၁။  ‘COVID-19’ ဆိုသည်မှာ ကမ္ဘာ့ကျန်းမာရေးအဖွဲ့မှ အတည်ပြုသတ်မှတ်ထားသော Novel Coronavirus ဖြစ်စဉ်များကို ဆိုလိုသည်။

၂။  ဤ Program  အောက်ရှိအကျိုးခံစားခွင့်များသည် AIA Myanmar သက်ဆိုင်ရာပေါ်လစီများ၏ အသက်အာမခံထားသူ နှင့်သာ သက်ဆိုင်ပါသည်။

၃။  ဤ Program  အကျိုးခံစားခွင့်များကို ရရှိနိုင်ရန် COVID-19 စစ်ဆေးတွေ့ရှိသောအချိန်တွင် ပေါ်လစီသည် အသက်၀င်နေရမည်ဖြစ်ပါသည်။

၄။  “စောင့်ဆိုင်းကာလ” ဆိုသည်မှာ Program ကာလအတွင်း ထုတ်ပေးထားသော ပေါ်လစီအသစ် အတွက် ထုတ်ပေးသည့်နေ့မှ ၁၄ရက်ကြာသော အချိန်ကာလ သို့မဟုတ် သက်တမ်းကုန်သွားသော ပေါ်လစီ အတွက် ပြန်လည်အသက်သွင်းသည့် နေ့မှ ၁၄ရက်ကြာသော အချိန်ကာလ ဟု အဓိပ္ပာယ် ရပါသည်။

၅။  စောင့်ဆိုင်းကာလမတိုင်မီ သို့မဟုတ် စောင့်ဆိုင်းကာလ အတွင်းတွင် အသက်အာမခံထားသူအနေဖြင့် COVID-19 စစ်ဆေးတွေ့ရှိခြင်း သို့မဟုတ် လက္ခဏာများပေါ်လာခဲ့ပါက အကျိုးခံစားခွင့်များကိုရရှိမည် မဟုတ်ပါ။

၆။  Program  ကာလအတွင်း ပေါ်လစီအသစ်တစ်ခုကို ဝယ်ယူသော Customer များအတွက် AIA Myanmar ၏ သဘောတူညီချက်စာကို Customer မှ လက်မှတ်ရေးထိုးထားမှသာလျှင် Covid-19 ဆိုင်ရာ ထပ်တိုး အကျိုးခံစားခွင့်များကို ရရှိမည်ဖြစ်ပါသည်။

၇။  AIA Myanmar နှင့် ပေါ်လစီအရေအတွက် မည်မျှရရှိစေကာမူ ICU နှင့် သေဆုံးမှု အကျိုးခံစားခွင့်များကို အသက်အာမခံထားသူတစ်ဦးလျှင် တစ်ကြိမ်သာ ခံစားခွင့်ရှိမည်ဖြစ်ပါသည်။ အသက်အာမခံထားသူ အနေဖြင့် အသက်၀င်နေသည့်ပေါ်လစီတစ်ခုထက်ပို၍ ရှိပါကယင်းပေါ်လစီများနှင့် ပေါ်လစီနံပါတ်များ ကို အာမခံအကျိုးခံစားခွင့်တောင်းခံလွှာ တွင်ထည့်သွင်းဖော်ပြရမည်ဖြစ်ပါသည်။

၈။  ICU နှင့် သေဆုံးမှု အကျိုးခံစားခွင့် နှစ်မျိုးလုံးကို ရယူခံစားပိုင်ခွင့် ရှိသောဖြစ်စဉ်တွင် သေဆုံးမှုအတွက် အကျိုးခံစားခွင့်ရှိသည့်ငွေကို ICU အကျိုးခံစားခွင့်ထဲမှ နုတ်ယူပေးဆောင်သွားမည် ဖြစ်ပါသည်။

၉။  ICU နှင့် သေဆုံးမှု အကျိုးခံစားခွင့်များအား လက်ရှိပေါ်လစီ၏ အကျိုးခံစားခွင့်ရှိသူကိုသာ ပေးဆောင်မည်ဖြစ်ပါသည်။

၁၀။  ဤ Program  ၏ COVID-19 အကျိုးခံစားခွင့်များသည် AIA Myanmar မှ ထပ်တိုးပံ့ပိုးပေးထားခြင်းဖြစ်ပြီး ပဋိဉာဉ် အရပေးဆောင်ထားခြင်းမျိုးမဟုတ်ပါ။ ဤ Program  ၏ စည်းကမ်း နှင့်  သတ်မှတ်ချက်များကို AIA Myanmar မှ Customer များအား ကြိုတင် အသိပေးခြင်းမရှိဘဲ အချိန်မရွေးရပ်ဆိုင်းခြင်း သို့မဟုတ် ပြုပြင်ခြင်းတို့ လုပ်ဆောင်ပိုင်ခွင့်ရှိပါ သည်။ ဤစည်းကမ်း သတ်မှတ်ချက်များနှင့် ပတ်သက်၍ AIA Myanmar ၏ ဆုံးဖြတ်ချက်ကိုသာ နောက်ဆုံး အတည်ယူမည် ဖြစ်ပါသည်။  

၁၁။  AIA Myanmarသည် တစ်ဦးတည်းဆုံးဖြတ်ချက်ဖြင့် Program ၏ အကျိုးခံစားခွင့်များနှင့် Program  ကာလကိုကျော်လွန်၍ သက်တမ်းတိုးပေးဆောင်ရန် ဆုံးဖြတ် နိုင်ပါသည်။    

၁၂။  ပြီးပြည့်စုံသော အကျိုးခံစားခွင့် တောင်းခံသည့်စာရွက်စာတမ်းများကို  ၂၀၂၂ ခုနှစ်၊ စက်တင်ဘာလ ၃၀ရက် နောက်ဆုံးထား၍ တင်ပြရမည်ဖြစ်သည်။

၁၃။  အနည်းဆုံးအနေဖြင့် Program  အကျိုးခံစားခွင့်များကို တောင်းခံခြင်းအတွက် တင်ပြရန် လိုအပ်သော စာရွက်စာတမ်းများကို အောက်ဖော်ပြပါအတိုင်းဖြစ်သည်။

က။  COVID-19 ရောဂါတွေ့ရှိအတည်ပြုခြင်းခံရပြီးနောက် ICU အတွင်းဆေးကုသမှုခံနေရခြင်း အတွက် တင်ပြရန် လိုအပ်သောစာရွက်များ

          ၁။ COVID-19 positive စမ်းသပ်မှုအဖြေ¹⁴

          ၂။ ICU ဆေးမှတ်တမ်းများ¹⁵

ခ။ COVID-19 ရောဂါတွေ့ရှိအတည်ပြုခြင်းခံရပြီးနောက် သေဆုံးသွားခြင်း အတွက်တင်ပြရန် လိုအပ်သော စာရွက်များ

         ၁။ COVID-19 positive စမ်းသပ်မှုအဖြေ¹⁴

          ၂။ သေစာရင်း¹⁶

ဂ။ ICU အတွင်းဆေးကုသမှုခံနေရစဉ်  သေဆုံးသွားခြင်း (COVID-19 ရောဂါတွေ့ရှိအတည်ပြုခံရမှုကြောင့်) အတွက်တင်ပြရန် လိုအပ်သော စာရွက်များ

         ၁။ COVID-19 positive စမ်းသပ်မှုအဖြေ¹⁴

       ၂။ ICU ဆေးမှတ်တမ်းများ¹⁵

         ၃။ သေစာရင်း¹⁶

၁၄။  COVID-19 စစ်ဆေးတွေ့ရှိမှုအတွက်  ကျန်းမာရေးနှင့် အားကစား ဝန်ကြီးဌာန (MoHS) မှ မြန်မာနိုင်ငံရှိ အသိအမှတ်ပြု/ အတည်ပြုထားသော ဆေးရုံ သို့မဟုတ် ဆေးခန်း များမှ positive အစီရင်ခံစာ ထောက်ခံချက်ကို တင်ပြရမည်ဖြစ်ပြီး ယင်းအစီရင်ခံစာထောက်ခံချက်တွင် တာဝန်ရှိဆရာ၀န် တစ်ဦး၏ အသိမှတ်ပြုအတည်ပြုချက် ပါရှိရမည်ဖြစ်သည်။ မြန်မာနိုင်ငံပြင်ပရှိ Customer များအတွက်  သက်ဆိုင်ရာဒေသခံအစိုးရအာဏာပိုင်များ၏ ဓာတ်ခွဲခန်းစစ်ဆေးမှု positive အစီရင်ခံစာ ထောက်ခံ ချက်ကိုပေးရမည်ဖြစ်ပြီး ယင်းအစီရင်ခံစာထောက်ခံချက်တွင် တာဝန်ရှိဆရာ၀န်တစ်ဦး၏ အသိမှတ်ပြု အတည်ပြုချက် ပါရှိရမည်ဖြစ်သည်။

၁၅။  ICU ဆေးမှတ်တမ်းများတွင် ICU သို့ တက်ရောက်သည့်ရက်စွဲကို ထည့်သွင်းဖော်ပြထားရမည်ဖြစ်ပြီး ကုသမှုအမျိုးအစားနှင့် ဆေးစာမှတ်တမ်းတို့ အသေးစိတ်ပါ၀င်ရမည်ဖြစ်သည်။ ဆေး မှတ်တမ်းများကို ဆေးရုံမှထုတ်ပြန်ရမည်ဖြစ်ပြီး တာဝန်ခံဆရာဝန်မှ ၎င်း၏အမည်၊ မှတ်ပုံတင် အမှတ် (ဆ.မ လိုင်စင်အမှတ်)၊ တံဆိပ်တုံးတို့နှင့်တစ်ကွ လက်မှတ်ရေးထိုးရမည်ဖြစ်သည်။

၁၆။  သေစာရင်းလက်မှတ်တွင် COVID-19 ကြောင့် သေဆုံးရကြောင်းကို အတိအလင်းဖော်ပြထား ရမည်ဖြစ်ပြီး ယင်းသေစာရင်းလက်မှတ်ကို မြန်မာနိုင်ငံ၏ ဒေသခံ အာဏာပိုင် (MoHS) သို့မဟုတ်၊ ခွင့်ပြုချက်ရရှိထားသည့် ဆေးရုံမှ ထုတ်ပေးထားရမည်ဖြစ်သည်။ Customer အနေဖြင့် သေစာရင်း လက်မှတ်ကို တင်ပြနိုင်ခြင်းမရှိပါက သေဆုံးသည့်အကြောင်းအရင်းကို အတည်ပြုနိုင်ရန် အောက်ဖော်ပြပါ စာရွက် စာတမ်းများအားလုံး တင်ပြရပါမည်။

• မီးသင်္ဂြိုလ်ခြင်းလက်မှတ် (COVID-19 ကြောင့် သေဆုံးကြောင်းကို အတိအလင်း ဖော်ပြထားရမည်)
• ဆေးကုသခဲ့သောတာ၀န်ခံဆရာဝန်/ ကုမ္ပဏီ/ ဒေသခံတာဝန်ရှိသူမှ ထောက်ခံစာ (အထူးသဖြင့် ရပ်ကွက် အုပ်ချုပ်ရေးမှုးရုံး နှင့် MOHS လက်အောက်ရှိ ပြည်သူ့ ကျန်းမာရေးဦးစီးဌာန တို့မှ ထောက်ခံစာ ၊ letterhead (ကုမ္ပဏီဖြစ်လျှင်) နှင့် COVID-19 ကြောင့် သေဆုံးကြောင်းကို အတိအလင်း ဖော်ပြထားချက် စသည်တို့ပါ၀င်ရမည်။)
• အသုဘဖိတ်စာ

၁၇။  အာမခံအကျိုးခံစားခွင့်အား တောင်းခံရာတွင် လိုအပ်သော အခြား စာရွက်စာတမ်းများ နှင့်/သို့မဟုတ် သက်သေခံချက်များကို AIA Myanmarမှ လိုအပ်သလို ထပ်မံတောင်း ဆိုနိုင်ပြီး တင်ပြလာ သည့် စာရွက်စာတမ်းများကိုလည်း ပဏာမ စစ်ဆေးသွားမည် ဖြစ်ပါသည်။  

၁၈။  AIA Myanmar အနေဖြင့် တောင်းဆိုထားသော လိုအပ်သောအချက်အလက်များကို ပြည့်စုံစွာရရှိထားခြင်းမရှိလျှင်ဖြစ်စေ အထက်တွင်ဖော်ပြထားသော အချက်အလက်များနှင့် တစ်သတ်မတ်တည်းမကျလျှင်ဖြစ်စေ AIA Myanmar မှ တောင်းဆိုမှုအား စီစစ်ခြင်းနှင့် ငွေပေးချေခြင်းတို့ကို မပြုလုပ်ပိုင်ခွင့်ရှိသည်။ အငြင်းပွားဖွယ်ဖြစ်သော တောင်းဆိုမှုများ အတွက် AIA Myanmar ၏ တစ်ဦးတည်း ဆုံးဖြတ်ချက်မှာ နောက်ဆုံးအတည် ဖြစ်သည်။