပိုမိုကောင်းမွန်သော ဘဝများ ပိုင်ဆိုင်နိုင်စေရန်ဆိုသည့် ကတိကဝတ်ကိုလည်း ဆက်လက် အကောင်အထည်ဖော်ဆောင်ရွက်သွားမည်ဖြစ်သည်။ အဆိုပါ ကတိစကားသည် AIA မှ မြန်မာနိုင်ငံတွင် လုပ်ငန်းတိုးချဲ့ဆောင် ရွက်ရာတွင် အနာဂတ်လုပ်ငန်းများကို သိသိသာသာ  ထင်ဟပ်စေမည်ဖြစ်သည်။

“AIA GO! FOR LIGHT” နှင့် အခြားသော AIA Myanmar နှင့်ပတ်သက်သည့် လှုပ်ရှားမှုအကြောင်းအရာများကို ပိုမိုသိရှိလိုပါက AIA Myanmar ၏ တရားဝင် Facebook စာမျက်နှာဖြစ်သော https://www.facebook.com/AIA.Myanmar.MM/ တွင် ဝင်ရောက်ကြည့်ရှုလေ့လာနိုင်ပါသည်။